إعـــــــلان

Collapse

.

,
See more
See less

الفلونس بحر بس ماتغرقش فيه :)

Collapse
X
 
  • Filter
  • الوقت
  • Show
Clear All
new posts

  • الفلونس بحر بس ماتغرقش فيه :)

    السلام عليكم

    اكيد في ناس هنا عارفاني عشان سألت كذا مره واستفسرت عن كذا حاجه .. بس التوبيك ده هيبقي تقرير و إبداء رأيي في العربيه ب جانب كام سؤال كده اهو نستفيد ونفيد بعض :) معلش هو طويل سنه بس انا معتبركو اخواتي والله ف قولت اقول الموضوع من طقطق ل سلام عليكم :)

    انا اخترت العنوان ده عشان فعلا بيعبر تعبير كامل عن الفلونس لأنها فعلا بحر بس سهل جدا تعوم فيه حتي لو مش متعلم .. يعني بالرغم من التكنولوجيا العاليه بس انا حاسس ب سهوله نوعا ما في التعامل

    اولا انا اول مره اركب رينو او اوروبي عموما - طبعا ركبت بس مش سواقه وملكيه خاصه وكده - كان عندنا لانسر 2006 و كانت مريحاني بصراحه بس للأسف اتسرقت من 3 شور واستنينا شهرين ندي فرصه للإجراءات بس محصلش حاجه ف قررنا نسعي بقي في موضوع شراء سياره و الموال بتاعها ده .
    العربيه اصلا ل والدي بس هو مبيركبهاش غير مره مرتين في الشهر - بس اهو اسمها بتاعته - وطبعا باقي الايام معايا .. ف واحنا بندور في المراحل الاولي طبعا كان لازم ندور علي حاجه برستيج وطبعا متكونش شبابي وتكون اسم كويس ... في الاول كان عامل حسابه علي 100 الف واخره كده جديد بقي او مستعمل بس كسر زيرو - لأن عندنا عقده من المستعمل - طبعا هو فكه من الحوار ده وسابني انا اشيل الليله وابلغه في الاخر خالص علي حاجه وهو يقول تمام ولا مش تمام


