عيوب الداستر من وجهة نظر ملاكها

[stonecoldmido5]

يا رجالة انا شايف ان اللى فارق فى انتشار العربية دى هو الاتوماتيك - و الله ناس كتير بتصرف نظر عنها لمجرد انها مانيوال بس و قبل الخوض فى اى تفاصيل تانية (مع ان السواقة ى المانيوال).
كمان لازم الوضع فى الاعتبار ان ثقافة شراء العربيات فى مصر اصلا غلط - و اهم حاجة عندنا ان العربية شكلها يكون حلو و صالونها شيك و تكون اتوماتيك و طظ فى اى كلام ثانوى بعد كدة زى الثبات و الاعتمادية و المتانة و التوكيل - و اكبر دلي على كلامى هى الفيرنا اللى اكتسحت السوق المصرى مع انها ضايعة فى الثبات و الامان
و الامثلة كتيرة طبعا بس بالعودة للموضوع الاصلى عيوبها و اسباب عدم الانتشار اللى يليق بها:
اهم حاجة هى الاتوماتيك و تانى حاجة اماكن الزراير و تالت حاجة فقر الصالون و الرابع فتح الشنطة و البنزين من برة - دى الحاجات اللى تخلينا نقول: يا خسارة الحلو ما يكملش - بس بعد كدة نشتريها برضو علشان خاطر الاداء و السعر و التوكيل و العفشة

كلام حضرتك عشرة علي عشرة بس هي بصراحة ما انتشريتش اوي علشان نعرف عيوبها فالعيوب بالنسبة لنا دلوقتي نسألة كماليات و ربنا يستر منتصدمش اما نسمع اسعار قطع الغيار .

[Land_Cruiser]

يا رجالة انا شايف ان اللى فارق فى انتشار العربية دى هو الاتوماتيك - و اللة ناس كتير بتصرف نظر عنها لمجرد انها مانيوال بس و قبل الخوض فى اى تفاصيل تانية (مع ان السواقة ى المانيوال).
كمان لازم الوضع فى الاعتبار ان ثقافة شراء العربيات فى مصر اصلا غلط - و اهم حاجة عندنا ان العربية شكلها يكون حلو و صالونها شيك و تكون اتوماتيك و طظ فى اى كلام ثانوى بعد كدة زى الثبات و الاعتمادية و المتانة و التوكيل - و اكبر دلي على كلامى هى الفيرنا اللى اكتسحت السوق المصرى مع انها ضايعة فى الثبات و الامان
و الامثلة كتيرة طبعا بس بالعودة للموضوع الاصلى عيوبها و اسباب عدم الانتشار اللى يليق بها:
اهم حاجة هى الاتوماتيك و تانى حاجة اماكن الزراير و تالت حاجة فقر الصالون و الرابع فتح الشنطة و البنزين من برة - دى الحاجات اللى تخلينا نقول: يا خسارة الحلو ما يكملش - بس بعد كدة نشتريها برضو علشان خاطر الاداء و السعر و التوكيل و العفشة

اعتقد ان الحاجات اللى حضرتك قلت عليها كلها قابله للتنفيذ ما عدا حكايه الاتوماتيك دى لانها هتحتاج تغيير للموتور بحاجه تانيه اكبر و من وجهه نظرى المتواضعة ما ينفعش تبقى اتوماتيك و دفع رباعى و ١٠٥ حصان بموتور ١٦٠٠ سى سى و المنطقى انهم لو عملوا فيها اتوماتيك انها تبقى بتاعه الدفع الامامى العاديه مع شويه تظبيط للصالون و كماليات و الاختيار التانى تبقى المانيوال و دفع رباعى مع تظبيط الصالون و شويه كماليات و يبقى السعر ١٤٠ الف مثلا كده تبقى معقوله

[ahroshdy]

يا شباب أخوكم لسة مستلم العربية الداستر امبارح
ولسة محتاج شوية وقت عشان أحكم عليها وعلى عيوبها إن وجدت
لأن فى رأى الشخصى كون عدم وجود وحدة تحكم فى الزجاج أو رفاهية التابلوة (زى الفلونس مثلاً) لا يمثل أى عيوب

بس الصراحة العربية ما شاء الله أنا لسة مستلم امبارح ومحتاج بقى نصائح منكم مش عيوب :)

[stonecoldmido5]

يا شباب أخوكم لسة مستلم العربية الداستر امبارح
ولسة محتاج شوية وقت عشان أحكم عليها وعلى عيوبها إن وجدت
لأن فى رأى الشخصى كون عدم وجود وحدة تحكم فى الزجاج أو رفاهية التابلوة (زى الفلونس مثلاً) لا يمثل أى عيوب

