مشكلة في علبة الفيوزات ميجان 2006

[mtsaber]

السلام عليكم
انا عندي ميجان 2006 حصلت فيها مشكلة من حوالي 5 شهور وهي ان النور الواطي مبيشتغلش رحت لكهربائي لقى فيشة في علبة الفيوزات اللي في الكبوت سايحة فراح مغيرها وبعد كده من يومين حصلت نفس المشكلة تاني والنور الواطي طفى ولقيت الفيشة برده سايحة ولكن النهاردة حصلت مشكلة اكبر ان العربية مش عايزة تدور خالص هل الفيشة دي ممكن تكون سبب المشكلة ولا علبة الفيوزات ضربت لان الكهربائي بيقولي مفيش كهرباء واصلة لطرمبة النزين مع العلم للاسف هوه مش متخصص في الميجان افيدوني..

[shawkylotfy]

هى بصراحة فيشة الانوار فى الميجان 2 دية عيب صناعة لان تقريبا كل الناس بتحصل عندهم المشكلة
بص على الفيوز بتاع طرمبة البنزيين وعلبة الفيوزات خلى كهربائى فاهم يفورها ويزبطها وهى بتتعمل بس عايز كهربائى يكون بيتعمامل فى العربيات الحديثة مش شرط ميجان يعنى

[mtsaber]

هى بصراحة فيشة الانوار فى الميجان 2 دية عيب صناعة لان تقريبا كل الناس بتحصل عندهم المشكلة
بص على الفيوز بتاع طرمبة البنزيين وعلبة الفيوزات خلى كهربائى فاهم يفورها ويزبطها وهى بتتعمل بس عايز كهربائى يكون بيتعمامل فى العربيات الحديثة مش شرط ميجان يعنى

شكرا ليك، الكهربائي بيتعامل مع عربيات حديثة وانا مستني اشوف هيعمل فيها ايه بكرة انشاء الله وربنا يسهل...

[medohai510]

أنا أعرف كهربائي بيشتغل في الرينو بس وشاطر جداً وحافظ كل حاجة فيها أسمة رمضان في الحرفيين وتليفونة 01227099563 لكن هو غالي شوية وربنا معاك

[mtsaber]

أنا أعرف كهربائي بيشتغل في الرينو بس وشاطر جداً وحافظ كل حاجة فيها أسمة رمضان في الحرفيين وتليفونة 01227099563 لكن هو غالي شوية وربنا معاك

تسلم يا باشا بس المشكلة اني في السعودية مش عايز اقولك الواحد بيتعامل مع اشكال شكلها ايه من الصنايعية بس الحمد لله عثرت على كهربائي تركي فاهم شوية في العربية عشان العربية دي بتاعتهم وهما اللي مجمعنها بس المشكلة الواضح ان في مشكلة كبيرة في علبة الفيوزات وشكلي كده هغيرها بس هوه بيحاول يصلحها ربنا يكرم ويخلصها..

[gefoo]

نفس المشكله حصلت معايا من اسبوع رحت للكهربائى ركبلى كتاوت للنور الواطى والشبوره وطرمبة البنزين كان عندى الفيشه بتاعتها بتسخن وساحت وغيرتها وتممت على السلوك على ما يبدو كان فى قفله واتظبتت والنور بقى تمام اهم حاجه حاول تدور على كهربائى بيفهم عشان ميبوظش الدنيا وخليه يشيك على السلوك

[mtsaber]

نفس المشكله حصلت معايا من اسبوع رحت للكهربائى ركبلى كتاوت للنور الواطى والشبوره وطرمبة البنزين كان عندى الفيشه بتاعتها بتسخن وساحت وغيرتها وتممت على السلوك على ما يبدو كان فى قفله واتظبتت والنور بقى تمام اهم حاجه حاول تدور على كهربائى بيفهم عشان ميبوظش الدنيا وخليه يشيك على السلوك

الحمد لله العربية اتصلحت كان في قفله في علبة الفيوزات وتم تغيير فيشة وركب كتاوت زي ماحصل معاك بالظبط دلوقتي العربية كويسة بس يا رب تفضل كده ..