يا جماعة لوسمحتم حد يقول اية الي أطالب بيه صاحب العربية الميجان الي هشتريها منه(كتلوج

[aassdd]

ممكن تقلولي اية الاشياء الي اطالب بية ذي مفتاح العجل وكود الكسيت والكود دة بيبقا عامل إذاي .................
الكتلوج وبيكون كام نسخة

لان انا كشفت في المقطم ذي ما حضرتكم قلتولي وطلعت ممتازا مكنيكا وكهرباء ولكن بها شغل خفيف في العفشة زي التيل والطنبير بلاضافة الي قعدة فتيس بــــــ 195 جنية ..

وعلفكرة هي 2005 أتومتك مقابض نيكل فرش جلد .......... بدون فتحة سقف

وكام نسخة مفتاح....
انا متلغبط ومش فاهم اي حاجا في العربية ارجو الافادة

[Hassanelrafe]

أولا مبروك عليك الميجان

[النسبه لكود الكاسيت - هو 4 ارقام بتكون مكتوبه في الكتالوج لكل سياره
بتحتاج تدخل الرقم فقط في حاله فصل البطاريه عن السياره
الكتالوج بيكون نسخه من كل لغه ( عربي انجليزي فرنسي ) و موجود في جراب شيك في تابلوه العربيه
و كمان نسختين مفتاح
حاول تحتفظ بالتقرير الفني اللي التوكيل عمهولك - وطبعا هاتعمل الملحوظات اللي قالولك عليها
ماتقلقش خالص و مفيش داعي تتلخبط - العربيه محترمه و زي الفل

ربنا يجعلها وش خير عليك و مبروك مقدما

أخوك حسن الرافعي

[Sharky]

أولا :لازم تاخد عدد (2) كارت .
ثانيا : مفتاح الجنوط.
ثالثا: كود الـCD بيبقى مكتوب فى كاتلوج الـCD
رابعا: بيبقى فيه عدد (1) كاتالوج و عدد(1) كتيب الضمان

[aassdd]

العربية عاملة 109 الف و موديل 2005 فا اية الهدف من كتيب الضمان ؟

انا سائلت في التوكيل علي الصيانة بتاعت العربية قلولي انو عامل كل الصيانات حتي الـــــ 90 الف عملها وغير فيها سير كتينا ولكن سقط منة صيانة ال 50 الف وصيانة ال 70 الف فقط ولكن جاء التقرير ممتاز من حيث الكهرباء والميكانيكا ولكن العفشة محتاجة حوالي 2500 جنية علشان العربية تبقي زي الكتاب ما قال

فا مثال قلولي فية عدد 2 جنوط عايزين يتغيرو علشان الجهاز قال انهم مش prfect مع العلم ان حليتهم جيدا جدان وانا علفيكر بكالريوس ميكانيكا سيارات هندسة العاشر وفاهم ان ممكن يتمشي عليهم عادي بس مثلان بعد ال 200 كم لو ضربت فرامل ممكن العجلة ترعش معاك ودا طبعان في راي التوكيل its not safe for driver ولكن انا لا الجاء للسرعات العلية وكمان سعر فرديت الكوتش 1250 وسعر الجنط 1380 والمساعد الامامي بي 1100 جنية ومع احترامي انا ممكن اركب مساعدين كونيي وعمروهم ما هايقسرو علي حاجة في العفشة لان دة مالوش علاقة وكمان الكونيي بي 600 واقوة بكتييييييييييييييير من ال castrol الي هما بيركبوهم ...

شكراً بجد يا جماعة علي اهتممكم انتوا ناس محطرميين قوي بجد وانا اول مرة اشتريك في منتدي ولغايت دلوقتي مش عارف اكتب اسمي زيكم ولكن انا اسمي " باسم "
وربنا يبركلك يا شركي بجد انت وباقي الناس المحترمين الي في المنتدي

[aassdd]

وهل اغير حجارة الريموت احتياطي اول ما استليمها واغير كمان البطرية ولا مش موهم

[Ramy_Tantawi]

أهلا بيك أخي باسم ومبروك مقدماً انضمامك للجاليه الميجانويه في مصر وربنا يجعلها وش الخير عليك ان شاء الله ويديك خيرها ويكفيك شرها ان شاء الله.

