نايل موترز يحسم قرارى فى شراء رينو كليو

[limo]

سؤال تانى ازاى تيل فرامل امامى ب 900 جنية يا ليمو؟

صيانه ال 20 الف كم ب645 ج م
والتيل ب220 جم
والباقى ضريبه او مصنعيه على التيل مش فاكر

[أبو عبدالله]

على فكرة هقولكم على شى لطيف جدأ لحظت ان فية علاقة عاطفية بتحصل بين الانسان و العربية سواء بلكراهية الشديدة زى حالة اخونا ابو عبدالله كدة لدارجة انو لو شاف كليو راكنة فى الشارع هيولع فى تانك البنزين وفى حالة تانية بنشوف فيها واحد ف حالة عشق معا عربيتة و تلقية مينمش لو حصلها حاجة و دايمان يدافع عنها بمنتهى الشراسة و يبقى شايف انها احسن عربية فى العالم شرق و غرب و بتوصل ان هوا بيسميها و يدلعها و يتكلم معاها وكمان ممكن تلا قية بيطبطب عليها.
السؤال: ازاى تعمل علاقة عاطفية مرهفة بلشكل دة معى جماد من غير روح؟

الله يسامحك ضحكتني

بس الموضوع مش كده خالص مش معنى اني بقول عليها كده اني هولع فيها يعني

الموضوع اني شايف العذاب اللي فيه قريبي والله انا مضايقله جدا لأنه عزيز عليا
ولكن المسألة ازاي انا ابقى شايف الكلام ده ومش اقوله لأي واحد بيسأل على العربيه
ما هو صدقني هو لو كان يعرف انها هتعمل معاه كده مكنشي اشتراها نهائي

العربيه لها مميزات اكيد واول مميزاتها ماتورها بجد جميل جدا
ولكن العيوب اكتر بصراحه من اول الحجم الداخلي بالذات في الخلف ضيق جدا
واسعار الصيانة المبالغ فيها بالنسبة لفئة السيارة ومثيلاتها في السوق
وكمان العفشه ناشفه عن الطبيعي

وفي النهاية انا برأت ذمتي واللي عاوز يشتري ... يشتري علشان ميلومشي الا نفسه

[Chicco]

العربية بصراحة فيها مميزات أكتر بكتير من العيوب ....أهم ميزة في رأيي أن التوكيل من أحسن التوكيلات في مصر .....عربية كاداء و وضعية قيادة متميزة في فئتها .....أمان عالي و تصنيع و تقفيل محترم ....ثبات على سرعات و أجهزة تعليق خدمة شاقة تناسب الطرق المصرية (عشان كده العفشة ناشفة زاي ما بيقولوا) شنطة خلفية واسعة جدا على حساب الكنبة الخلفية ....مثالية لاسرة صغيرة ....بس الكنبة الخلفية مش ضيقة أوي كده ....أنا قعدت فيها كتير و كانت معقولة
أخيرا لو كل واحد قرر ما يشتريش عربية عشان فيها عيوب ما كنش حد جاب عربية .....الفكرة كلها نقارن المميزات و العيوب و ناخد القرار حسب إحتياجاتنا الشخصية
أتوكل على الله يا باشا و ألف مبروك مقدما مرة تانية :)

[shikkobikko]

فعلا ما شاء الله العربية ممتازة و توكيلها من افضل التوكيلات و اكثرهم انظباطا فى مصر. و فعلا صيانتها مش بالاسعار الى البعض ذكرها هنا على الاطلاق.

[charming]

أخيرا لو كل واحد قرر ما يشتريش عربية عشان فيها عيوب ما كنش حد جاب عربية .....الفكرة كلها نقارن المميزات و العيوب و ناخد القرار حسب إحتياجاتنا الشخصية
أتوكل على الله يا باشا و ألف مبروك مقدما مرة تانية :)

انا موافقق 100%

الله يسامحك ضحكتني

بس الموضوع مش كده خالص مش معنى اني بقول عليها كده اني هولع فيها يعني

الموضوع اني شايف العذاب اللي فيه قريبي والله انا مضايقله جدا لأنه عزيز عليا
ولكن المسألة ازاي انا ابقى شايف الكلام ده ومش اقوله لأي واحد بيسأل على العربيه
ما هو صدقني هو لو كان يعرف انها هتعمل معاه كده مكنشي اشتراها نهائي

العربيه لها مميزات اكيد واول مميزاتها ماتورها بجد جميل جدا
ولكن العيوب اكتر بصراحه من اول الحجم الداخلي بالذات في الخلف ضيق جدا
واسعار الصيانة المبالغ فيها بالنسبة لفئة السيارة ومثيلاتها في السوق
وكمان العفشه ناشفه عن الطبيعي

وفي النهاية انا برأت ذمتي واللي عاوز يشتري ... يشتري علشان ميلومشي الا نفسه

ابو عبدالله هوا من ساعت السخان اللى مكنش عايز يدخل فى الشنطة وانتا واخد منها موقف;)
انا عارف طبعا يا ابو عبدالله انك بتقول رئيك الشخصى بأخلاص بنأن على تجربتك مع العربية وليك منى كل تقدير
وعلى فكرة لحد دلوقتى قرارى فى شراء العربية هو بردو نتيجة لارأكم المخلصة لاكن وقت نزول السوق اكيد هوا هيكون الفيصل

[د.اشرف هنداوى]

15000 صيانه عربيه ززززيرو في 3 سنوات ؟؟؟
هذا الكلام لا يصدر الا من ابو عبدالله عاشق الكليو !!!!!

