Tweet
السلام عليكم جميعا
اولا لازم تباركولي يا جماعه عشان بتفائل بالمباركه دايما
استلمنا العربيه يوم الثلاثاء من الطارق وهم ناس محترمه جدا والعربيه لونها فضي وشيكت علي كل حاجه قبل ما اخدها وكله تمام .. هي الفئه اللي ب 142 الف وهو عامل خصم الفين ج
و رخصنا العربيه امبارح وكان كله تمام وحتي خدنا رقم مميز :)
وانا كنت عملت توبيك هنا من كام يوم علي موضوع التأمين وانهي شركه افضل والاجرائات وكده .. المهم أمنا مع شركه مصر للتأمين لأن عامله تعاقد مع نقابه الصحفيين ب نسبه 2.5 % بدون تحمل - والدي صحفي - وبردو الناس شكرت فيها - ربنا يستر ومنعملش اي مطالبات - بس كنت عايز اسأل لو السنه عدت ومعملتش اي حاجه يبقي كده الفلوس علي الارض مينفعش استفاد بأي حاجه ؟
نيجي بقي للعربيه .. العربيه ماشاء الله ممتازه وبصراحه محستش اوي ب موضوع التقل في الطلعه وكده بس عندي كام سؤال
موضوع الانذار والجي بي اس تراكر والاكسسيسوريز دي فعلا مينفعش اركبها خالص عشان العربيه متطلعش من الضمان ؟
اللي فهمته إن التوكيل ليه فرعين واحد في المقطم و واحد في العبور والباقي دول مراكز معتمده مش التوكيل .. ف ايه رأيكو فيهم ؟ وهل ينفع اعمل الصيانه والتصليح وكل حاجه عندهم ؟ وهم ولا التوكيل افضل ؟.. لو العربيه عطلت مني في الشارع سمعت إن ممكن اكلم التوكيل يبعتولي عربيه تشوف ايه المشكله ولو كده تصلحها في ساعتها من غير فلوس هل ده صحيح ؟
السمارت كي اللي معاها هل فعلا ضد البلل والكسر يعني احطه في المحفظه عادي ؟
مسئول المبيعات لما كنت في الطارق كان قالي حاجه كده عن الازاز بتاعها ومصنوع مش عارف من ايه وبيصعب علي الحرامي كسره كله ومش عارف ايه المهم انا مش فاكر هو قال ايه مكنش في دماغي اوي .. ف هل حد يعرف المعلومه دي يوضحهالي اكتر
الاسلاك الكهربائيه تحت الطاره باينه ومفيش عليها غطا وشكلها مستفز وتقول للحرامي تعالي جرب فيا .. فهل في امكانيه اني اغطيها .. غير كده الحرامي فعلا يقدر يعيش فيها ويقطه ويركب زي العربيات القديمه ولا انا بهييس ؟ اصل موضوع السمارت كي جديد عليا ومعرفش عنه اي حاجه وهل بيمنع السرقه فعلا ولا لأ ؟
لما بفتح الكبوت بشم ريحه شياط خفيفه كده فهل في مشكله ؟
هل فعلا موضوع لو صلحت اي حاجه في العربيه بره التوكيل هيروح الضمان عليا ؟ افرض انا مسافر وعطلت مني ولا فانوس اتكسر ولا اي حاجه حصلت وصلحتها ساعتها ايه الوضع ساعتها ؟ او اني مستعجل وعايز اصلح حاجه بسرعه بدل التوكيل يقعد اسبوع يصلح فيها
مافيش هنا اي توبيك او حاجه عن كيفيه استخدام الكروز كنترول ؟
سؤال شخصي كده .. اخدت قد ايه عشان تتعود علي ابعاد العربيه بالذات من ورا ؟ الموضوع ده عاملي ازمه .. انا مش شايف الشنطه خالص والازاز اللي ورا صغير .. وانا كنت متعود علي اللانسر ف الموضوع ده عاملي ازمه في الركن .. شكلي هجيب بارك سينسور مع اني كنت بتريق عليهم :)