بس الصراحة العربية ما شاء الله أنا لسة مستلم امبارح ومحتاج بقى نصائح منكم مش عيوب :)

الف الف مبروك يارب يحفظهالك ويجعلها قدم السعد علي حضرتك في كل حياتك ,
نصيحتي لحضرتك :
1- اوعي الار بي ام يعدي 3 بأي حال من الاحوال في فترة التللين او 1000 كيلو .
2- السرعة القصوي لسعادتك ما تزدش عن 120 كم في الساعة في اول الف كم .
3- ممكن حضرتك تحس ان العربية مخنوقة شوية في اول 1000 معلهش العربية بتفتح تدريجي بعد كده .
4- يا ريت حضرتك تحطلها بنزين 92 و متفكرش نهائي في 90 حتي لو كنت سعادتك مضطر .
5- طبيعي حضرتك المفروض تركب فرش جلد شيك مع الارضية علشان تنسي الموضوع ده .
6- يا ريت تتابع حضرتك مع التوكيل في صيانة 5000 كيلومتر لان اي عربية بتحتاج تربيط شوية و ع فكرة اول 5000 مجانية و متغيرش زيت الا في 10 الاف كيلو او قبلها بحاجة بسيطة .
7- يا ريت لوحضرتك شاري فئة الدفع الرباعي متطلعش ع الغيار التاني في اول الف و التزم سيادتك بالغيار الاول .
8- لازم حضرتك تجرب انظمة التحويل التلاتة ,و لوسيادتك جوه البلد تخليها 2wd علشان استهلاك البنزين و لو سيادتك مسافر ممكن تخليه Auto علشان ظروف الطريق .

معلهش هي كلها حاجات بسيطة و مكررة بس ده اللي عملته فعلا اول اما استلمت العربية ارجو ان اكون افدت حضرتك و الف مبروك مرة تانية .

[محمد بدر]

متتتتتتتتتتتتتتتابع

[Land_Cruiser]

يا شباب أخوكم لسة مستلم العربية الداستر امبارح
ولسة محتاج شوية وقت عشان أحكم عليها وعلى عيوبها إن وجدت
لأن فى رأى الشخصى كون عدم وجود وحدة تحكم فى الزجاج أو رفاهية التابلوة (زى الفلونس مثلاً) لا يمثل أى عيوب

بس الصراحة العربية ما شاء الله أنا لسة مستلم امبارح ومحتاج بقى نصائح منكم مش عيوب :)

الف مبروك يا فندم و ربنا يديلك خيرها و يكفيك شرها وان شاء الله يكون اختيار موفق و نظرا لانى متابع باهتمام فقط و مش مالك انصحك تبص على المواضيع بتاعه الفرش و المسند اللى الاخوه الافاضل عملوها لو ما كنتش شفتها لسه

[bebo2000]

يا شباب أخوكم لسة مستلم العربية الداستر امبارح
ولسة محتاج شوية وقت عشان أحكم عليها وعلى عيوبها إن وجدت
لأن فى رأى الشخصى كون عدم وجود وحدة تحكم فى الزجاج أو رفاهية التابلوة (زى الفلونس مثلاً) لا يمثل أى عيوب

بس الصراحة العربية ما شاء الله أنا لسة مستلم امبارح ومحتاج بقى نصائح منكم مش عيوب :)

اولا: الف مليون مبروك وربنا يديك خيرها ويمنع عنك شرها ويباركلك فيها واهلا بك اخ من اخواتنا في الداستر ايوة كدة خلينا نكتر والعربية تنتشر علشان نغيظ الناس بتوع الكارينز

ثانيا: لو عاوز رأى اخوك اول ما ترخص تطلع على جينز كار علطول قبل ما الموكيت يلم رمل وتراب وتخلص من موضوع الارضية وتنساه بقيت حياتك ولما تحب تنضفها من جوة مش هتاخد 5 دقايق على بعض وترجع جديدة لكن الموكيت انسى مهما نضفته مابيرجعش زي الاول ابدا
ويا سلام فرش حلو من بتاع اخويا الحاج احمد بخياطة دبل ولا حد يقدر يقولك كلمة على الصالون بعد كدة


ثالثا: زي ما قالك اخونا stonecoldmido5

1- اوعي الار بي ام يعدي 3 بأي حال من الاحوال في فترة التللين او 1000 كيلو .
هو التعليمات اللى في الكتيب انك تنقل من 3000 الى 3500 لفة ومتزودش عن كدة لكن لو حبيت تمشي على اقل من كدة عادي ولو ان الماتور علشان يلين لازم تحمل عليه سنة سنة واقل من 3000 هايبقى قليل اوى انا عن نفسي اول 500 كلم كنت بنقل على 3000 وبعدين زودت لغاية 3500 وبعد اول الف كلم ابتديت انقل على قرب 4000 وده علشان الماتور يفتح وحدة وحدة

