لا للتجار لا للنهب لا لسرقتنا علنى تانى

[mohamedkordy]

يا جماعه عايزين نعمل رابطه لكل اللى عايز يبيع عربيتو ايه رايكو وتبقا مخصصصه للاوربى علشان التجار خلاص علموا علينا رسمى ياترى ممكن تفيدونا باقتراحات

[figoo2001010]

هو ياريت تحكيلنا اية اللى حاصل معاك عشان ناخد بالنا و فعلا ممكن نعمل حاجة والا لا
وبكل بساطة منتجنبهم وخلاص ولا شراء ولا بيع !!!!!

[shawkylotfy]

الى بيبيع العربية لتاجر نوعين من الناس الاول الى هو مش بتهموا الفلوس خالص وعايز يغير وخلاص ... الثانى الى هو لا قدر الله عندو ظرف ومحتاج فلوس ضرورى والتاجر اسمة (تاجر) يعنى عايز يكسب فانت متلمهوش انو هو عايز يكسب لان دة شىء بديهى وفى حالة حضرتك طبعا منصحكش تبيع عربيتك لتاجر الا لو انت من النوعيين الى انا ذكرتهم ... لو عايز تبيع اعرض عربيتك على النت او اكتب اعلان على العربية نفسهاوطبعا لو رحت لتاجر لازم تفهم ان هو عايز يكسب ودة شىء بديهى

[Mohab.Nabil]

المشكلة اصلا بعيدا عن التجار ان سوق الاوروبى فى المستعمل ميت غير اليابانى و الكورى خالص

يعنى حتى لو مش هتبيع لتاجر هتبيع برضه بسعر ميعجبكش

هو ده سوق المستعمل فى مصر و كل اللى بيشترى اوروبى عارف المشكلة الازلية ديه

[Mohab.Nabil]

المشكلة اصلا بعيدا عن التجار ان سوق الاوروبى فى المستعمل ميت غير اليابانى و الكورى خالص

يعنى حتى لو مش هتبيع لتاجر هتبيع برضه بسعر ميعجبكش

هو ده سوق المستعمل فى مصر و كل اللى بيشترى اوروبى عارف المشكلة الازلية ديه

[mohamed1979]

اسعار بيع المستعمل فى مصر مبالغ فيها اوووى و خصوصا الكورى و اليابانى
يعنى لما تكون كورولا 2007 و 1300 cc و ماشيه اكتر من 120000الف كيلو و تتباع ب 90000 جنيه يبقى حلال و لا حرام
مصر غير اى دوله تانى ربنا يرحمنا من جشع التجار و قله ضميرهم

[mohamedkordy]

السوق المصرى اغرب سوق فى العالم لما حد بيشترى عربيه يقول لازم اجيب عربيه اى حد يعرف يلعب فيها اصلو بيحترم العربيه الملعوب فى اساسها وقال ايه لازم تكون اعاده البيع حلوه وقطعه غيار رخيصه حتى لو بتتغير كل يوميين زى الصينى نيجى بقا لللى عايز يبيع مستعمل واحد يقولك لهواه الحالات النادره كان العربيه لما تبقى نظيفه تبقى نادره اصل السمه العامه عندنا عربيات قذره لا ويجى يقولك العربيه استعمال طبيب كانه بيكشف عليها كل يوم بليل مع ان سواقه الدكاتره جحيم اصلا لا وكمان تلاقى واحد يقولك التجار يمتنعون عارفين ليه علشان هوا تاجر اصلا ومبروم على مبروم ميرولش احنا بجد عايشين فى مايه اللفت ولازم نفوق بقا شويه