و الكنبه الخلفيه مش ضيقه اوووى و لا حاجه

[أبو عبدالله]

يا جماعه صصيانة دي مش معناها صيانه عاديه لأ
انما صيانة بعيوب في العربيه
يعني لما تضربلك اكتر من مشوار للتوكيل على نفس العيب ده غير اعطال والعربيه تقف وونش يشيل والكلام ده كله

هو ده المقصد من الفلوس + الحاجات اللي بتبوظ بره الفترة بتاعتها اللي معلن عنها في التوكيل
زي مثلا في خرطوم عبارة عن حاجه زي القماش كده بياخد الهواه للفلتر بتاع الماتور ده فك لوحده بدون ما احد يجي جمبه
ومش فك معناها انه فك من مكانه
لأ
انما هو عامل زي شاش ملفوف على سلك
ده بقه فك اللفه دي لوحده
حاجات زي كده ولكن انا مش همسك كل حاجه لوحدها وامسك كل نقطه علشان اقنع حد
انا بتكلم بمجمل ولازلت على رايي بما شاهدته من العربيه
العربيه ضيقه من الخلف ومن يعترض على ذلك بانصحه يجيبلي عربيه مثيله من نفس الفئة بهذا الضيق الخلفي
القاعدة غير مريحه بالمره وبرضه اللي معترض يجرب عربيات تانيه وهو يعرف
ده والله ثم والله كان فيه فيديو بس مش عارف الاقيه تاني لكليو طالعه من نفق في فرنسا تقريبا المهم الراجل خبط بجمب العربيه في الرصيف راحت العربيه لفت والله الراجل اللي جمب السواق وقع من شباك العربيه
انتم متخيلين ان الواحد يتنطر من شباك العربيه علشان العربيه لفت

وده شئ انا كنت متوقعه لأن لما بتركب في الكليو من الامام بتحس انك راكب فوق الشباك بتاع الباب

الرؤية للزجاج الامامي رخمه جدا جدا ضيقه قوي
مسألة ان الدركسيون ثابت دي مستفزة وبتحسسني اني سايق اتوبيس او عربيه نقل وانا معلق ايدي علشان امسك الدركسيون وهو عالي كده

[Chicco]

أبو عبد الله باشا واضح أن تجربتك مع عربية قريبيك كنت سيئة جدا لدرجة انك مش مصدق حد من ملاكها و فيهم اللي العربية معاه بقالها ٦ سنين و أكتر

الكليو زاي أي عربية في الكون فيها مميزات و عيوب ...تجربة قريبك كنت سيئة بس هو نفسه احتفظ بالعربية و ما بعهاش زاي ما فهمت من كلامك

بقية الملاك في المنتدى كلهم بيشكروا في العربية ....لا عيوب تصنيع و لا مشاكل في التوكيل و لا القيادة و لا الأمان ....حتى الرفارف الفبر ما حدش اشتكي منها

وضعية القيادة مريحة جدا و أنا جربت عربيات كتير و في كل الفئات ...جوا مصر و بره مصر

الكنبة الخلفية مش ضيقة للدرجة ديه و بتدي قصادها شنطة كبيرة جدا ....بصراحة أنا مش فاهم ليه حضرتك مصمم تحذر الناس منها عشان تجربة فردية .......قولي عربية واحدة من غير عيوب الناس كلها اتفقت عليها ...ما فيش مش كده

[Sharky]

أبو عبد الله ما إحنا قولنا واضح إن تجربة عبية قريبك دا حالة فردية رغم إحتفاظة بها أكتر من ثلاث سنوات لإن كل مالكى كليو هنا فى المنتدى بيشكروا فيها و محصلهمش او دفعوا ربع المبلغ إللى قريبك دفعوا و رغم كده فضل محتفظ بيها !!

يا أبو عبدالله دا أنا فى الميجان و الحمد لله مادفعتش ربع المبلغ دا قى صيانة أو إصلاح فى 3 سنوات برضه

[أبو عبدالله]

يا جماعه والله انتم بتردوا على نفسكم في الكلام
هو مبيعرفشي يبيعها لأنه ببساطة غير الأسباب اللي انا ذكرتها من قبل
ان الموضوع هيقف معاه بخسارة انه يبيعها دلوقتي بأقل من 40 الف وهو صارف عليها كتير جدا ومش هيعرف يجيب عربيه جديده تانيه بالسعر اللي هيبيع به الكليو دلوقتي
علشان كده انا قولت من الأول انها صافقه غير رابحة

