سعر و تركيب زجاج الفلوينس .. مفاجأة

[Hegazio]

كنت سألت الجميع عن مساعدتهم بعد كسر زجاج الفلوينس برصاصة زلطية غادرة!!
مالقيتش اجابة مرضية .. فقلت أقولكم من باب " حب لأخيك ما تحب لنفسك "

رحت د.جريش فالعاشر من رمضان
لقيت باركنج بأرقام..

تقف تحت رقم..

تدخل تدفع و تبلغه الموديل و رقم الباركنج..

3 دقاءق ييجي الزجاج و اتنين عمال محترفين..

7 دقائق تانيين و يكون ركب..

تدخل تاخد الفاتورة و تمشي.

السعر 475 جنيه بالتركيــــــــــــــــب ( كنت خدت خصم 5 % معرفه )
زي الأصلي تماما .. و حرفيه عالية في تركيب سنسور المطر
و سلملي علي احلي رينو .. العربية اللي بتثبت نفسها فالسوق .. الدعم بيبقي موجود

تحياتي

[NaderNabil]

حضرتك شجعتني جداً أروحلهم...لأن زجاج الأوكتافيا بقاله سنتين متشحور في كذا منطقة و خايف طول الوقت أركب حاجة غير الأصلي

[Abo_Lina]

مبرووووك
و سعر رااائع

[abdo_2812]

الله ينور
ألف مبروك الزجاج الجديد وربنا يستر طريقك ياكبير :)

[assaf]

الف مبروك وربنا يبارك ليك فيه

[medohai510]

ألف مبروك وربنا يستر طريقك

[wawoo]

رحت د.جريش فالعاشر من رمضان
لقيت باركنج بأرقام..

تقف تحت رقم..

تدخل تدفع و تبلغه الموديل و رقم الباركنج..

3 دقاءق ييجي الزجاج و اتنين عمال محترفين..

يعنى اية زى الاصلى ..نفس الخامة بالضبط و لا دة مجرد نفس المقاس و خلاص .....و الخامة نفسها مصنعة فين ..؟

[shadyawad]

الكلام ده كبير !

مبروك يامان

[hany63]

ده كان ردي عليك لما عملت موضوع الكسر
(الناس بتشكر في د جريش عشان بيعمل زجاج العربيات المجمعه في مصر و ياريت هما اللي يركبوه عشان يتقفل كويس )
مش فاهم كنت عايز ايه تاني بصراحه عشان تلاقي الاجابه المرضيه و حب لاخيك ما تحب لنفسك

[Hegazio]

ده كان ردي عليك لما عملت موضوع الكسر
(الناس بتشكر في د جريش عشان بيعمل زجاج العربيات المجمعه في مصر و ياريت هما اللي يركبوه عشان يتقفل كويس )
مش فاهم كنت عايز ايه تاني بصراحه عشان تلاقي الاجابه المرضيه و حب لاخيك ما تحب لنفسك

انت عداك العيب
ماتتضايقش

[hany63]

لا ياباشا مافيش حاجه و المهم ان الموضوع خلص على خير

[GMakram]

شكرا لنقل التجربه,انا بقالى فتره صغيره فى منتدى رينو وشايف انك بصراحه الجندى المجهول بنقل خبراتك و تجاربك

مبروك الزجاج الجديد

تحياتى