طالما حضرتك مطمن للتقرير اللي طالع للعربيه من التوكيل توكل على الله وعموماً الميجان عربيه معمره وخدومه طول ما الصيانه الدوريه بتتعمل في معادها .

بالنسبه لحالة العربيه هي كويسه وانا مع حضرتك ان ممكن جداً الجنوط تتغير من بره لو مش عاوز الاوريجنال بتاع العربيه وان شاء الله مفيش خطوره طول ما السرعه في المعقول وربنا بيعدك عن الحفر والنقر ان شاء الله اما الكاوتش فا بره برضه هيكون ارخص اكيد من السعر ده وبالنسبه للمساعدين فا لو واحد بس خليك في الاوريجنال بتاع العربيه بدل ما تغير الطقم كله لإني اعتقد مينفعش 3 بتوع العربيه وواحد منهم كوني او نوع آخر والله أعلم.

آخر حاجه بطارية الريموت ممكن تحتفظ بواحده جديده في العربيه لو مقلق من اللي راكبه في الريموت او غيرها وريح نفسك من الأول عشان تكون مطمئن.

مره أخري أخي باسم مبروك ان شاء الله وربنا يجعلها مبروكه دايما بيك ويكفيك شرها ..............تحياتي

[أبو عبدالله]

سؤال هو العربيه عامله 109 الف كيلو
وهتغير طنابير
ومساعدين
وقاعدة فتيس كمان

بصراحه قطع الغيار عمرها قصير جدا

[Migo123]

سؤال هو العربيه عامله 109 الف كيلو
وهتغير طنابير
ومساعدين
وقاعدة فتيس كمان

بصراحه قطع الغيار عمرها قصير جدا

الطنابير على 109 انا شايف ان ده طبيعي جدا
المساعدين وقاعدة الفتيس راجع لطريقه الاستخدام وطبيعة الطرق اللي العربيه بتمشي فيها واعتقد ان ده عادي جدا في شوارع مصر خصوصا بالنسبه للمساعدين

يا راجل هو في عربيه في مصر ماشيه بمساعد سليم 100%

[Ahmed Selim]

العربية عاملة 109 الف و موديل 2005 فا اية الهدف من كتيب الضمان ؟

انا سائلت في التوكيل علي الصيانة بتاعت العربية قلولي انو عامل كل الصيانات حتي الـــــ 90 الف عملها وغير فيها سير كتينا ولكن سقط منة صيانة ال 50 الف وصيانة ال 70 الف فقط ولكن جاء التقرير ممتاز من حيث الكهرباء والميكانيكا ولكن العفشة محتاجة حوالي 2500 جنية علشان العربية تبقي زي الكتاب ما قال

فا مثال قلولي فية عدد 2 جنوط عايزين يتغيرو علشان الجهاز قال انهم مش prfect مع العلم ان حليتهم جيدا جدان وانا علفيكر بكالريوس ميكانيكا سيارات هندسة العاشر وفاهم ان ممكن يتمشي عليهم عادي بس مثلان بعد ال 200 كم لو ضربت فرامل ممكن العجلة ترعش معاك ودا طبعان في راي التوكيل its not safe for driver ولكن انا لا الجاء للسرعات العلية وكمان سعر فرديت الكوتش 1250 وسعر الجنط 1380 والمساعد الامامي بي 1100 جنية ومع احترامي انا ممكن اركب مساعدين كونيي وعمروهم ما هايقسرو علي حاجة في العفشة لان دة مالوش علاقة وكمان الكونيي بي 600 واقوة بكتييييييييييييييير من ال castrol الي هما بيركبوهم ...

شكراً بجد يا جماعة علي اهتممكم انتوا ناس محطرميين قوي بجد وانا اول مرة اشتريك في منتدي ولغايت دلوقتي مش عارف اكتب اسمي زيكم ولكن انا اسمي " باسم "
وربنا يبركلك يا شركي بجد انت وباقي الناس المحترمين الي في المنتدي

بص يا باسم
زى ما الشباب قالولك على الحاجات اللى تطالب بيها بس الزيادة عليهم أنك تاخد مفتاح العجل و فيه كمان الانكيه للطاسات بتاعت الجنوط