    وبدأت انا بقي رحله البحث .. طبعا اسهل حاجه النت وانا قاعد في البيت ب مزاج و ادور براحتي مع مراعاه إن معلوماتي بسيطه عن العربيات يعني مش زي الوحوش اللي بيبقو عارفين كل حاجه عن العربيه وميكانيكا وكهربا وكل حاجه - بس بأمانه فتره البحث دي طلعت بيها ب كميه معلومات رهيبه مكنتش اطلع بيها في 3 سنين مثلا- المهم دخلت علي كونتكت كارز وقلبت في العربيات واشوف رنج السعر والدنيا دي ف الاختيار انحصر في ( اكسنت ار بي - نيسان صني - رينو سكالا - لانسر - ) ده في الجديد وقعدت بقي بالايام اعمل مقارنات واسأل صحابي واخش المنتديات اعمل توبيكات واستفسر عن حاجات وبردو مكنتش مستريح لأي عربيه فيهم لأنهم يفتقدو المعايير اللي الوالد حاططها .. يعني الاكسنت كوري و شبابي جدا - الصني زفت جدا بصراحه مش عاجباني من زمان - السكالا ولا حد يعرف عنها اي حاجه وشبه الصني - اللانسر ممله وكانت عندنا و لازم نغير ... ف قلت ل والدي قال شوف مستعمل بس يكون موديل السنه دي او 2011 المهم طبعا اغلب اللي لاقيته سيراتو و كروز وكل ما اسأل حد عليهم يشتمو فيهم و كروز ب ماتور اوبترا و سيراتو بقت مع طوب الارض وشبابيه وكلام من هذا القبيل يعني .. المهم ابويا كانت عاجباه الكروز وشوفنا واحده معروضه وكانت تمام ورحت شفتها بنفسي واتكلمنا علي السعر وكل حاجه بعدين والدي غير رأيه - حد صاحبه كرهه فيها :) - بعدها جالنا احباط لأن كده الموضوع بوخ وقعدنا كتير ومش عارفين نجيب حاجه . ف الوالد قال خلاص بقي نشوف مستعمل قديم الماني و امرنا لله .. رحت قعدت اعمل سيرش بردو وتوبيكات وافلام واشوف كونتكت كارز وكلمت بتاع 100 واحد اللي تطلع بره واللي تطلع عامله حادثه واللي يطلع بعيد جدا واللي واللي واللي .. المهم في واحد جارنا كان عنده اوكتافيا 2007 شاريها مستعمله وكان عايز يبيعها ف دي بصراحه كانت لقطه كان هياخد 90 الف بس كان فيها مشاكل يعني الطاره بالكامل كانت متغيره ومافيش ايرباج و استعماله خشن جدا - هو نائب في البرلمان :) - المهم ابويا قاله تمام هناخدها وخلاص ف قالنا تمام اول ما اجيب انا الاوكتافيا 2012 هروح بايع دي علي طول .. العمليه طوبت شويه وانا بردو شغال ادور وابحث تاني يعني ما سكتش :) المهم واحد زميلي كلمني وقالي تعالي في واحد عايز يبيع الفلونس 2011 وماشيه 30 الف كيلو ب 103 الف .. رحتله وشفت العربيه كانت اول فئه وملياااااانه خدوش وحكات والقايم معمول فيه شغل علي البارد وكده بس كنت اول مره ادخل الفلونس في المعادله وبصراحه شدتني جدا وقلت اكيد اكيد هتعجب الوالد و بردو عاجباني مش زي الاوكتافيا كنت مسترخمها جدا وكنت شايفها للي عندهم 40 سنه وانت طالع فقط .. المهم قلت للحاج علي اللي فيها قال لأ بلاش منها و دور تاني .... المهم شفت كام عربيه تاني فورد فوكس 2008 و اوبل فيكترا 2008 ومحصلش نصيب - والحمد لله ان محصلش نصيب - المهم الوالد جاله فرصه عمل افضل ب مراحل في اللي كان فيها ف قال مبدهاش بقي لازم نعلي رينج الاسعار لحد ما وصلنا ل 130 الف .. طبعا الاختيارات بقت اكتر .. بقت كروز زيرو و سيراتو زيرو و الانترا زيرو و نيسان تيدا زيرو فلونس اول فئه زيرو وكام عربيه مش فاكرهم .. المهم رسينا علي الفلونس زيرو بعد ما والدي شافها مع صاحبه عجبته جداااااااااااا .. ف قلنا خلاص بقي نفكنا من حوار المستعمل ده خالص ونسأل في التوكيل ونبدأ في الاجرائات .. سألنا في التوكيل قالو هتحجز وهتستني 3 او 4 شهور طبعا كان بعيد جدا بالنسبه لينا فقلنالهم طب والموزعين المعتمدين قالو مافيش مشاكل بتبقي العربيه عندهم تستلموها علي طول هم محمد زكي و الطارق .. ف الاقرب لينا الطارق اللي في مول العرب نزلنا الجمعه اللي فاتت 23 مارس نتفرج علي العربيه وكان الوالد معاه مبلغ كده عشان لو خلصنا .. رحنا المعرض وكان معروض 2 واحده فضي و واحده سمني كده والاتنين الفئه اللي ب 142 الف .. قعدنا نحسبها ونشوف فرق الاوبشن وهل يستحق دفع ال 10 الاف زياده ولاقيناه يستحق بجداره وفي فرق كبير في الاوبشن و الوالد شخصيا عجبه موضوع ال سمارت كي جدا و قررنا نحجز العربيه الفضي لأنه لون مناسب وهيستحمل البهدله بتاعه مصر و استلمنا العربيه يوم الاتنين بليل و رخصناها التلات ومن ساعتها معايا وبلف بيها وبجربها وبقلب في الكاتالوج وبعرف ايه الجديد وبسأل الناس هنا علي اي حاجه معرفهاش وبيردو علي طول