2- السرعة القصوي لسعادتك ما تزدش عن 120 كم في الساعة في اول الف كم .
كلام 100 100

3- ممكن حضرتك تحس ان العربية مخنوقة شوية في اول 1000 معلهش العربية بتفتح تدريجي بعد كده .
كلام 200 100 وده اللى حصل معايا بالظبط

4- يا ريت حضرتك تحطلها بنزين 92 و متفكرش نهائي في 90 حتي لو كنت سعادتك مضطر .
هى غطا التانك بتاعها مكتوب عليه 95 و 98 فالحمد لله انها بتمشي كويس مع 92 وماتنزلش عن كدة

5- طبيعي حضرتك المفروض تركب فرش جلد شيك مع الارضية علشان تنسي الموضوع ده .

6- يا ريت تتابع حضرتك مع التوكيل في صيانة 5000 كيلومتر لان اي عربية بتحتاج تربيط شوية و ع فكرة اول 5000 مجانية و متغيرش زيت الا في 10 الاف كيلو او قبلها بحاجة بسيطة .

7- يا ريت لوحضرتك شاري فئة الدفع الرباعي متطلعش ع الغيار التاني في اول الف و التزم سيادتك بالغيار الاول .
نصيحة فوق الممتازة من stonecoldmido5 ومايعرفهاش غير اللى جربها
8- لازم حضرتك تجرب انظمة التحويل التلاتة ,و لوسيادتك جوه البلد تخليها 2wd علشان استهلاك البنزين و لو سيادتك مسافر ممكن تخليه Auto علشان ظروف الطريق .
معلهش هي كلها حاجات بسيطة و مكررة بس ده اللي عملته فعلا اول اما استلمت العربية ارجو ان اكون افدت حضرتك و الف مبروك مرة تانية .
كلام 100 100 وكله افادة ومعنديش حاجة اضيفها غير ان الكاوتش بيبقى مظبوط على ضغط عالى علشان الركنة فياريت تروح تظبطه على 29 زى ما مكتوب على القايم انا حطيت نيتروجين ولو انى مش مقتنع بيه بس ماجتش على ال20 جنيه بتاعته

والف مبروك مرة تانية

[beeronasr]

أفادكم اللة يا رجالة زى ما انتوا بتفيدوا ناس كتير

[ahroshdy]

السلام عليكم
أخوينا bebo2000 و stonecoldmido5
حقيقة أنا مش عارف أشكركم إزاى على النصائح الهايلة دى حقيقة
معلش اتأخرت فى الرد عشان ضريبة العربية الجديدة شوية تعب بسيط وكنت بعمل تحاليل شاملة Check up الحمد لله على نعمة الصحة
نرجع للعربية بقى
أولا، أنا لم يشجعنى أحد على شراء السيارة سوى المنتدى الرائع وخاصة التقارير التى قدمتموها سابقاً ورويتى لتجارب الفرش من عند جينز كار والمسند بجد بشكركم لإن السيارة ما شاء الله أكثر من رائعة :)

أنا بالفعل كنت خلال اليومين السابقين فى قمة الحيرة مش عارف أنا ماشى على أر بى ام 3.5 ومش بزود وساعات بطلع على التانى (العربية 4*4) وأحياناً على الأول
أنا عندى سؤال هو موضوع الفرش بياخد كام يوم ولا فى نفس اليوم ؟ وعايز لو تفضلتم عنوان الحاج أحمد (جينز كار)

[ahroshdy]

الف مبروك يا فندم و ربنا يديلك خيرها و يكفيك شرها وان شاء الله يكون اختيار موفق و نظرا لانى متابع باهتمام فقط و مش مالك انصحك تبص على المواضيع بتاعه الفرش و المسند اللى الاخوه الافاضل عملوها لو ما كنتش شفتها لسه

شكراً يا باشا وبالفعل أنا متابع للنصائح اللى شباب المنتدى بيوفرها وهى أكتر من رائع

[bebo2000]

السلام عليكم
أخوينا bebo2000 و stonecoldmido5
حقيقة أنا مش عارف أشكركم إزاى على النصائح الهايلة دى حقيقة
معلش اتأخرت فى الرد عشان ضريبة العربية الجديدة شوية تعب بسيط وكنت بعمل تحاليل شاملة check up الحمد لله على نعمة الصحة
نرجع للعربية بقى
أولا، أنا لم يشجعنى أحد على شراء السيارة سوى المنتدى الرائع وخاصة التقارير التى قدمتموها سابقاً ورويتى لتجارب الفرش من عند جينز كار والمسند بجد بشكركم لإن السيارة ما شاء الله أكثر من رائعة :)

