اشتري ميجان 2005 ولا لأ؟

[Ahmed Selim]

انا اختلف مع حضرتك تماماً ..

الفرق في الشكل اكيد 2007 احدث واشيك بكتير (ازواق) فيه ناس بتحب الشيب القديم اكتر من الجديد
فرق في نور التابلوه الأبيض ، وشكل العدادات (برضه ازواق ) ناس كتير بترتاح في النور الأحمر عن الأبيض
فرق في شكل الفوانيس الأماميه والخلفيه (فرق مش مستاهل) وبرضه ازواق
فرق في ان الكاسيت هيكون ام بي ثري مش سي دي بلاير (وصله aux) هتحل المشكله والكاسيت mp3 بـ 700 جنيه والعادي بـ 350 جنيه استيراد
فرق انه فيه مثبت سرعه في 2007 (2005 بانوراما فيها مثبت سرعه)
فرق ان الفرش هاتلاقيه جلد وممكن تجيبها كمان بانوراما في 2005 قليل (2005 بانوراما ماليه البلد وفيها فرش جلد)
فرق ان العربيه مش هتكون مشت كيلوات كتير ، فهتكون احسن بكتير (مش شرط في 2005 ماشيه 42 الف كم مع واحد صاحبي)
فرق ان في 2007 ، النتشه بتاعت الفتيس مش موجوده بعكس 2005 وملهاش حل لحد دلوقت
(حضرتك الناس الى كانت متابعه صيانة مع التوكيل حلت مشكله النتشه ديه بسوفت وير جديد وده ده كلام انا متأكد منه)
اسباب كتير بس دي اللي اعرفها ، ومعلش لو الفرق في 20000 جينه فأنا شايف انها حاجه
انا مش شايف اي فرق يذكر اهم حاجه الحالة يعني 2005 سليمة متابعه صيانة في التوكيل من اول يوم احسن 100 مره من 2007 حالتها متوسطه او مش بتصين في التوكيل ومفيش ما يستدعي لدفع 20 الف جنيه زياده في نفس العربية
ومفيش سبب مقنع عشان تقوله ابعد عنها كانها فيها مصيبة انا نفسي يكون عندنا موضوعيه واحنا بنقيم العربيات عشان نقدر فعلاً نختار الصح مش نمشي ورا كلام التجار والسوق والعك ده
تحياتي

+11111111

رد ولا أروع...........

فعلاً المسألة نسبية ممكن تلاقى 2005 حالتها أحسن من 2007

و بالنسبة لموضوع النتشة بتاعة الفتيس
موديل 2005 و 2006 كان فيها النتشة و أتحلت بنسبة كبيرة بتعديل فى السوفت وير بتاع الفتيس و لكنها ما زالت موجودة......و هى دى طبيعة الفتيس......يعنى النتشة دى مش مشكلة فى العربية......مع العلم أنها نتشة بسيطة و مش فى كل النقلات.
فى 2007 نفس الفتيس بس كان بينزل بالتعديل على طول و بالتالى نفس النتشة البسيطة موجودة.

[midohits]

انا بقول عن تجربه مش عن كلام تجار ولا عن سمعه ، وبرده الحاجات دي ازواق واختيارات وكل واحد اكيد حر في رأيه وفي اختيارته والأول والأخر في رأي صاحب الموضوع هوه اللي هيدفع فلوس وهيشتري
نورتوا كلكوا

[ahmadalsabban]

متشكر جدا ياجماعة على المعلومات دية بس انا كان نفسي اعرف اية الحاجات الاساسية اللي لازم ابص عاليها وانا باشتري , دة لة فرضت ان الشاسية سليم, الحاجات اللي عيبها متكرر و تصليحها غالي

[midohits]

ريح دماغك واكشف عليها في التوكيل بحوالي 500 جنيه وهيقولو لك ايه الحاجات اللي محاجة تتغير دلوقت وايه الحاجات اللي قدامها شوية ، وعلى فكره اغلبيت العربيات بتبان من وقفتها ، والناس الفاهمه هيا اللي تقدر تفهم ياعني ايه بتبان من وقفتها ، وربنا معاك وكلنا مستنينك هنا

[Ahmed Selim]

انا بقول عن تجربه مش عن كلام تجار ولا عن سمعه ، وبرده الحاجات دي ازواق واختيارات وكل واحد اكيد حر في رأيه وفي اختيارته والأول والأخر في رأي صاحب الموضوع هوه اللي هيدفع فلوس وهيشتري
نورتوا كلكوا

أيه يا عم ميدو أنت قفشت علينا ليه بس ؟

و مين قالك يا باشا أنى بتكلم كلام تجار و لا عن سمع ؟

أنا معايا ال 2005 فى مصر و ال 2007 هنا.