بالنسبة للطنابير المتوسط بتاعهم فى أى عربية من 80 ألف الى 100 ألف كم أن مكنش أقل
بالنسبة للمساعدين ربنا يخلليلنا الشوارع الها يلة بتاعتنا اللى تبوظ أجدع مساعد فى كلمة
بس لو هتغير وتجيب كونى خللى بالك الكونى ناششششششف ( أنا مركب الكونى السبورت الأصفر ) موطيلى العربية 3 مللى تقريباً بس فى السرعات هاييييييل

بالنسبة للبطارية متغيرهاش الا لو حسيت بمشكلة زى مثلاً تعتيل فى الدوارة أحياناً
وبالنسبة لبطارية الكارت هى أصلاً ب 3.5 جنيه من عند أى حد جيب 2 وركب واحدة و خللى التانية أحتياطى فى العربية

لو فى أى أسئلة تانية قول و أن شاء الله نجاوبك على طول

و مبروك مقدماً يا باشا

[أبو عبدالله]

الطنابير على 109 انا شايف ان ده طبيعي جدا
المساعدين وقاعدة الفتيس راجع لطريقه الاستخدام وطبيعة الطرق اللي العربيه بتمشي فيها واعتقد ان ده عادي جدا في شوارع مصر خصوصا بالنسبه للمساعدين

يا راجل هو في عربيه في مصر ماشيه بمساعد سليم 100%

طنابير على 109 الف طبيعي
ازاي

انا مش هقول حاجه
ولكن ممكن حد من الأعضاء اللي معاهم كورولات مثلا غيروا على كام

[Migo123]

طنابير على 109 الف طبيعي
ازاي

انا مش هقول حاجه
ولكن ممكن حد من الأعضاء اللي معاهم كورولات مثلا غيروا على كام

استهلاك الطبورة مع التيل وضع طبيعي جدا
وبتفرق من سواقه للتانيه
يعني لو واحد سواقته عنيفه وبيستخدم الفرامل كتيير
يبقى ها يستهلك تيل كتيير وطنابير كتيير
لو سواقه عاديه ممكن تعيش شويه .
اللي اعرفه في العربيات الكوري
الطنابير آخرها 60 - 80 الف ( دي للانواع الكويسه مش دايو لانها اقل كتيير من كده )
الياباني معرفش
بس معتقدش هتبقى اكتر كتيير

[Ahmed Selim]

استهلاك الطبورة مع التيل وضع طبيعي جدا
وبتفرق من سواقه للتانيه
يعني لو واحد سواقته عنيفه وبيستخدم الفرامل كتيير
يبقى ها يستهلك تيل كتيير وطنابير كتيير
لو سواقه عاديه ممكن تعيش شويه .
اللي اعرفه في العربيات الكوري
الطنابير آخرها 60 - 80 الف ( دي للانواع الكويسه مش دايو لانها اقل كتيير من كده )
الياباني معرفش
بس معتقدش هتبقى اكتر كتيير

أنا مغير طنابير الميجان على 70 ألف لأن سواقتى عنيفة شوية

والطبيعى فعلاً من 60 ألف الى 80 ألف تتغير زى بالظبط الكاوتش اللى الناس بتجيبوا وبتغيروا بعد لما يتيل هل ده صحيح؟

وبرضه أنا غيرت من 4 سنين طنابير فيكترا 97 اتوماتيك مقعدوش 40 ألف

[Sharky]

أنا ليه واحد صاحبى معاه كرولا مغير الطنابير بتاعتها على 90 الف كم
على فكرة هى موديل 2004 مع العلم إنها مش ABS

[aassdd]

شكراً جداً بس ممكن حد يقولي اية العدة الي بتبقي مع العربية (الكوريك....)
وممكن الي مركب عفشة كونيي يقولي بكام ؟

[Ramy_Tantawi]

العده اللي بتيجي مع العربيه يا سيدي هي :-
1- كوريك
2-مفتاح العجل اللي بيفك الجنط.
3-بتاعه غريبه كده عشان تفك بيها الطاسه بتاعة العجل أو الغطا اللي في الجنط اللي بيغطي الأربع مسامير في الجنط.
4-حديده كده بتركب في العربيه في مكان ليها مخصوص في مقدمة العربيه ومؤخرتها عشان تقطر حاجه هي حديده كده من ناحيه بريمه ومن الناحيه تانيه دايره مقفوله .

الحاجات دي كلها بيكون مكانها في الشنطه جنب الاستبن في قاعده فلين كده محطوطين فيها كلهم .

اعتقد ده اللي موجود كله مفيش حاجه تانيه .