اولا لازم تباركولي يا جماعه عشان بتفائل بالمباركه دايما
استلمنا العربيه يوم الثلاثاء من الطارق وهم ناس محترمه جدا والعربيه لونها فضي وشيكت علي كل حاجه قبل ما اخدها وكله تمام .. هي الفئه اللي ب 142 الف وهو عامل خصم الفين ج
و رخصنا العربيه امبارح وكان كله تمام وحتي خدنا رقم مميز :)
وانا كنت عملت توبيك هنا من كام يوم علي موضوع التأمين وانهي شركه افضل والاجرائات وكده .. المهم أمنا مع شركه مصر للتأمين لأن عامله تعاقد مع نقابه الصحفيين ب نسبه 2.5 % بدون تحمل - والدي صحفي - وبردو الناس شكرت فيها - ربنا يستر ومنعملش اي مطالبات - بس كنت عايز اسأل لو السنه عدت ومعملتش اي حاجه يبقي كده الفلوس علي الارض مينفعش استفاد بأي حاجه ؟
نيجي بقي للعربيه .. العربيه ماشاء الله ممتازه وبصراحه محستش اوي ب موضوع التقل في الطلعه وكده بس عندي كام سؤال
موضوع الانذار والجي بي اس تراكر والاكسسيسوريز دي فعلا مينفعش اركبها خالص عشان العربيه متطلعش من الضمان ؟
اللي فهمته إن التوكيل ليه فرعين واحد في المقطم و واحد في العبور والباقي دول مراكز معتمده مش التوكيل .. ف ايه رأيكو فيهم ؟ وهل ينفع اعمل الصيانه والتصليح وكل حاجه عندهم ؟ وهم ولا التوكيل افضل ؟.. لو العربيه عطلت مني في الشارع سمعت إن ممكن اكلم التوكيل يبعتولي عربيه تشوف ايه المشكله ولو كده تصلحها في ساعتها من غير فلوس هل ده صحيح ؟
السمارت كي اللي معاها هل فعلا ضد البلل والكسر يعني احطه في المحفظه عادي ؟
مسئول المبيعات لما كنت في الطارق كان قالي حاجه كده عن الازاز بتاعها ومصنوع مش عارف من ايه وبيصعب علي الحرامي كسره كله ومش عارف ايه المهم انا مش فاكر هو قال ايه مكنش في دماغي اوي .. ف هل حد يعرف المعلومه دي يوضحهالي اكتر
الاسلاك الكهربائيه تحت الطاره باينه ومفيش عليها غطا وشكلها مستفز وتقول للحرامي تعالي جرب فيا .. فهل في امكانيه اني اغطيها .. غير كده الحرامي فعلا يقدر يعيش فيها ويقطه ويركب زي العربيات القديمه ولا انا بهييس ؟ اصل موضوع السمارت كي جديد عليا ومعرفش عنه اي حاجه وهل بيمنع السرقه فعلا ولا لأ ؟
لما بفتح الكبوت بشم ريحه شياط خفيفه كده فهل في مشكله ؟
هل فعلا موضوع لو صلحت اي حاجه في العربيه بره التوكيل هيروح الضمان عليا ؟ افرض انا مسافر وعطلت مني ولا فانوس اتكسر ولا اي حاجه حصلت وصلحتها ساعتها ايه الوضع ساعتها ؟ او اني مستعجل وعايز اصلح حاجه بسرعه بدل التوكيل يقعد اسبوع يصلح فيها
مافيش هنا اي توبيك او حاجه عن كيفيه استخدام الكروز كنترول ؟
سؤال شخصي كده .. اخدت قد ايه عشان تتعود علي ابعاد العربيه بالذات من ورا ؟ الموضوع ده عاملي ازمه .. انا مش شايف الشنطه خالص والازاز اللي ورا صغير .. وانا كنت متعود علي اللانسر ف الموضوع ده عاملي ازمه في الركن .. شكلي هجيب بارك سينسور مع اني كنت بتريق عليهم :)
Comment