عاوز أقولك بصراحة أنا بحب شكل ال 2005 أكتر و بحب الإضاءة البرتقالى أكتر.

النتشة موجودة فى الأتنين زى بعض و ده لأنى كنت عامل تعديل السوفت وير فى التوكيل فى مصر.

أنت لو عاوز فعلاً تعرف الإختلافات اللى ممكن تكون مؤثرة شوية يبقى هتلاقى حاجات ميكانيكية أو كهربية أكتر من موضوع الشكل و الفتيس.

يعنى على سبيل المثال.......أواخر 2006 و أنت طالع أبتدو ينزلو حاجات معدلة من القطع اللى كانت بتبوظ بسرعة زى الكويلات وعلى ما أذكر ترس الديفازر كمان.

و فيه حاجات تانية بس بصراحة مش فاكرهم و الوحيدين اللى ممكن يفيدونا فيها هما فرحات و أيمن مومو.

[midohits]

يا حبيب قلبي أحمد بيه والله مش قفشت ولا حاجة ، دي العين عمرها ماتعلى عن الحاجب طبعا ، بس انا مش بقول على حضرتك ، حضرتك مقولتش كده ، انا بقول على المشاركات اللي قبل كده ، واكيد كل حاجة ازواق اهم حاجة ربنا بس يبارك لصاحبها فيها بس وفعلا الحاجات الميكانيكيه والكهربيه دي الناس هنا زي ايمن مومو هيقدروا يفيدوه اكتر
نورت والله يا احمد بيه وخلينا كده نشوف مشاركاتك زي زمان معانه

[Shiref_mohamed]

يا حبيب قلبي أحمد بيه والله مش قفشت ولا حاجة ، دي العين عمرها ماتعلى عن الحاجب طبعا ، بس انا مش بقول على حضرتك ، حضرتك مقولتش كده ، انا بقول على المشاركات اللي قبل كده ، واكيد كل حاجة ازواق اهم حاجة ربنا بس يبارك لصاحبها فيها بس وفعلا الحاجات الميكانيكيه والكهربيه دي الناس هنا زي ايمن مومو هيقدروا يفيدوه اكتر
نورت والله يا احمد بيه وخلينا كده نشوف مشاركاتك زي زمان معانه

ياباشا انتا قافش ليه كده .. متزعلش ياباشا الموضوع مش مستاهل نزعل من بعض اصلاً
بس خد باللك من كلمة استاذ احمد بيقوللك انه بيحب شكل 2005 اكتر من 2007 وكمان اللون البرتقالى وانا كمان بحب شكل 2005 واللون البرتقالى جداً ولما بركب 2007 بحس من إضائة التابلوه اني راكب عربية صيني (يعني في الأخر الموضوع فعلاً اختلاف ازواق ولولا اختلاف الأزاق لبارت السلع )
ثانياً انا قلت كلام تجار وتقييم مش موضوعي مقصدش حضرتك خالص ..
انا اقصد انه ده نفس كلام التجار الى بيقولوه عشان يخسفوا بالعربية الأرض عشان في الأخر ياخد العربية مني ومنك برخص التراب ويبعها هوه بالغالى عشان ياخد اكبر مكسب وفي الأخر سمعه العربية تبقى في الأرض وهيا عربية ممتازة بكل المقاييس ده انا كل يوم بحبها عن اليوم الى قبله ..
انا عاوز اقولك اني اشتريت عربيتى من 6 شهور هيا 2006 اول فئة في الأوتوماتيك ولما اشترتها كانت عاملة 148 الف كم بس صاحبها عمره ما فك فيها مسمار خارج التوكيل واداني كل فواتير التوكيل من اول يوم لحد صيانة 140 وكان معتني بيها جداًًًً انا اول ما اخدتها عملت صيانة 150 فقط لاغير وهاريها سفر ومشاوير ودلوقتي عاملة158 الف بس كل الى بيشوفها ويشوف حالتها ويركبها بيقولى ديه احسن 100 مره من موديل السنة وبينصحني اروح ارجع العداد واخليها 30 - 40 الف بالكتير وكمان جالى فيها 70 الف جنيه ومش هفكر مجرد تفكير اني ابيعها ..
يعني من الأخر 2005 هيا هيا 2010 المهم الحالة ثم الحالة ثم الحالة ..
وياريت تتقبل كلامي بصدر رحب ومتزعلش منه