رعشه فى الطلعه لرينو كليو2003

[haredy_80]

ارجو الافاده ..
عندى مشكله فى الكليو مش فهمها
رعشه فى الطلعه من السكون ورعشه عند سرعه80و90وده بيحصل لما اكون على الخامس والسرعه80
غيرت الكوبلن كامل قلولى ده استيراد وانساه
الرعشه راحت لمده اسبوع
ورجعت بعد كده فىالطلعه وبعدين ظهرت على السرعه تانى واكنى معملتش حاجه
رجعت تانى ليحيي بتاع الكوبلن قالى الكوبلن ده فى مشكله وراح مديلو لحام
وقالى انسى اسبوع ورجعت تانى
انا عاوز اعرف المشكله ده منين من الكوبلن فعلا ولا الديسك والاسطوانه
ده التجربه الى مريت بيها حد عنده افاده
اغير الكوبلن تانى ولا ايه

[عمرو عمارة]

هل غيرت الكوبلن اليمين أم الشمال ؟

[haredy_80]

غيرت الاثنين معا
والمره التانيه لحم القولهفى اليمين

[عمرو عمارة]

أنا مش عارف لحام إيه بضبط إلي بيتم في الكوبلن

أنا كان عندي مشكلة مشابهة لهذه الأعراض وكانت مشكلة حلة الكوبلن اليمين.....وهذا الجزء لا يتم تغيره منفرداً ويجب شراء كوبلن كامل

أنا إشتريت كوبلن جديد صيني من عند ميشيل حليم بجسر السويس بـ375 جم ومعايا بقاله حوالي 8 شهور ولم تظهر هذه المشكلة مرة أخرى

يسر الله لك

[haredy_80]

شكرا يا عمرو على اهتمامك وسرعه الرد
اللحام ده عباره عن طريقه لتصليح الكوبلن مع العلم ان الكوبلن داخلى وخارجى فى الكليو اليمين كده والشمال خارجى وصليبه
الى عندى بيظهر فيه المشكله الداخلى اليمين بيسموه القله
هو زوده لحام ومشى يومين ورجع تانى
معلش على الاطاله بس انا عاوز اعرف هو الكوبلن الصينى الى انت قولت عليه كامل بره وجوه

[sammor_28]

بعد اذن صاحب الموضوع..انا برضه عندي في الكليو 2004 رعشه في الطلعه

انا عندي رعشه في الطلعه بس وانا بشيل رجلي من عالدبرياج بس والسحب تمام وعلى اي غيار العربيه تمام والحمد لله
ياترى دي مشكله ديسك واطوانه ولا كوبلن ولا ايه بالظبط لأن كل واحد اروحله يقولي حاجه شكل وانا مش عاوز العب في العربيه

[haredy_80]

المشكه فى الافتاءات بتاعت الصنيعيه
ربنا يهديهم
انا راي اكشف على الكوبلن فى الاول وراجع على شداد الفتيس
ولو ضبطهم يبقى استحمل لغايه ما الديسك والاسطوانه يجيبوا اخرهم
معذره انا بفتيلك بلى انا بعملوا انا يوم الجمعه هروح اغير الكبلن الداخلى عند يحيى لتالت مره المره الى فاتت قالى لو فيه حاجه تعالى مش عارف هيدفعنى تالت ولاايه
لو هلاقى نفسى هدفع هجيب الكبلن الصينى الى قال عليه الزميل
ولو حد عنده معلومه يفيدنا

[haredy_80]

السلام عليكم
رحت امبارح الجمعه وقلت اعرفكوا الى حصل
لقيت كاوتشت الكوبلن مقطوعه فكها وغيرها
وطلع جرب العربيه ويرتو مجربها
الصنيعيه بيعاملوا العربيات بقسوه جامده اقوي
جاب على الاول40 وعلى التانى60 وعلى التالت 100
اتخنقت معاه ربنا يسترها والعربيه ميكنش فيها حاجه حصلت
لو حد عنده فكره اخر كل غيار يبلغنى الله يكرمكوا احسن انا قلقان مع العلم ان العربيه 1200cc
المهم ان انا مشيت من عنده وانا مش راضى لانى مش حاسس بالتغيير
مش عارف اعمل ايه اروح التوكيل وادفع شويه ورايح نفسى لو حد عنده اجابه يقلى

[ramy_gamal]

القرص مفيهوش مشاكل متقلقش
ممكن تخلى التوكيل يكشف ويقولك احسن من التعب دة

[gym1974]

نصيحة لوجه الله من مالك رينو كليو موديل 2003/1200cc العربيات الرينو من الاخر مش بتاعت ميكانيكية روح التوكيل وريح دماغك انا عربيتى عامل بيها 167000 كليو بدون مشاكل والحمد لله عارف السر ايه كل الصيانات فى التوكيل وهو ده سر السيارات الرينو الصيانة فى مواعيدها وفى التوكيل وامشى لحد 500 الف كليو مش 167 بدون مشاكل ارجو ان اكون افادتك

[Amr_Moh]

أنا عندي بوادر مشابهة للرجرجة بين الأول والتاني مش مفهومة