أشتري سكالا ولا لأ؟

[ziohausam]

السلام عليكم يا شباب
الفترة دي بدور على عربية. عوامل الأمان عندي مهمة جدا. ملفتش عربية فيها 2 ايرباج وabs وعلامة كبيرة (رينو) وبالسعر ده غير الاسكالا. بس أهم حاجة في عوامل الأمان هي الثبات ع السرعات العالية. بسأل على 4 حاجات:
1- حد يقدر يفتيني في ثباتها على السرعات العالية
2- قطع غيارها متوفرة ولا لأ؟
3- هي موجود منها 2011, ده يعمل أي مشاكل في توكيلها أو ضمانها؟
4- هي عفشتها متعبة زي الصني ولا أحسن ولا أوحش؟

وبشكل عام, مين معاه العربية ويقوللي رأيه فيها بصراحة؟

ولكم جزيل الشكر

[ziohausam]

طبعا فيه عربيات تانية زي البريليانس والبروتون. بس مستبعدهم من تفكيري (ع الأقل دلوقتي) لأسباب مش عاوز أدخل في تفاصيلها

[ziohausam]

ياشباب.. أفيدونا أفادكم الله

[MARTINDALE]

ليا واحد زميلي جابها بعد ماكان بيقارن بينها وبين الصني سوبر صالون واختارها ..... والحمدلله بيشكر فيها جامد ومريحاه جدا لان شغلانته كلها لف وسفر .لو محتاج اسئله محدده ممكن اعرفلك منه اجابتها .

[mohamedkordy]

ليا واحد قريبى جابها بيشكر فيها اوى بس بصراحه هيا من جوه محستش انها عربيه موديل الالفنات خالص وبعدين بعد ما جبها حصلتلوا حاجتين الفانوس بيشبر ماياه ودراع الاشاره مبيلفش لما بيرجع وقالولو فىالتوكيل حنغيرهملك بس غير كده هوا بيشكر فيها اوى

[mibrahim]

انا مجربتهاش بس اسمع انها كويسة
و بمقارنة سعرها بباقي العربيات في نفس الفئة اظن انها الافضل

[ziohausam]

ليا واحد زميلي جابها بعد ماكان بيقارن بينها وبين الصني سوبر صالون واختارها ..... والحمدلله بيشكر فيها جامد ومريحاه جدا لان شغلانته كلها لف وسفر .لو محتاج اسئله محدده ممكن اعرفلك منه اجابتها .

أشكرك والله. أنا ليا كام سؤال محددين لو تعرف تجيبلي اجابتهم:

1- حد يقدر يفتيني في ثباتها على السرعات العالية؟ (كل تحركاتي على طرق سريعة)
2- قطع غيارها متوفرة ولا لأ؟
3- هي عفشتها متعبة زي الصني ولا أحسن ولا أوحش؟
4- ليه مبينزلش منها جديد؟ وليه سعرها أقل من الصني السوبر صالون بأكتر من 6 ألاف؟ ده مقلقني محسسني ان ممكن يكون فيه مشكلة في العربية نفسها والباقي ال 2011 في السوق بيخلصوه بسعر قليل. لو حد عنده افادة ف الموضوع ده ياريت

[ziohausam]

ليا واحد قريبى جابها بيشكر فيها اوى بس بصراحه هيا من جوه محستش انها عربيه موديل الالفنات خالص وبعدين بعد ما جبها حصلتلوا حاجتين الفانوس بيشبر ماياه ودراع الاشاره مبيلفش لما بيرجع وقالولو فىالتوكيل حنغيرهملك بس غير كده هوا بيشكر فيها اوى

فصدك شكلها قديم يعني من جوة؟
طب مريحة ولا متعبة؟

[ziohausam]

انا مجربتهاش بس اسمع انها كويسة
و بمقارنة سعرها بباقي العربيات في نفس الفئة اظن انها الافضل

مهو لحد دلوقتي بكل المقاييس النظرية, تعتبر لقطة

[mohamedkordy]

مهو لحد دلوقتي بكل المقاييس النظرية, تعتبر لقطة

سؤالانتا اقعدت فيها وعجبتك

[ziohausam]

سؤالانتا اقعدت فيها وعجبتك

بالظبط كأني قاعد في صني موديل 2002.. بالظبط
أكيد ده مش عاجبني, لكن نقطة الشكل ملهاش وزن كبير عندي. الكرسي مش وحش ومريح.. بس الراحة الحقيقية بتبان في السواقة, عشان كده عاوز حد يكون عارف فعلا

[mohamedkordy]

بالظبط كأني قاعد في صني موديل 2002.. بالظبط
أكيد ده مش عاجبني, لكن نقطة الشكل ملهاش وزن كبير عندي. الكرسي مش وحش ومريح.. بس الراحة الحقيقية بتبان في السواقة, عشان كده عاوز حد يكون عارف فعلا

لو عجبتك داخليا يبقا توكل على الله لان العربيه ثباتها ممتاز اوى وفيها ابشنز ظريفه وشكلها الخارجى شيك

[Ahmed_Rahem]

الرينو سكالا تعتبر من انتاج شركة سامسونج الكورية ونتزل فى بعض البلاد (مصر والكسيك وكلومبيا) تحت اسم سكالا وفى الخليج تحت اسم نيسان صنى وباسم نيسان الميرا فى دول اخرى.
المصدر: Renault Samsung SM3 - Wikipedia, the freeencyclopedia
وتسير بمواتير من شركة نيسان وبالتالى فى تقريباً نفس موتور الصنى المصرى.
المثير ان الجيل الثانى من تلك السيارة هو "رينو فلورنس" !!!

الصنى المصرى مبنية على قاعدة سيارات نيسان N16 والتى تباع فى دول اخرى تحت اسماء مختلفة، ولم ينزل اصدار جديد من الصنى من شركة نيسان ولكن للحفاظ على حصة الشركة فى سوق الخليج تم انزال السيارة سامسوج تحت اسم الصنى.
المصدر: Nissan Sunny - Wikipedia, the freeencyclopedia
وبالتالى فأن الصنى المصنعة حالياً فى مصر هى اخر تصميم لتلك السيارة.
وتم حالياً تنزيل شكل جديد للصنى وسوف يجمع فى مصر أن شاء الله.

تشابة التصميم الداخلى ناتج من نقل المعرفة للتصميم بين رينو ونيسان وسامسونج وكذلك داتشيا (الرومانية) للتوفير وبالتالى المنافسة فى السوق الدولية.

انا جربت الصنى (السكالا) فى الخليج ولا اجد منها شكوى واملك حالياً الصنى فى مصر وكذلك لااجد شكوى.
أنا رجحت الصنى لسبب واحد فقط سياسة الامر الواقع من السوق المصرى، لو قدر الله وارد ان اغير سيكون من الصعب تغيير السكالا لعدم وجود طلب عليها بينما الصنى لأ.


والسلام ختام

[ziohausam]

أنا رجحت الصنى لسبب واحد فقط سياسة الامر الواقع من السوق المصرى، لو قدر الله وارد ان اغير سيكون من الصعب تغيير السكالا لعدم وجود طلب عليها بينما الصنى لأ.

كلام محترم. هم النقطتين دول. السكالا أرخص. والصني اعادة بيعها أحسن

أشكرك

[mohamedkordy]

كلام محترم. هم النقطتين دول. السكالا أرخص. والصني اعادة بيعها أحسن

أشكرك

بس المشكله صنى خلاص شكلها حيتغير بصراحهوانا افضل الصنى عن السكالا فى كل حاجه بس لو يقدر يستنى شويه لما الصنى الجديده تنزل