رأيكم في رينو سكالا

[ehab_hamed]

من ضمن العربيات الكتير اللى فكرت انى اشتريها هى الرينو سكالا، بس اللى موجود موديل 2011 وسعرها نزل من 97 الف إلى 95 الف للاتوماتيك الكاملة علشان موديل سنه فاتت. ودى حاجه خلتنى اقلق من العربيه. فعايز اعرف من اللى معاهم رينو سكالا ايه رأيهم فى العربية؟ ومدى توافر قطع الغيار فى التوكيل او بره؟ وهل اسعار الصيانه بتاعتها فى التوكيل مناسبة ولا غاليه؟
وشكرا

[flavio_egypt]

والله انا كمان محتار زيك ومعجب بالشكل الخارجى للسكالا بس مش منتشرة خالص زى الصنى وده اللى مخلينى اقلق منها

[akkosh]

بص ياباشا انا لسه شاري بفضل الله رينو سكالا من حوالي اسبوعين العربية كويسة الحمد لله لحد دلوقتي ... انا عامل 2000 كيلومتر .. وبيقولوا الصيانة الاولانية بتاعتها بعد ال 5000 مش 1000 علشان كده مش حعرف افيدك اوي في موضوع الصيانة ... عموما .. انا ان شاء الله رايح بكرة علشان في صوت كده سامعه في الباب اللي ورايا .. ولو فيها اي مشاكل حبقي اقول للناس هنا ان شاء الله

[m_newyork]

وبعدين ي رجاله طيب انا بردوا عجباني اوي الرينو دي والسعر مغري بالنسبه لعربيات تانيه بنفس السعر بس مفيش حت ربع الاوبشن الي فيها وكمان مفيش اي وسائل امان زي الاكسنت الاربي والكيا الريو وانا كان معايه رينو لو جان مانيوال 2010 وبعتها ومحتار حياره السنين اجيب رينو اسكالا ولا جين 2 مانيوالولا صني مانيوال

[flavio_egypt]

انا زيك محتار
بس الغالبية بتأكد ان النيسان الصنى هى افضل من ناحية اسعار قطع الغيار والتوكيل والانتشار الكبير طبعا وسعر اعادة البيع
يعنى لو هنفكر بشكل عملى يبقى النيسان الصنى لان الميزة الوحيدة اللى بتميز الاسكالا هى انها بتتقفل فى كوريا
وربنا يوفقك

[ehab_hamed]

الرينو سكالا هى نفسها النيسان الصنى من حيث الشكل الداخلى، انا سألت فى التوكيل قالوا ان الموتور والفتيس نيسان والباقى رينو. الاسكالا تختلف عن الصنى فى ان الطاره Multi function انما باقى الاوبشن زى الصنى سوبر صالون وسعرها 95 الف لأنها موديل 2011. انا عن نفسى قررت اشترى نيسان سوبر صالون وربنا يوفق الجميع ان شاء الله.

[ELBiLDoZeR]

بص انا اشتريت الرينو وانا مغمض بس هى عيبها فى حاجه واحده ........ إعادة البيع ........بس