سؤال عن الميجان و مشاكلها ياريت تشاركوني

[MITSUKERO]

السلام عليكم

انا بسأل لواحد صاحبي عايز يشتري ميجان

دلوقتي كل ما نسال تاجر عربيات علي ميجان يقولنا ايه يابني اللي انتو هتعملوه ده بس و ليه العربية دي وبلاش و مش بلاش و كلام غريب جدا بدون اي دليل

الحاجات اللي شفتها عن العربية دي بعيني هي ان فيه واحد صاحبي معاه واحده 2006 فتيسه باظ بعد 15 الف كيلو و راح التوكيل عملوه في الضمان

حاجة كمان عربية تانية كانت بره الضمان و صاحبي بيدور و العربية حالفه مش هتدور اتصل بالصيانة اللي بتيجي لحد البيت (الكلام ده من 4 سنين تقريبا) و فعلا جم بعربية كبيرة و غيرولة الكمبيوتر و دفع مبلغ كبير مش فاكر بالظبط عشان مفتيش

المهم بقي انا عايز راي من ناس راكبين العربية او ركبوها بنفسهم فترة لان الكلام العام ده مش بيدخل دماغي

العربية دي اخبارها ايه بصفه عامة ؟ قطع غيارها ؟ صياناتها ؟ ليه الانهيار الفظيع في سعرها من 120 الف او اكتر ل 60 و 50 و 45 الف !!!!!!!!

انا حاسس انها عربية محترمة و شكلها فخم

اه صحيح اخبار تكييفها ايه ؟

خامة الفرش ؟

هل فتحة السقف بتبوظ ؟

الكلام ده كله مهم بالنسبة لصاحبي

منتظر مشاركتكم معايا و عشمان في معلوماتكم

شكرا مقدما

[shawkylotfy]

هى عربية تمام بس للامانة تكيفها مش قد كدة

[medo99_pc]

تكييف 7/10
موتور جامد
اوبشنز اجمد جاجة
واسعة من جوه
عالية عن الأرض
تابلوه فخم جدا
فرش خاماته نضيفة جدا
فتيسها ممتع مش بتحس بالنقلات فى اغلب الاوقات
صوتها عالى نسبيا
عفشتها عندى انا فيها مشاكل بس اعتقد عشان سوء الاستخدام

ولك الاختيار

[وائل مختار]

العربيه زى الفل عيبها الوحيد تكييفها مش قوى فى الصيف

[Rsarabia]

التكييف جيد و لكن مش ممتاز زى اليابانى
العفشة احسن حاجة فيها و اكتر حاجة بتستحمل و فين و فين لما تحتاج تغير حاجة فيها
الموتور قوى جدا بس طلعتها تقيلة
فتحة السقف ممتعة بس مش بتبوظ ممكن تحتاج تتزيت
الفرش الداخلى تحفة و احسن من اى عربية تانية فى الفئة دى
قطع الغيار رخيصة جدا و منتشرة و لكن فى بعض الحاجات اللى نادرا لما بتبوظ بتلاقيها غالية زى اى عربية
مشكلة الميجان ان فى حاجات بتبوظ فيها المفروض انها Life long
او حاجات موجودة فى كل العربيات التانية و مش بتبوظ
لازم لازم لازم تعمل حسابك ان مهما سقت ميجان اكيد هتحتاج تغير
طرمبة بنزين و كويلات و سولونيد فالف الفتيس و زيت الفتيس و شريط الايرباج
الحاجات دى موجودة فى كل العربيات لكن مش بتحتاج تتغير

[MITSUKERO]

متشكر جدا علي الردود يا جماعة بس موضوع التكييف ده محدش حاول يشوفله صرفة ؟

[ahmed_oth]

عيبها الوحيد ان اللى بيركبها ويتعود عليها وحابب يغيرها بعد فتره مش هيلاقى حاجه تانيه زيها يركبها فى نفس السعر غير فوق 150 الف

[hossam_elwani]

السلام عليكم

انا بسأل لواحد صاحبي عايز يشتري ميجان

دلوقتي كل ما نسال تاجر عربيات علي ميجان يقولنا ايه يابني اللي انتو هتعملوه ده بس و ليه العربية دي وبلاش و مش بلاش و كلام غريب جدا بدون اي دليل

الحاجات اللي شفتها عن العربية دي بعيني هي ان فيه واحد صاحبي معاه واحده 2006 فتيسه باظ بعد 15 الف كيلو و راح التوكيل عملوه في الضمان

حاجة كمان عربية تانية كانت بره الضمان و صاحبي بيدور و العربية حالفه مش هتدور اتصل بالصيانة اللي بتيجي لحد البيت (الكلام ده من 4 سنين تقريبا) و فعلا جم بعربية كبيرة و غيرولة الكمبيوتر و دفع مبلغ كبير مش فاكر بالظبط عشان مفتيش

المهم بقي انا عايز راي من ناس راكبين العربية او ركبوها بنفسهم فترة لان الكلام العام ده مش بيدخل دماغي

العربية دي اخبارها ايه بصفه عامة ؟ قطع غيارها ؟ صياناتها ؟ ليه الانهيار الفظيع في سعرها من 120 الف او اكتر ل 60 و 50 و 45 الف !!!!!!!!

