غيرت طنابير و تيل صح وغلط

[bedooracle]

شباب لقيت الفرامل عندى مش بتمسك خالص فغيرت التيل لقيت الطنابير متاكلة خالص غيرتهما نوع اسمه ريمسا جبت الطنايبير بى 300 و التيل ريمسا بى 175 فى ناس بتقولى اخرط القدام و ناس تقول التوكيل بيركب الاصل الفرنساوى انا مش عارف انا اتصرفت غلط ولا صح ؟
ودى اول مرة اعمل حاجة برا التوكيل عشان الوقت لازم اخد يوم اجازة عشان هما من الاحد للخميس

[وائل مختار]

انا غيرت الطنابير الاماميه عندى برضه برمسا والتيل رمسا برضه وعامل بيهم لغايه دلوقتى 30 الف كيلو وشغالين كويس ،،،، لكن برضه الاصلى اصلى

[bedooracle]

يعنى يا وائل باشا التوكيل بيركب حاجة افضل فى الاداء و لا العمر ؟

[وائل مختار]

اكيد قطع الغيار الاصليه عمرها اطول واداء افضل لكن ايضا السعر اعلى لكن الغالى تمنه فيه

[shawkylotfy]

انا غيرت الطنابير الاماميه عندى برضه برمسا والتيل رمسا برضه وعامل بيهم لغايه دلوقتى 30 الف كيلو وشغالين كويس ،،،، لكن برضه الاصلى اصلى

انت عايز التيل يكمل اكتر من 30 الف كيلو ؟

[وائل مختار]

عذراً الطنابير هى اللى بقالها حوالى 30 الف كيلو لكن التيل طبعا غيرته

[bedooracle]

طيب يا جماعة انا اللى عملته غلط ولا ايه ؟ دول كدا يفرقووا عن التوكيل بكتير و هل النوع اللى فى التوكيل بيباع برا ؟

[M0dY]

شباب لقيت الفرامل عندى مش بتمسك خالص فغيرت التيل لقيت الطنابير متاكلة خالص غيرتهما نوع اسمه ريمسا جبت الطنايبير بى 300 و التيل ريمسا بى 175 فى ناس بتقولى اخرط القدام و ناس تقول التوكيل بيركب الاصل الفرنساوى انا مش عارف انا اتصرفت غلط ولا صح ؟
ودى اول مرة اعمل حاجة برا التوكيل عشان الوقت لازم اخد يوم اجازة عشان هما من الاحد للخميس

الريمسا ناس كتير بتشكر فيها و اذا حضرتك حاسس ان اداء الفرامل كويس خلاص ليه الحيره دى .. هتاخد وقتها و تتغير سواء كان عمرها ذى الاصلى او اقل .. حضرتك يبقى عندك حق تقلق لو كان عندك الطنابير الاصلى و ركبت تيل اى كلام يبوضللك الطنابير ..

[bedooracle]

الريمسا ناس كتير بتشكر فيها و اذا حضرتك حاسس ان اداء الفرامل كويس خلاص ليه الحيره دى .. هتاخد وقتها و تتغير سواء كان عمرها ذى الاصلى او اقل .. حضرتك يبقى عندك حق تقلق لو كان عندك الطنابير الاصلى و ركبت تيل اى كلام يبوضللك الطنابير ..

شكرا يا باشا على الاهتمام و الرد هو اللى محيرنى فرق السعر الرهيب بين التوكيل و برا لكن هيىا شغاله معايا مية مية الحمد لله

[Ahmed Selim]

متشغلش نفسك بفرق السعر...........هو فيه فرق جودة شوية طبعاً بس مش فى كل الأحوال و مش فى كل قطع الغيار.

طالما أداء الفرامل معاك كويس يبقى مفيش مشكلة إن شاء الله............أستمتع بالعربية.

[bedooracle]

شكرا يا احمد باشا ربنا يسترها مع الجميع و هى شغاله كويس الحمد لله هو الواحد بس عشان خبرته زيرو فبيستعين بيكم هنا ربنا يجزيكم عنا كل خير