    نيجي بقي للعربيه بعد الفيلم الهندي الطويل ده :) ... زي ما قولت و وصفت العربيه وده اول احساس لأي حد يخش العربيه ويسوق وهو بيتأمل العربيه .. انها بحر واسع بس متغرقش فيه
    طبعا اول يوم سواقه كنت خايف جدا علي العربيه وماشي براحتي - عارفين انتو الاحساس ده - بس من تاني يوم قلت لأ مش هينفع بقي لازم اندمج في المجتمع واتعايش عادي
    اول حاجه حسيت بيها للأمانه موضوع السحب وانه ضعيف شويه بس مش فارق معايا خالص لأني مش من نوعيه الجري والشد والكلام ده كله و اظن العربيه كمان مش معموله ل كده دي عربيه بيزنس مان من الاخر .. نيجي للقعده طبعا مريحه جدا جدا والعفشه ناعمه جدا وطبعا حسيت بالفرق بينها وبين اللانسر
    العربيه ما شاء الله مرتفعه جامد عن الارص مع انك لو بصيتلها من بره تقول هتحك في اي مطب بس انا رحت مخصوص شارع كده كنت بحك فيه من تحت دايما في اللانسر والحمد لله محكتش وطبعا كنت مذبهل ساعتها
    العزل بتاعها انا شايفه رائع لما بقفل الازاز ولا ليا دعوه ب بره غير اللانسر خالص .. حتي كنت ماشي علي الدائري كنت بكلم اللي قاعد جمبي وببص لل عداد لقيته 140 منين و ازاي وامتي معرفش :)
    الخامات شايفها رهيبه التابلوه والفرش والابواب و الكونسول الاماكي كله علي بعض تحفه
    طبعا العربيه واسعه جدا جدا بس بصراحه مش اوسع من الاوكتافيا .. الشنطه بردو واسعه جدا وتشيل 5 شنط كبار مسترح جدا ويااه بقي لو قفلت الكنبه اللي ورا يبقي ابات فيها علي طول :)
    التكييف جربته كده علي السريع ونظام fast لقيته سريع جدا .. بس ربنا يستر في الحر الشديد سمعت كلام مقلقني من التكييف
    نيجي بقي للتكنولوجيا اللي في العربيه .. اول حاجه بتشوفها هي كومبيتر العربيه وبيوضح كذا حاجه بس مكانه كان هيبقي اشيك لو في النص .. و طبعا وانا بقلب فيه اكتشفت موضوع قفل السنتر وانت ماشي
    تاني حاجه التكييف شكله جامد جدا وفيه كذا اوبشن وكله واضح و حتي هما مكبرين الزراير بتاعه اوتو و فاست و سوفت لأنهم عارفين إن كله بيريح دماغه وبيستخدمهم
    تالت حاجه الراديو و نظام الصوت والبلوتوث كله .. وده فيلم لوحده طبعا اول ماجبنا العربيه كان عايز كود وكلمت التوكيل واخدت الكود وبصراحه اتطمنت جدا وفرحت جدا بالموضوع ده حاسس انهم مهتمين اوي ب الزبون بتاعهم
    ومن هنا وهنا عرفت اغلب استخدامات الراديو وازاي اربط الموبايل وازاي اتحكم من المالتي فانكشن اللي ورا الطاره - والدي طبعا عنده لسه مشاكل في الموضوع ده-
    نيجي بقي لل كروز كنترول .. ده بصراحه شايفه اجمل و اجمد حاجه في العربيه يعني فعلا اختراع .. يمكن انا معجب بيه بزياده اوي كده اني اول مره استخدمه وعارف انه في عربيات كتير بس اهو قدري بقي اني استخدمه في الرينو :) انا قلت الاول هعاني وحتي سألت هنا ازاي استخدمه بعدين شفت فيديو لقيته سهل جدااااا وجربته ومن ساعتها مش ماشي غير بيه بجد اختراع هايل وقمه الراحه يعني
    نيجي بقي لأخر حاجه السمارت كي .. ده بقي وهم و بردو عشان احنا اول مره نجرب الموضوع ده ف بالنسبه لنا اختراع ولا تحط مفتاح وتدور ولا تفتح باب ولا تقفل ولا الليله دي - مع اني عارف ان مشاكله بتبقي رخمه بس ربنا يستر -


    اجمالا العربيه جميله جدا وشيك جدا بس من رأيي مش شبابيه او مش هي الاختيار الامثل للشباب

    معلش انا عارف اني طولت عليكم بس اهو احب افضفض معاكو و اعتبروني اخوكو الجديد بقي هتلاقوني ناططلكو هنا كل شويه انا علي النت علي طول ف هتزهقو مني :)

