فرامل ال abs والفرامل العادية

[ahmed_ph]

ازيكم يا ملاك رينو بجد انا بعتبركم زي اخواتي وبشكركم كلكم على المساعدات اللي بتقدموها لو سمحت انا كان عندي اسفسار دلوقتي انا عربيتي فيها فرامل abs وانا بصراحه مش ملاحظ اي فرق بينها وبين الفرامل العادية انها ممكن تكون اقوى حاجه بسيطة فهل ده طبيعي ولا عندي مشكله في الفرامل ولا مثلا موضوع ال abs ده ميبنش الا وقت الازمات لكن في المشي العادي كده ميبنش ؟؟وشكرا ليكو جدا

[iaibrahim]

متابع باهتمام وهل هو موجود فى موديل 2005؟ مع الشكر

[MARTINDALE]

على السرعات الطبييعيه او لو بتهدي طبيعي هتلاقي الفرامل مافيش فيها فرق لان abs مش بيشتغل في الحالات دي .
لكن لو عاز تجرب امشي في طريق فاضي على سرعه 30 او 40 ((براحتك اعمل اختبار بسيط)) وفجاء دوس فرامل هتلاقي الفرامل مسكت جامد وحصل دربكه تحت رجلك (( الـabs لما بيشتغل)) والعربيه هتكلبش في الارض بدون ما تعوم .
لو انت متمكن وعايز تجرب تختبرها بجد امشي في طريق مفتوح على سرعه 90 او 100 واضرب فرامل مره واحده بس لازم ساعتها تحس بموضوع الدربكه اللي تحت رجلك وهتلاحظ ان العربيه بتوقف في مسافه وزمن اقل وانها بتكلبش في الارض والاهم من ده كله انها مش هتعوم حتى لو لفيت الدريكسون وانت مفرمل .

[ahmed_ph]

على السرعات الطبييعيه او لو بتهدي طبيعي هتلاقي الفرامل مافيش فيها فرق لان abs مش بيشتغل في الحالات دي .
لكن لو عاز تجرب امشي في طريق فاضي على سرعه 30 او 40 ((براحتك اعمل اختبار بسيط)) وفجاء دوس فرامل هتلاقي الفرامل مسكت جامد وحصل دربكه تحت رجلك (( الـabs لما بيشتغل)) والعربيه هتكلبش في الارض بدون ما تعوم .
لو انت متمكن وعايز تجرب تختبرها بجد امشي في طريق مفتوح على سرعه 90 او 100 واضرب فرامل مره واحده بس لازم ساعتها تحس بموضوع الدربكه اللي تحت رجلك وهتلاحظ ان العربيه بتوقف في مسافه وزمن اقل وانها بتكلبش في الارض والاهم من ده كله انها مش هتعوم حتى لو لفيت الدريكسون وانت مفرمل .

شكرا يا باشا على الافادة وفعلا انا حسيت بالدربكة دي وافتكرت ان ده عيييب في الفرامل هههههه شكرا لييك

[S O P H O S]

هو ال abs كده مفيش مشاكل ولا حاجة
موفق اخي