علبة شكمان ب 10000 جنيه جوة التوكيل ليييييييييييييه

[lol86]

ياربى انا عندى مرارة واحده والحمد لله التوكيل فقعهالى والضغط زاد وجابولى السكر قال ايه علبة البيئة ب 10000 غير الضريبة والتركيب واللذى منه
ليييييييييه فيها ياقوت ولا الماظ والله لالغيها والبيئة مع نفسها ربنا اللى بسترها

[masterzmind]

10000 هو فى حاجة فى العربية بالرقم دة غير الموتور والفتيس

[lol86]

والله انا اتصلت بيهم النهارده عشان انا اصلا مابحبش العب فى عربية زى الميجان بس لما اتصل ويقولولى رقم زى ده العب فى تصميم العربية احسن وبدايتها اشيل العلبة عقبال مايوصلى طقم شكمان كامل hks وهايبقى ارخص من علبة واحده

[Land_Cruiser]

احمد ربنا يا فندم . كان فى اخ عامل موضوع عن ان التوكيل عامله مقايسه الشكمان اللى فيه علب البيئه دى لعربيته المرسيدس موديل ٢٠٠٣ بتلاتين الف جنيه ، يعنى سعر ٣ شكمانات من بتوع حضرتك.. استهبال رسمى.

[SHNORY]

احمد ربنا يا فندم . كان فى اخ عامل موضوع عن ان التوكيل عامله مقايسه الشكمان اللى فيه علب البيئه دى لعربيته المرسيدس موديل ٢٠٠٣ بتلاتين الف جنيه ، يعنى سعر ٣ شكمانات من بتوع حضرتك.

دول يشتري بيهم عربيه نصين كامله مكمله مش ناقصه مسمار
وياخد الشكمان ويرمي الباقي
وحيفضل معاه فلوس كمان

[lol86]

انا بتكلم على علبة بس مش شكمان كامل لو قلتلهم على الشكمان كله هايقولولى ايه ؟

[Land_Cruiser]

انا جبتلكم الموضوع اهه كمان ؛ آدى الى بناخده من البيئه

http://www.nilemotors.net/Nile/276504-30-000-a.html

[SHNORY]

انا بتكلم على علبة بس مش شكمان كامل لو قلتلهم على الشكمان كله هايقولولى ايه ؟

عادي يا باشا حتلاقيه بتمن العربيه +حتتين دهب من البيت
تبيع العربيه والدهب وتشتري الشكمان العجيب الرهيب

[lol86]

يجماعة ده بيتكلم فى مرسيدس وشكمان كامل
انا بتكلم على علبة واحده فى الشكمان وعربية رينو ميجان يعنى علبة بيئة بعشر تمن العربية ده اسمه ايييييييه انا قررت انى اشيلها واركب فلتر k&n سبور والصوت مش مشكلة اعمل ايه يعنى

[Land_Cruiser]

الحاجات دى حلها الحرفيين يا بيه . اصل فى التوكيل لو عملك تخفيض يعنى هيبقى كام . ربنا يستر و الحراميه ما ياخدوش خبر بالأسعار دى لحسن مش هيعتقونا

[SHNORY]

الحاجات دى حلها الحرفيين يا بيه . اصل فى التوكيل لو عملك تخفيض يعنى هيبقى كام . ربنا يستر و الحراميه ما ياخدوش خبر بالأسعار دى لحسن مش هيرحمونا

التخفيض لحد 95% وحتفضل غاليه برضه

[Land_Cruiser]

يجماعة ده بيتكلم فى مرسيدس وشكمان كامل
انا بتكلم على علبة واحده فى الشكمان وعربية رينو ميجان يعنى علبة بيئة بعشر تمن العربية ده اسمه ايييييييه انا قررت انى اشيلها واركب فلتر k&n سبور والصوت مش مشكلة اعمل ايه يعنى

مرسيدس ايوة بس ٢٠٠٢ انا رجعت للموضوع. ممكن حضرتك تنزل الحرفيين تسأل هناك و تاخد فكره قبل حكايه الفلتر دى و اكيد السعر هيفرق جامد

[abdallasoliman]

انا مركب علبة بيئة استعمال من سنة ونص وشغالة تمام وكانت ب600جنية علشان التوكيل قالى ب8الاف جنية وطبعا كلام هبل .. وممكن بتوع الشكانات بيصلحوها بس يكون واحد معروف

[elfr3on]

يا سيدي الفاضل
انزل صقر قريش وحتلاقي العلبة استيراد وتركبها كمان ومش حتدفع 500 جنية او 600 جنية حتي
بش مش تروح هناك وتقولهم انك لقيتها فى التوكيل ب10000 جنية عشان ميعملوش عليك شغل
انت تنزل عادي وتدور عليها وتشوف بتاع شكمانات يركبهالك عشان تضمن انها سليمة وعلى التجرية
وربنا يوفقك

[iaibrahim]

طيب العلبه ديه فايدتها ايه ؟ لانى اشتريت العربيه وبعدها عرفت ان العلبه متشاله والعربيه صوتها عالى شويه.....يعنى باختصار ارجو الافاده هل هى ضروريه ولا لأ مع تحياتى للجميع