رجاء المساعدة

[aassdd]

يا جماعة العربية الميجان الي كونت هاشتريها طلعت رشة دواخل وخلاص مشهشتريها ولكن ممكن الي يعرف موقع زي car100100 يقلي علية علشن انا الفترة الي فاتت قربت قوي من الميجان وعجبتني ومش هشتري غيرها مع العلم انها مكنتش في دماغي والي يعرف اي طريق للسيارات المستعملة الميجان بس كسر زيرو يقلي ياريت

[aassdd]

يا جماعة انا زعلان اوي وكنت معشم نفسي اني همتلك عربية حلوة كدا ونا بصراحة تعبت وفكرت اشتري نيسان صني زيرو واريح نفسي بس فرق السما من العما

[momo10000]

شوف موقع الوسيط علي النت ....وموقع كونتكت علي النت واتصل بمبيعات المقطم واسئل علي احمد

طعيمة واسئلوا علي مستعمل لان كتير قوي من العملاء بيغيروا الموديلات سنة بسنة.

ونصيحة مني اوعي تجيب غير الميجان

[aassdd]

شكراً يا مومو بس انا اعرف ان المسئول عن المستعمل في المقطم اسمو استاذ رضا ولما رحتلو ملئتش عندو غير وحدة 2005 مش كاملة ومداس علية جامد (تقريباً صحبها اتعلم عليها السواقة ) وانا ليسا بتابع معاة لعالا وعسي

[limo]

البيع والشراء ده نصيب
بمعنى انك تسلك كل الطرق سواء كانت وسيط او اهرام او مواقع بيع السيارات
انت مثلا ماشى فى الشارع ولقيت عربيه مكتوب عليها للبيع مكسلش تشوفها جايز ده يكون فيها النصيب

موقع زى كار 100 100 تقريبا كل العربيات الى متصوره فيه فى سوق العاشر واغلبها تجار وللاسف نادرا جدا لما تاخذ عربيه نظيفه من تاجر
بس برضو دور فيه
-الوسيط بتاع النت افتحه يوم الخميس او الاربعاء علشان لو فيه عربيه لقطه تلحقها قبل ما الوسيط يتوزع على التجار والناس يوم الجمعه والعربيه تتلقط

ربنا يوفقك وتلاقى العربيه الى نفسك فيها