محتاج ميكانيكى مضمون جدا لصيانة ال 60 الف لكليو 2003

[masry38]

كليو 2003 - 1200 سى سى العداد لسه ماوصلش ال 55 الف بس عاوز اعمل لها صيانة ال 60 الف
العربية عمرى مافتحت كبوتها غير فى التوكيل وكل الصيانات فى توكيل العبور بس لقيت سعر الصيانة مبالغ فيه جدا جدا جدااااااااااا
محتاج ميكانيى مضمون يكون حد جربه عشان مش عاوز ابهدل العربية
شكرا مقدما

[eject]

صباح الخير يا جميل
ممكن بس سؤال هوا المكيف عامل ايه معاك لان المكيف عندي ضعيف قوي وشحنته ومش عامل حاجه بس شكل الكمبروسر فيه مشكله وعايز يتغير

[albasha]

العنوان المكتوب في القاهره لو قريب من صقر قريش روح لعادل
ولو قريب من الجيزه روح لمحمد بليله وده راجل كبير ومحترم وأمين وكان شغال في التوكيل

[masry38]

صباح الخير يا جميل
ممكن بس سؤال هوا المكيف عامل ايه معاك لان المكيف عندي ضعيف قوي وشحنته ومش عامل حاجه بس شكل الكمبروسر فيه مشكله وعايز يتغير

التكييف مش قوى لكن متوسط لسه شاحنه من سنه تقريبا ...فى الصيف الماضى بالتحديد
فى الحر الجامد ومع الزحمة بيكون أقل كفاءة

[masry38]

العنوان المكتوب في القاهره لو قريب من صقر قريش روح لعادل
ولو قريب من الجيزه روح لمحمد بليله وده راجل كبير ومحترم وأمين وكان شغال في التوكيل

صقر قريش والجيزة ألتنين على مسافة واحد تقريبا منى
ترشح مين أفضل وعنوانه وتليفونه بعد أذنك
واجيب منين قطع الغيار المطلوبة ؟
شكرا جزيلاً

[masry38]

update

[albasha]

update

أسف علي التأخير في الرد طالما الأتنين نفس المسافه يبقي روح لمحمد هو موجود أخر شارع الوحده بجوار مسجد النور المحمدي
بالنسبه لقطع الغيار هاتها من التوكيل أضمن وفي فرع مبيعات في العجوزه لما تروحله هو هيوصفهولك لأني بصراحه ناسي المكان شويه علشان مش تلف علي الفاضي علي ما أنا فاكر وأنتا جاي من أخر شارع جامعة الدول العربيه وداخل علي العجوزه من ناحية كورنيش النيل بعد ما تعدي كوبري أكتوبر هتلاقي جامع كبير إركن جنبه ولأدخل الممر اللي جانبه علي إيدك اليمين هتلاقي شارع صغير التوكيل علي إيدك اليمين