محتار وقلقان جداً

[وائل مختار]

اشتريتى عربيتى الميجان 2 من سنه ونص تقريبا وكانت عامله 74 الف كيلو ودلوقتى عامله حوالى 103 الف كيلو من اول ما اشتريتها لاحظت وجود زيت خفيف فى قربه الميه ،، مكنش عندى وقت ومهتمتش خصوصا ان العربيه ادائها كويس جدا ،من شهرين تقريبا قولت اشوف القصه دى روحت توكيل المقطم وقولتله انا شاكك فى وش السلندر ، طبعا رد المهندس انه مستحيل لان معنديش اى اعراض وش السلندر يعنى العربيه مش بتسخن خالص وسحب العربيه ممتاز والميه مش بتنقص وبعد الكشف اتضح ان الكولر بايظ وغيرناه وغيرنا الميه طبعا كلها لكن بعد اسبوع زيت تانى فى القربه طلعت عليهم ردهم ان ده بواقى الزيت القديم لان الكولر بايظ بقاله فتره غيروه الميه تانى كلها وبعد اسبوع برضه زيت تانى فى القربه روحت لعادل زوايا اللى فى صقر قريش كشف ولاحظنا على البوجيهات وكان كلامه انه ملوش اى خطوره لان الزيت جاى من بره مش من جوه الموتور وفك جزء الموتور العلوى وحط جملكه وفكينا قربه الميه تماما ونظفناها على الاخر وقالى كده خلاص مش هتلاقى زيت تانى على الميه
تانى يوم لقيت زيت تانى فى قربه الميه وبحس بريحه زيت بيتحرق وانا سايق بصراحه انا زهقت من الموضوع ده مع العلم العربيه سحبها كويس جدا ومش بتسخن خالص والميه مش بتنقص قولولى اعمل ايه لانى بفكر فعلا ابيع العربيه لو الموضوع خطير ،،،، ارجو الرد للاهميه

[shawkylotfy]

طيب حضرتك ممكن تقولنا الزيت بينقص بمعدل اد اية وكمان هل لو شغلت التكيف فى يوم حر العربية بتسخن معاك ؟
نظريتى فى الموضوع :
فعلا الكولر او الكوعة بتاعت المية لو جابت زيت الزيت بيخش فى سائل التبريد وبما ان المشكلة دة بقالها معاك سنة ونص يبقى الراديتر معبى زيت ومش هينزل بسهولة مع سائل التبريد لما تغيرة ......... لو الزيت مش بينقص ياما ولو العربية مش بتسخن معاك ولا تشغل بالك عادى خالص دة بالعكس شوية الزيت دول هيزيتوا طرمبة المية وبالتوفيق

[وائل مختار]

الزيت عندى مش بينقص على طول المستوى بتاعه كويس لكن بلاحظ لما كنت بغيره وقت الصيانه انه لونه كان اسود وهشوف كده على التغيير اللى جاى لونه هيبقى عامل ازاى ،،،، العربيه مش بتسخن ابدا مهما كان الجو حار ومشغل التكييف ،،، وزى ما قولت العربيه سحبها حلو وبجيب بيها ال 170 وببقى مشغل التكييف ومعاى 3 افراد فى العربيه كمان غيرى ,,, يعنى انت رأى حضرتك مشغلش بالى بالموضوع ؟؟؟ عموما الف شكر على اهتمام حضرتك

[shawkylotfy]

،، العربيه مش بتسخن ابدا مهما كان الجو حار ومشغل التكييف ،،، وزى ما قولت العربيه سحبها حلو وبجيب بيها ال 170 وببقى مشغل التكييف ومعاى 3 افراد فى العربيه كمان غيرى ,,, يعنى انت رأى حضرتك مشغلش بالى بالموضوع ؟؟؟ عموما الف شكر على اهتمام حضرتك

متشغلش باللك العربية سليمة وزى ما قولتلك الزيت موجود فى الراديتر لان دول سنة ونص يعنى مش تغيرة مية راديتر مرة او اتنين هيخرجوة وعلى العموم هو مش مضر بل بالعكس هيعمل lubrication لطرمبة المية ومتلعبش فى العربية عند صناعية فتايين علشان متدفعش فلوس على الفاضى وبالتوقيق

[وائل مختار]

الله يطمنك هو ده كان رأى التوكيل برضه بس انا مكنتش مطمن وبصراحه كنت بفكر ابيعها واشترى برضه ميجان 2 لانى بصراحه من ساعه ما ركبت العربيه دى وانا مبهور بيها حتى الان ومعتقدش هاعرف اركب عربيه غيرها

[shawkylotfy]

الله يطمنك هو ده كان رأى التوكيل برضه بس انا مكنتش مطمن وبصراحه كنت بفكر ابيعها واشترى برضه ميجان 2 لانى بصراحه من ساعه ما ركبت العربيه دى وانا مبهور بيها حتى الان ومعتقدش هاعرف اركب عربيه غيرها

فعلا الميجان حلوة بس تكيفها فى درجات الحرارة 35 او 40 مش قد كدة

[وائل مختار]

فعلا تكييف العربيه مش جامد بس القصه انى شاريها ب 62 الف موديل 2006 هاى لاين بانوراما ،،، قولى اركب عربيه تانيه بالامكانيات دى بالسعر ده ازاى

[SHERIF2009BHIT]

طيب لو العربية بتسخن مع التكيف فى الزحمة يعنى مؤشر الحرار بيزيد عن النص يبقى اية السبب

[shawkylotfy]

طيب لو العربية بتسخن مع التكيف فى الزحمة يعنى مؤشر الحرار بيزيد عن النص يبقى اية السبب

شيل ترموستات الكوعة اولا وجرب لو سخنت تانى يبقى السرعة التانية بتاعت المروحة عندك مش شغالة او المروحة ضعيفة

[SHERIF2009BHIT]

هجرب وربنا يسهل .ويا ترى لو السرعة التانية مش شغالة يبقى اية الحل اغير المروحة كلها ...اشكرك على المساعدة

[shawkylotfy]

هجرب وربنا يسهل .ويا ترى لو السرعة التانية مش شغالة يبقى اية الحل اغير المروحة كلها ...اشكرك على المساعدة

لو السرعة الثانية مش شغالة يبقى فيوز او مقاومة السرعة الثانية ودول فى علبة الفيوزات الى فى الكبوت او لو سلام يبقى موتور المروحة نفسها

[SHERIF2009BHIT]

لو السرعة الثانية مش شغالة يبقى فيوز او مقاومة السرعة الثانية ودول فى علبة الفيوزات الى فى الكبوت او لو سلام يبقى موتور المروحة نفسها

انا اشتريت الثرموستات اللى داخل الطوعة وانا بشترى فلاتر للسيارة قلت اجرب اغيرها علشان لو شيلت الثرموستات ممكن تحتاج وقت تسخين طويل الصبح على العموم ان شاء الله هجرب فى اول فرصة خطوة بخطوة وربنا يسهل اشكرك يا صديقى على الاهتمام والمساعدة

[shawkylotfy]

:s_thum1[1]:انا اشتريت الثرموستات اللى داخل الطوعة وانا بشترى فلاتر للسيارة قلت اجرب اغيرها علشان لو شيلت الثرموستات ممكن تحتاج وقت تسخين طويل الصبح على العموم ان شاء الله هجرب فى اول فرصة خطوة بخطوة وربنا يسهل اشكرك يا صديقى على الاهتمام والمساعدة

خلى باللك الثرموستات لو مش اصلى ممكن تضيعلك الموتور كنت جبها من التوكيل