انا بعت الاوبل وان شاء الله انضم لرجالة الرينو بس سؤال لمالكى الفلونس

[sam_mashtooly]

انا الحمد لله حاجز فلونس 2012 من المكانيكيون العرب و سئلت و انا بحجز عن انى عاوز اركب سنسور بارك برة التوكيل و بتاع المبيعات قالى ممكن فى ادريانو و دا مش مشكلة على الضمان علشان هما فاهمين فى العربية و عارفين الضفيرة كويس وعارفين هما بيعملوا اية

اية رايكم فى الكلام دا صح ولا اى كلام لو ممكن حد يفدنى

و لو حد يعرف اسعار يكون الف شكر ليكم يا رجالة

[engtmk]

الف مبروك علي العربيه وربنا يباركلك فيها ان شاء الله

بص اكتر من واحد سال علي الموضوع ده والرد كان اي حاجه تلمس الضفيره تخرج العربيه من الضمان

عشان كده محدش ركب انذار بره التوكيل ولا سنسور بارك وممكن تراجع الموضوع الكبير بتاع ملاك فلوينس علي الموضوع ده

واهلا بيك عضو جديد لرينو

[Ahmed Selim]

ألف مبروك عليك العربية ربنا يديك خيرها و يكفيك شرها إن شاء الله.

أنا نفس الموقف حصل معايا فى الميجان و رحت عند أدريان و ركبت الباركنج سنسور و عمر ما حد علق عليه سواء فى المقطم أو العبور أو الميكانيكيون.

[sam_mashtooly]

هو بتاع المبيعات قالى كدة برده بس انا بصراحة خايف و شايف ان الناس كمان مختلفة اوى فى الموضوع مش عارف اعمل اية ؟؟؟؟؟؟؟؟؟؟؟

[mohaakotb]

انا سألتهم قبل كده علي صفحتهم في الفيس بوك قالو بيركبو نوع كده مش اصلي سعره ب 250 وبيركبوه ب 300 ....

[sam_mashtooly]

انا سألتهم قبل كده علي صفحتهم في الفيس بوك قالو بيركبو نوع كده مش اصلي سعره ب 250 وبيركبوه ب 300 ....

معقولة يعنى الموضوع كله على بعضوا فى التوكيل يتكلف 550 جنية ................ اكيد الكلام دا يا باشا وشكرا على الاهتمام

[mohaakotb]

اه ممكن تسألهم علي صفحتهم في الفيس بوك وتتأكد بنفسك .. او كلمهم علي 16202 واستفسر عن اللي انت عايزه

[sam_mashtooly]

اه ممكن تسألهم علي صفحتهم في الفيس بوك وتتأكد بنفسك .. او كلمهم علي 16202 واستفسر عن اللي انت عايزه

الف شكر على النصيحة يا باشا انا فعلا سالتهم على الفيس بوك ورد على الادمن وقالى الجهاز ب 250 و التركيب 450 شامل الضريبة لكن اللوجان التركيب 300

و الف شكر مرة تانية على النصيحة

[mohaakotb]

لا شطر علي واجب :)

[azkalany]

لو سمحتوا ممكن اللينك بتاع صفحة الفيس بوك

[alu]

يا باشا ارى انة من الافضل تركيبه فى التوكيل الفرق مش كبير وعلشان لو حصل مشكله بعد كده فى اى حاجه لاقدر الله ميقلوش دا ناتج عن التلاعب بضفيرة الكهرباء خارج التوكيل