أنا بالفعل كنت خلال اليومين السابقين فى قمة الحيرة مش عارف أنا ماشى على أر بى ام 3.5 ومش بزود وساعات بطلع على التانى (العربية 4*4) وأحياناً على الأول
أنا عندى سؤال هو موضوع الفرش بياخد كام يوم ولا فى نفس اليوم ؟ وعايز لو تفضلتم عنوان الحاج أحمد (جينز كار)

الف مليون سلامة عليك وربنا يديك الصحة
ومعلش انا عارف ان منظر العربية وحجمها بيخلى اى حد يشوفها يدعيلك شوية دعاوى حلوة من عينة " اللى اداك يدينا " و " ناس عايشة وناس مش لاقية " وبقية الكلام اللى انت عارفه ومحدش متصور انها بنفس سعر عربيات كوري كتير مالية البلد والناس بتعتبرها عربيات شعبية زى السيراتو والالنترا بس هانعمل ايه؟

بالنسبة للفرش هو بياخد يوم واحد تفصيل وتركيب بس بيحتاج منك تروح يوم قبلها علشان تختار الخامات والالوان وتشوف اليوم اللى يناسبك علشان المواعيد بتبقى محجوزة وبالنسبة للعنوان فهو سهل خالص هاتوصل لغاية ميدان رابعة العدوية وبعدين تطلع ناحية مسجد نورى خطاب او حى مدينة نصر ( لو سألت اى حد عليهم الف واحد هايفيدك ) ولما توصل عند الحي هتلاقي جنبه محطة بنزين شيل الفتحة اللى بعديها علطول هاتدخلها هتلاقي جينز كار قدامك جنب واحد بتاع كاوتش وسوبر ماركت

[stonecoldmido5]

السلام عليكم
أخوينا bebo2000 و stonecoldmido5
حقيقة أنا مش عارف أشكركم إزاى على النصائح الهايلة دى حقيقة
معلش اتأخرت فى الرد عشان ضريبة العربية الجديدة شوية تعب بسيط وكنت بعمل تحاليل شاملة check up الحمد لله على نعمة الصحة
نرجع للعربية بقى
أولا، أنا لم يشجعنى أحد على شراء السيارة سوى المنتدى الرائع وخاصة التقارير التى قدمتموها سابقاً ورويتى لتجارب الفرش من عند جينز كار والمسند بجد بشكركم لإن السيارة ما شاء الله أكثر من رائعة :)

أنا بالفعل كنت خلال اليومين السابقين فى قمة الحيرة مش عارف أنا ماشى على أر بى ام 3.5 ومش بزود وساعات بطلع على التانى (العربية 4*4) وأحياناً على الأول
أنا عندى سؤال هو موضوع الفرش بياخد كام يوم ولا فى نفس اليوم ؟ وعايز لو تفضلتم عنوان الحاج أحمد (جينز كار)

الف سلامة علي حضرتك و اتمني لسيادتك دوام الصحة و الف مبروك علي العربية و bebo2000 باشا اوفي في اجابة السؤال و اي استفسار انا تحت امر حضرتك

[ahroshdy]

شكراً يا شباب الله يسلمكم جميعاً
بجد العربية ما شاء الله كل يوم اقتناعى بيها بيزيد
أنا رحت جينز كار واخترت الألوان وان شاء الله قريب هارفع الصور لما أركبه الفرش الجديد
الحاج أحمد شعلان إنسان أكثر من رائع وتحس انه بيخاف على الشغل بتاعه جداً ودا مش مجرد شغل وخلاص هو متقن ومحترف عن جد
وفى أفكار اتكلمنا فيها خاصة فكرة الكاوتش اللى عند عتب الباب وان لازم يتغطى حفاظاً عليه وذكر الاستاذ باهر وفكرة المسند وبصراحة أنا حاسس إن شاء الله العربية لما يركب فيه الفرش هاتختلف 180 درجة من جوه

[الصيداح]

أعتقد بقى إن إحنا محتاجين مقابلة
يا ريت اللي عنده إستعداد في تنفيذ مقابلة للداستروية يكتبوا لي أسماءهم هنا وأنا لو لقيت العدد
مناسب هعمل موضوع منفرد لإعلام الجميع
ويا ريت كل واحد يقترح مكان نتقابل فيه
إيه رأيكم

[beeronasr]

مبادرة جميلة يا مستر صيداح - انا شايف اننا مجموعة مغلقة فعلا لا تزيد عن سبعة افراد هم المحبين للداستر
للاسف انا فى الغردقة حتى يوم 16 ابريل و بعد كدة هأكون موجود اسبوع فى القاهرة و معاكوا لو فية مقابلة.
مع الشكر