    عندي بقي شويه اسئله و استفسارات كده اللي حابب يقراهم يكمل اللي زهق من التوبيك كفايه عليه كده بس هيدفع 5 جنيه بدلات :)
    1- عايز اعرف الفئه بتاعتنا دي كام سماعه ؟ وهل كلهم شغالين ؟ لأن نظام الصوت مش عاجبني يعني اللانسر كانت غول بصراحه ومن غير اي تعديل والبيز فيها كان رهيب .. في الفلونس مش حاسس ب البيز خالص
    2- موضوع البلوتوث حاسس انه مش ثلث كده وساعات بيعبط يعني انا رابط عليه 2 موبايل بتاعي وبتاع الوالد المفروض إن اول ما اخش بالموبايل في العربيه يتصلو ببعض علي طول من غير ما اتدخل انا ... ساعات بقي لازم اعمل فيلم واخش ابحث واعمل ديسكونكت و كونكت تاني .. ف في حل للموضوع ده
    3- بردو موضوع الاسماء ليه مش بتظهر علي شاشه العربيه وقائمه الموبايل نفسه اللي علي شاشه العربيه مبتفتح حاجه غير اني لو عايز اتصل وتجبلي الارقام وانا اقعد الف بالبكره
    4- موضوع استخدامي للكروز كنترول ده في ضرر علي العربيه ؟ وهل بيسحب بنزين اقل من الاستخدام العادي ؟ وازاي بيسحب بنزين والبدال بتاع البنزين مبينزلش .. في وحده تانيه بتسحب مثلا ؟
    5 - حد جرب يركب اي اكسسوارات او انظمه صوت او انزار او كاميرا او اي حاجه ينقل لنا تجربته وهل بتخرج من الضمان فعلا ولا كلام وممكن احطهم قدام الامر الواقع ؟
    6- يعني ايه مصفحه من تحت ؟ وهل الازاز بتاعها مصنوع من حاجه مميزه يعني مثلا مبيتكسرش كله لو اتخبط زي العادي ؟


    نكتفي بهذا القدر من الاسئله عشان دماغ الناس متسيحش :)

  • #2
    مبروك على العربية و ربنا يباركلك فيها ان شاء الله بس للاسف انا مش من مالكي الفلوانس بس عجباني جدا و عموما انا بحس ان الرينو عربية محترمة جدا و فعلا انا بفكر فيها جدا و تقريبا انا كنت في مول العرب برده يوم الجمعة كنت بحاول اقنع نفسي بالتغيير
    انا معايا اوبل فكترا 2008 و عجباني و مريحاني جدااااااا بس بفكر اغير بحاجة زيرو الفلوانس عجباني بصراحة بس خايف انا اتصدم بعد التغيير من فكترا لفليوانس فبفكر بصراحة
    ربنا يباركلك فيها
    على فكرة انا من اكتوبر برده انا ساكن في الحي التاني
    [FONT=Comic Sans MS][COLOR=#0000ff][/COLOR][/FONT]

    Comment


    • #3
      المشاركة الأصلية كتبت بواسطة ahmedmaklad مشاهدة المشاركة
      مبروك على العربية و ربنا يباركلك فيها ان شاء الله بس للاسف انا مش من مالكي الفلوانس بس عجباني جدا و عموما انا بحس ان الرينو عربية محترمة جدا و فعلا انا بفكر فيها جدا و تقريبا انا كنت في مول العرب برده يوم الجمعة كنت بحاول اقنع نفسي بالتغيير
      انا معايا اوبل فكترا 2008 و عجباني و مريحاني جدااااااا بس بفكر اغير بحاجة زيرو الفلوانس عجباني بصراحة بس خايف انا اتصدم بعد التغيير من فكترا لفليوانس فبفكر بصراحة
      ربنا يباركلك فيها
      على فكرة انا من اكتوبر برده انا ساكن في الحي التاني
      الله يبارك فيك ... وانا من جنوب الاحياء واتشرفت بيك :)
      بالمناسبه كان ضمن اختيارتنا الفيكترا 2008 بس الفتيس معجبنيش نهائي بس العربيه محترمه جدا ما شاء الله .. ومش عارف ليه اوبل بقت بتنزل كورسا و استرا بس ايه السر يعني ؟ اتضربت في مصر مثلا ولا فوكسهول بهدلتها ؟