انا حاسس انها عربية محترمة و شكلها فخم

اه صحيح اخبار تكييفها ايه ؟

خامة الفرش ؟

هل فتحة السقف بتبوظ ؟

الكلام ده كله مهم بالنسبة لصاحبي

منتظر مشاركتكم معايا و عشمان في معلوماتكم

شكرا مقدما

معقوله هيا وصلت لــ 45 و50 للحاله النضيفه.... حد عنده تأكيد على الكلام ده؟؟

[shawkylotfy]

متشكر جدا علي الردود يا جماعة بس موضوع التكييف ده محدش حاول يشوفله صرفة ؟

عملت كل ما تتخيل ههى كدة علشان كباسها صغير نسبيا والكندنسر و الراديتر بمروحة واحدة هى ايوة بسرعتيين بس بردة فى الحر الشديد والعربية واقفة التكييف كفائة بتقل ودة لان الفريون الى بيطلع على شكل غاز مضغوط ضغط عالى من الكباس مش بيلحق يتكثف بشكل كامل فى الكندنسر ويبقى سائل ذو ضغط عالى ودة فى الحر الشديد يعنى فوق درجة حرارة 37 سليزيوس وطبعا لو قفت فى اشارة لمدة 10 دقايق ودرجة الحرارة الفعلية للجو مثلا 34 بالنهار طبعا فى الاشارة بسبب شكمانات السيارات والتلوث والزحمة الغير طبيعة درجة الحرارة فى الخارج ممكن توصل ل 40 او 42 درجة وطبعا هنا ولا كباس الميجان ولا المكثف بيعمل حاجة

[shawkylotfy]

معقوله هيا وصلت لــ 45 و50 للحاله النضيفه.... حد عنده تأكيد على الكلام ده؟؟

لا طبعا مش للحالة النضيفة بس للحالة الضايعة

[EZABY]

طيب انا بعت عربيتي وناوي عالميجان بس عاوز اعرف منكوا الحاجات اللي بتتغير بسرعه دي اسعارها كام
وشكرا

[moh158]

الكويل بحوالي ١٧٥ فرنساوي
تيل أمامي ١٥٠
طنابير أمامي ٣٠٠
مساعدين ٧٥٠

[EZABY]

الكويل بحوالي ١٧٥ فرنساوي
تيل أمامي ١٥٠
طنابير أمامي ٣٠٠
مساعدين ٧٥٠

شكرا ياباشا

[MITSUKERO]

عملت كل ما تتخيل ههى كدة علشان كباسها صغير نسبيا والكندنسر و الراديتر بمروحة واحدة هى ايوة بسرعتيين بس بردة فى الحر الشديد والعربية واقفة التكييف كفائة بتقل ودة لان الفريون الى بيطلع على شكل غاز مضغوط ضغط عالى من الكباس مش بيلحق يتكثف بشكل كامل فى الكندنسر ويبقى سائل ذو ضغط عالى ودة فى الحر الشديد يعنى فوق درجة حرارة 37 سليزيوس وطبعا لو قفت فى اشارة لمدة 10 دقايق ودرجة الحرارة الفعلية للجو مثلا 34 بالنهار طبعا فى الاشارة بسبب شكمانات السيارات والتلوث والزحمة الغير طبيعة درجة الحرارة فى الخارج ممكن توصل ل 40 او 42 درجة وطبعا هنا ولا كباس الميجان ولا المكثف بيعمل حاجة

طيب محدش عمل تعديل مثلا بإضافة مروحة او اي حاجة من الحاجات دي ؟

بالنسبة لسعرها دلوقتي هو من 45 ل 65 حسب الحالة و اللي ب 65 ممكن تاخدها اقل ب الف او الفين لو ليك في الفصال

بس اساسا ليه الانهيار ده حرام بجد العربية شكلها تحفة و انتو بتشكروا فيها

[EZABY]

اخبار المانيوال منها ايه؟ وقطع غيار الفتيس المانيوال موجوده ولا ايه؟