سكالا لسا بشوكها والفانوس بيشبر ميه

[mohamedkordy]

واحد قريبى جاب سكالا من يومين واكتشف مبدءيا ان الفانوس بيشبر ميه وان الاشارات الجانبيه لما بيجبها يمين وشمال مبترجعش تانى ياترى دا عادى ولا ايه برجاء الافاده

[mazooz]

مش طبيعى بالنسبة للفانوس اما الأشارات بترجع بس فى الملفات الجامدة زى اليو ترن .....
على العموم خليه يكتب كل حاجة قبل مايروح التوكيل
هما ناس محترمين و هيساعدوه انشاء الله

[MohammedAladel]

هو إيه اللى بيخلى الفانوس يشبر أنا لاحظتها فى عربيات كتير ؟

[mazooz]

ساعات بتقبى نسبة الرطوبه فى الهواء عاليه اثناء التجميع أو تغير اللمبة فبيتكثف على الزجاج أو السطح البارد فى الفانوس

[mazooz]

المفروض أن التجميع بيتم فى بيئه جافة لتفادى موضوع التشبير

[mohamedkordy]

متهيالى الجلده عايزه تتغير

[i_Am_Legend]

واحد قريبى جاب سكالا من يومين واكتشف مبدءيا ان الفانوس بيشبر ميه وان الاشارات الجانبيه لما بيجبها يمين وشمال مبترجعش تانى ياترى دا عادى ولا ايه برجاء الافاده

واكيد قريبك اسمة استاذ احمد فتحي..والعربية لونها كحلي..والعربية بتاعة اختة

[mohamedkordy]

لا مش فاهمك بصراحه اشمعنا دا يعنى مفيش غيره اللى جابها فى البلد ولا ايه

[mohamedkordy]

واكيد قريبك اسمة استاذ احمد فتحي..والعربية لونها كحلي..والعربية بتاعة اختة

الاسطوره مش فاهمك بصراحه ياريت توضحلى هوا مفيش غيرو فى البلد جابها ولا ايه بالظبط وياريت لو حد عايز يرد يرد رد موضوعى مش اى كلام وخلاص

[i_Am_Legend]

الاسطوره مش فاهمك بصراحه ياريت توضحلى هوا مفيش غيرو فى البلد جابها ولا ايه بالظبط وياريت لو حد عايز يرد يرد رد موضوعى مش اى كلام وخلاص

..يا مستر محمد انا ماقصدش حاجة .انا بضحك مع حضرتك..العربية ممتازة جدا جدا.واتباع منها كتيييير.

[i_Am_Legend]

الفكرة بس ان الموضوع دة عميل عندي كلمني وذكرلي القصة دي.. وياسيدي انا بشتغل في شركة موزع معتمد لكيا ورينو..والسكالا تحديدا .موجودة عندنا بس.

[mohamedkordy]

الفكرة بس ان الموضوع دة عميل عندي كلمني وذكرلي القصة دي.. وياسيدي انا بشتغل في شركة موزع معتمد لكيا ورينو..والسكالا تحديدا .موجودة عندنا بس.

يباشا حصل خير طب ياترى تقدر تفيدنا فى المشكله ديه

[mohamedkordy]

قريبى. راح التوكيل. وقالو حنغيرالك دراع الاشارات ونغير الفانوس

[Land_Cruiser]

طيب الحمد لله هو وارد يكون فى حاجه فى الكاوتش اللى على الفانوس بتخلليها تدخل رطوبه و كويس انه اكتشفها لانها مع الوقت كانت ممكن تدخل تراب كمان و كويس جداً انهم هيغيروا الفانوس حرصا على إرضاء العميل

[mohamedkordy]

بس هما قالولو ان العربيه قطع غيارها حتوصل كمان اسبوعين هيا ديه المشكله