      بالنسبه لصدمه التغيير انا فاهمك جدا ونفس الاحساس كان عندي بس بصراحه ب لفه هنا في القسم علي كام تليفون للتوكيل علي كام بوست للصفحه بتاعتهم علي الفيس بووك علي كام سؤال للي عندهم .. علي اخيرا تجربه العربيه نفسها اتغيرت الفكره تمام .. ومقلكش بقي الوالد قعدت اقنعه بيها بتاع اسبوع كان بيتريق علي الرينو وكده وفي الاخر اول ما شافها وقعد فيها وشاف الاوبشن والخامات وساقها غير رأيه تمام وبيقول متفرقش عنده عن الاوكتافيا
      بس لو هتجيب إن شاء الله ابقي اسأل في المعرض اللي اسمه محمد زكي احتمال تلاقيه عامل خصم اكبر
      ولو اي سؤال انا موجود

      Comment


      • #4
        الف مبروك على العربيه .... انا برضوا زيك كده لفييييييييييييييت وقلبت كل ورقه جرنان او مجله او حتى ملفوف بيها ساندوتش مرسوم عليها عربيه وفي الاخر ربنا هداني للفلونس .. هجاوبك على سؤالين اعرفهم :
        1 - انا معايا بيلقط الموبايل على طول لان في اوبشن انك تخلي الربط اوتوماتيك وديفولت .
        2 - لما يرتبط في اوبشن انه يعمل سينكرونايز ويقوم ناقل كل اللسته اللي عندك على ميموري العربيه .
        [CENTER][FONT=Comic Sans MS]لا ثوابت في الحياه الا في الامور الدينيه .... خلاف ذلك فكل شئ في الحياه قابل للتفاوض .[/FONT][FONT=Comic Sans MS]قد تتضمن العباره السابقه باب امل وتفاؤل وقد تفتح ابواب لمستنقعات الطين .[/FONT][/CENTER]

        Comment


        • #5
          من الواضح كده .. أنا اللي هارد عليك تاني :)

          استعنا عالشقى بالله ...

          1. بص يا سيدي ... 4 في الابواب ... 2 تويتر في التبلو ... وشوف عالشنطة من ورا ... فيا 6 يا 8 ... ممكن حضرتك تظبط الBass و Treble لو مش عجبك.. من الجهاز ...

          2. و3. أنا معنديش Bluetooth فـمش حأقدر افيدك ...

          4. لا .. الكروز كنترول بيثبت السرعة وكان الدواسة مداسة ... الفكرة إنه اثبت من رجليك .. يعني إنت ممكن تريح شوية ودوس شوية ... بس .. وقرأة الكروز عالكمبيوتر في استهلاك البنزين مابتظبطش اللى بعد 15 ~ 20 كم ..

          5. أي حاجة هتطلب لعب في الضفيرة أو هتخد من الضفيرة .. يبقى الضفيرة بتاعت الكهربا بس هي اللي بره الضمان .. مثلا إنت فكرت تغير الكاسيت .. مش هتخرج .. لأن الوصلت كلها ... شيل من ده حُط في ده ... لاكن محتاج من ضفيرة زي الإنذار والكاميرا الخلفيه ... آه ... هتخرج كهربا العربيه بره الضمان ...

          6. والله التصفيح ده نعمه ... الاجزاء الحساسه .. لو لقدر الله مثلا طلعت على رصيف أو خط مطب جامد وحكيت ... في تصفيح من تحت .. بكده الاجزاء الي تحت العربيه مش معرضة للتجريح أو إنها تبوظ .. وده حصل معايه والحمد الله ... ستر ولطف

          الزراير .. معرفش ... بس لسة ببحث

          وأي حاجة تانية .. نحن في الخدمه .. :)

          Comment


          • #6
            الشرف ليا انا لفيت كتير و شفتها كذا مرة بس بصراحة ما جربتهاش او قعدت جواها و هي ماشية فانا ممكن ابقى اخد منك لفة او حد من الناس هنا يديني لفة و الحساب مع بعض يعني
            بالنسبة لفكترا هي عايزة تعود بس و هتاخد عليها يعني مش من اول مرة و مش كل الناس بتحبه و مش كل الناس بتكره الفتيس
            و بالنسبة للفة ما تنساش يعني من الحصري لحد بنزينة التعاون تحسبهالي بكام :)
            [FONT=Comic Sans MS][COLOR=#0000ff][/COLOR][/FONT]