وبعدين خلتوها تجربه فرديه
وغيري تجربه فرديه وغيري تجربه فرديه وهو ده سبب الأشاعات انها تجارب فرديه
طيب ما الناس كلها بتتكلم على عيوب الرينو واحنا نقول اشاعات
طيب ما في مشاكل اهه نقول حالات فرديه
والله يا أخواني انا لا اتكلم بتحييز
انا اكتر من واحد كلموني على عيوب في الميجان كهرباء
وده اللي انا شوفته في الكليو بعيني ومحدش قالي

فمينفعش نقعد نقول دي اشاعات وحالات فردية

[Chicco]

فيه موضوع بحاله معمول في قسم رينو على عيوب الميجان من ملاكها دون الدخول في تهويلات و اشاعات
و المنتدى أهو ما شاء الله مليان ناس .....كام واحد اشتكي من كليو ؟

[أبو عبدالله]

فيه موضوع بحاله معمول في قسم رينو على عيوب الميجان من ملاكها دون الدخول في تهويلات و اشاعات
و المنتدى أهو ما شاء الله مليان ناس .....كام واحد اشتكي من كليو ؟

يعني هو ده الحل

حضرتك اللي عامل المواضيع دي اللي هما محبي لرينو حتى لو فيها عيوب هتبقى جميله على قلبهم

ما هو حضرتك بتدافع عن قاعدة السواقة وضيق الكنبة الخلفية لها
ما انهم مفيهمش جدال لأنهم واضحين جدا
اذا كان اللي بيقعد في الامام قاعدته مش مريحه لو رجليه طويله حبتين وكمان ركبته بتبقى امام التابلوه
يعني قاعده مش مريحه بالمره ولو خبطه جامده من الامام رجل الواحد ممكن تتكسر في التابلوه لا قدر الله

يعني مش مقياس

بلاش عيوب الكهرباء والحاجات دي

انا هقولك بس اقرا العيوب اللي مكتوبه هنا في الرفيوهات دي من ماكلي السيارة وفي اوروبا وليس مصر بس
علشان نشوف الأشاعات عندنا زي اللي عندهم ونشوف مصدرها ايه

الكليو هنا

الميجان هنا



وكلام اكتر من واحد من مصر هنا كمان وبيقولي مش هيشتروا من الصانع ده مره تانيه
يعني شوف لدرجه ايه

الأول

الثاني


الثالث




-------------------------------------------------

[Chicco]

يعني هو ده الحل

حضرتك اللي عامل المواضيع دي اللي هما محبي لرينو حتى لو فيها عيوب هتبقى جميله على قلبهم

امال حضرتك شايف أن ملاك العربية ما ناخدش رأيهم عشان متحيزين و ناخد رأي الناس التانية ؟!!!!!

انا هقولك بس اقرا العيوب اللي مكتوبه هنا في الرفيوهات دي من ماكلي السيارة وفي اوروبا وليس مصر بس
علشان نشوف الأشاعات عندنا زي اللي عندهم ونشوف مصدرها ايه

الكليو هنا

الميجان هنا

اللنكات اللي حضرتك حاطتها الأغلبية بتشكر في رينو ....حضرتك مختار الناس اللي بتشكو و بتستشهد بيهم و سايب الناس اللي بتشكر
هو في عربية في الدنيا حيجمع عليها الناس كلها ؟!!!!
حتى الناس اللي بتشتكي ...اللنك التالت اللي حضرتك جيبه بص قايل أيه

"I would recommend this car since it is quite handy and offers the best luxuries in its class"

ده اللي بيشتكي امال المبسوط حيقول أيه ؟!!!!!!!!!!!!!!!!!!!!!!!!


و للمرة الألف وضعية القيادة في الكليو جيدة و بمقارنة عربيات في فئات أعلى ...جوا مصر و بره مصر
الكنبة الورانية مش ضيقة للدرجة اللي حضرتك مصورها بالنسبة لعربية في الفئة ديه و على حساب شنطة كبيرة جدا لعربية في الفئة ديه

[Sharky]

نفسى يا أبو عبدالله تقولى إيه هيا عيوب الكهرباء الموجودة فى الميجان إللى حضرتك مصمم عليها و إللى دلوقتى ملاكها ماإكتشفوهاش !!!

يا أبو عبدالله راجع أراء ملاك رينو فى عربياتهم فى المنتدى

و إزاى قريبك عنده إستعداد يدفع فلوس زيادة و ماعندوش إستعداد يبيع العربية بخسارة
دا معروف إن خسارة قريبة دلوقتى أحسن من إنه يقعد يدفع فلوس و فى نفس الوقت مش عارف يصلح العيب إللى فيها إللى سبب له حادثه

ويعنى عنده إستعدا يدفع المبلغ دا و مابيخسرش فى بيعها إزاى !!!

[Sharky]

على فكرة دا رأى واحد من اللينكات إللى حضرتك حاططها

like it's interior so isolated from the outside and comfortable too...
The card key is amazing...
I also like the roomy interiors and all its compartments including its big trunk.
It's nice to drive it fast, and manages well the curves...
It has a nice acceleration...
I miss an arm rest in the middle...
Love the design... its looks. .