رينو ميجان موديل 99 مفتاح التنك فين

[السيد أحمد]

من فضلكم يا جماعة لى قريب مسافر وراكن عربيته الرينو من سنه ونازل مصر بكره ان شاء الله المهم بعتلى مفتاحها امبارح عشان اشوفها شغاله ولا لأ رحت اشوفها لاقيتها مش بتنطق خالص واضح ان البطاريه نايمة على الاخر وبصراحة حاولت افتح غطاء التنك معرفتش ومش لاقى اى زرار ليه فى التابلوه ولقيت عجله نايمه فقلت استعين بيكم تدلونى اعمل ايه هل ينفع معاها انى اعمل توصيله من بطاريه عربيتى ولا لأ وافتح التنك ازاى

[Hossam_Hassan]

لو قصدك على تنك البنزين، هو بيفتح مع السنتر لوك من الزرار اللى فى التابلوه اللى مرسوم عليه 4 بيبان، مكانه عند الركبة الشمال للى راكب جنب السواق.

[السيد أحمد]

ربنا يكرمك يا أخ حسام هوه ده اللى بيفتح التنك فعلا لكن البطاريه كانت ضايعة لدرجة ان مفيش اى حاجه ليها علاقة بالكهرباء كانت شغالة حتى فتح التنك مكنتش قادرة تفتحوا،
المهم انا الحمدلله دورتها امبارح بانى عملتها وصله من بطارية تانيه واشتغلت ومشيت بيها شويه
لكن الغريب ان صوت الموتور تحس انه موتور جاز فهل ده ليه علاقة بالسيور والزيت وايه المفروض
اننا نعمله بعد ما كانت العربية مركونة لمدة سنه تقريبا

[Hossam_Hassan]

بصراحة مش هقدر افتى فى حكاية تشغيل العربية بعد الركنة، ياريت تفتح موضوع تانى بعنوان يشد الزملاء اللى ممكن يفيدوك