            Comment


            • #7
              المشاركة الأصلية كتبت بواسطة ahsd2000 مشاهدة المشاركة
              الف مبروك على العربيه .... انا برضوا زيك كده لفييييييييييييييت وقلبت كل ورقه جرنان او مجله او حتى ملفوف بيها ساندوتش مرسوم عليها عربيه وفي الاخر ربنا هداني للفلونس .. هجاوبك على سؤالين اعرفهم :
              1 - انا معايا بيلقط الموبايل على طول لان في اوبشن انك تخلي الربط اوتوماتيك وديفولت .
              2 - لما يرتبط في اوبشن انه يعمل سينكرونايز ويقوم ناقل كل اللسته اللي عندك على ميموري العربيه .
              والله اللف حلو بردو ... بتجيب حاجه نقاوه :)
              بالنسبه لل موبايل والسينك هبقي اشوف الحاجات دي اعرف اعملها ولا لأ ولو كده ابقي اسأل تاني :)

              Comment


              • #8
                المشاركة الأصلية كتبت بواسطة mohamed_nafie مشاهدة المشاركة
                من الواضح كده .. أنا اللي هارد عليك تاني :)

                استعنا عالشقى بالله ...

                1. بص يا سيدي ... 4 في الابواب ... 2 تويتر في التبلو ... وشوف عالشنطة من ورا ... فيا 6 يا 8 ... ممكن حضرتك تظبط الbass و treble لو مش عجبك.. من الجهاز ...

                2. و3. أنا معنديش bluetooth فـمش حأقدر افيدك ...

                4. لا .. الكروز كنترول بيثبت السرعة وكان الدواسة مداسة ... الفكرة إنه اثبت من رجليك .. يعني إنت ممكن تريح شوية ودوس شوية ... بس .. وقرأة الكروز عالكمبيوتر في استهلاك البنزين مابتظبطش اللى بعد 15 ~ 20 كم ..

                5. أي حاجة هتطلب لعب في الضفيرة أو هتخد من الضفيرة .. يبقى الضفيرة بتاعت الكهربا بس هي اللي بره الضمان .. مثلا إنت فكرت تغير الكاسيت .. مش هتخرج .. لأن الوصلت كلها ... شيل من ده حُط في ده ... لاكن محتاج من ضفيرة زي الإنذار والكاميرا الخلفيه ... آه ... هتخرج كهربا العربيه بره الضمان ...

                6. والله التصفيح ده نعمه ... الاجزاء الحساسه .. لو لقدر الله مثلا طلعت على رصيف أو خط مطب جامد وحكيت ... في تصفيح من تحت .. بكده الاجزاء الي تحت العربيه مش معرضة للتجريح أو إنها تبوظ .. وده حصل معايه والحمد الله ... ستر ولطف

                الزراير .. معرفش ... بس لسة ببحث

                وأي حاجة تانية .. نحن في الخدمه .. :)
                الظاهر اننا هنرد علي بعضنا كتير بردو :)

                1- هيا فعلا المفروض 6 بس انا مش حاسس بكده خاااالص .. وفعلا دخلت قبل كده علي المينو وظبطت البيز والتريبل هو اه اتحسن شويه بس مش زي ما كنت عايز
                4- ماهو استنتاجي انه افضل من السواقه العاديه وبيسحب اقل بس قولت استفسر بردو خصوصا اني فعلا شكلي همشي عليه علي طول لأنه مريح جدا
                5-هو انا مش هغير الكاسيت اكيد ولا هلعب في اي حاجه بإذن الله بس قولت اسأل احتياطا يعني برغم إن الصوت مش ممتاز بس ملعبش في شكل التابلوه عشان الصوت يعني
                6- انا فعلا عانيت في اللانسر كانت بتحك وتخبط مني في حاجات من تحت ومره شكمان ومره مش عارف ايه .. ف ياريت فعلا تكون زي ما فهمت منك ويبقو مداريين الحاجات دي ... واي حاجه متقلقش هتلاقيني ناطط هنا علي طول :)

                Comment


                • #9
                  المشاركة الأصلية كتبت بواسطة ahmedmaklad مشاهدة المشاركة
                  الشرف ليا انا لفيت كتير و شفتها كذا مرة بس بصراحة ما جربتهاش او قعدت جواها و هي ماشية فانا ممكن ابقى اخد منك لفة او حد من الناس هنا يديني لفة و الحساب مع بعض يعني
                  بالنسبة لفكترا هي عايزة تعود بس و هتاخد عليها يعني مش من اول مرة و مش كل الناس بتحبه و مش كل الناس بتكره الفتيس
                  و بالنسبة للفة ما تنساش يعني من الحصري لحد بنزينة التعاون تحسبهالي بكام :)
                  باشا انا تحت امرك قولي امتي عشان اظبط ونتقابل وطبعا هتجيب معاك الفيزا عشان مش هترف تشيل تمن اللفه :)

                  Comment


                  • #10
                    المشاركة الأصلية كتبت بواسطة mohaakotb مشاهدة المشاركة
                    باشا انا تحت امرك قولي امتي عشان اظبط ونتقابل وطبعا هتجيب معاك الفيزا عشان مش هترف تشيل تمن اللفه :)
                    هي بقت كده فيزا كمان
                    طيب الوقت اللي يعجبك اي وقت بليل ابعتلي رقمك و اكلمك و نتشاور
                    [FONT=Comic Sans MS][COLOR=#0000ff][/COLOR][/FONT]

                    Comment


                    • #11
                      تمام علي الخاص بقي

                      Comment


                      • #12
                        الف مبروك ربنا يديك خيرها ويكفيك شرها.

                        Comment


                        • #13
                          الف مبرووووووك
                          وربنا يبركلك فيها يا باشا
                          اختيار موفق جدا احسنت الاختيار
                          انا لحد دلوقتي مش شايف فيها عيب وموضوع السحب اتحسن جدا معايا بعد ال 20000 كم انا عامل حاليا 30000كم والصيانه كلفيتني 900 جنيه الحمد لله هي احسن من السيراتو الكانت معايا بكتيييييييييييييييييييييييير

                          Comment


                          • #14
                            الف مبروك ربنا يديك خيرها ويكفيك شرها
                            مبروك نجحت ثورة الفلول أقصد الثوره المضاده

                            Comment


                            • #15
                              مبروك اولا
                              ثانيا اتشرف بالرد عليك .. أخوك مدوبهم اتنين ( ميجان 2005 و بعتها 2011 و جبت فلونس )
                              استخدامي للعربيات مهلك جدا الصراحة .. مش بس باعدي 5000 كيلو شهريا .. كمان باروح بيها المنيا - البحيرة - كفر طهرمس - كوم حمادة .. وورا الشمس كمان !!

                              اجابة علي بعض الأسئلة :
                              انا معجبنيش الصوت بغض النظر عن عدد السماعات .. شيلت الرف اللي ورا و ركبت بوردة كونتر مفروشة بجلد زي بتاع العربية و حطيت سماعتين 500 وات و امبليفير سوني ( طبعا لما بأعلي الصوت و أجي جنب فلوينس تانية بالاقيه بيلعب فأوبشنز العربية زي المجنون مش عارف ليه صوته مش كده ههههههه)

                              البلوتوث بيزعج لما الموبايل بيبقي سمارت فون و بيستذكي زيادة عن اللزوم و سينكرونايز و اكسسيابيليتي و بتاع..بس افضل حاجة هو انك تخليهم يوصلو ببعض علي منيو البلوتوث مش الراديو ولا السي دي

                              لو الموبايل ذكي زي مبقولك مضطر انت تنقل الأسماء للذاكرة .. تختار اللي عاوزة و تبعتهم بلوتوث و تكون مظبط العربية علي Import

                              دواسة العربيات دي دواسة حقيقية .. حاجة كده زي جوي ستيك البلاي شتيشن .. بتحس بسيجنال .. وبالتالي الكروز كنترول حيتولي الزمام و يبعت سيجنال للبنزين علي حسب المطلوب ( اللي بيتغير فالمطالع و المنازل عشان تفضل السرعة ثابتة ) و الدواسة مش حتتحرك


                              دول اهم استفسارات اعتقد

                              تحياتي
                              [FONT="Comic Sans MS"][B]To Get The Best In Life
                              You Have To Start With Yourself
                              And Do Your .. BEST :B4_033:[/B][/FONT]

                              Comment

                              Working...
                              X