محدش ياخد الفلوينس ويدينا مكانها مروحه

[engtmk]

ايوووووووه زي ماالعنوان بيقول

انا زهقت منها العربيه 2011 بقالها 8 شهور هامووووووووووووووت واصلح التكييف
النهارده في صيانه 15000 يقولي ايه العربيه عايزه تيل امامي


قلتله لا مش دافع ومش عايزه مش كل مره اجي ادفع ادفع

صلحلي التكييف
بعد ماخلصوا قالي التكييف كان عايز ظبط فريون


والللللللله العظيم وانا راجع انا بشر عرق وهو علي اعلي حاجه يبقي العيب في ايه
انا زههههههههههههههههههقت منها ونفسي فعلا اخلص منها حاجه تعل

[crayvor]

ايوووووووه زي ماالعنوان بيقول

انا زهقت منها العربيه 2011 بقالها 8 شهور هامووووووووووووووت واصلح التكييف
النهارده في صيانه 15000 يقولي ايه العربيه عايزه تيل امامي


قلتله لا مش دافع ومش عايزه مش كل مره اجي ادفع ادفع

صلحلي التكييف
بعد ماخلصوا قالي التكييف كان عايز ظبط فريون


والللللللله العظيم وانا راجع انا بشر عرق وهو علي اعلي حاجه يبقي العيب في ايه
انا زههههههههههههههههههقت منها ونفسي فعلا اخلص منها حاجه تعل

90% من الفنيين في مصر مش بيخلصو شغلهم علي مرة واحدة.. كان لازم تعلي حسك لغاية ما يجيلك واحد كبير في التوكيل وكانو حايخلصوهالك وقتي..

ع العموم أنا مش فاهم ضبط فريون معناها ضبط المحبس يبقي دور ع المحبس فين وافتحه للآخر.. ولا قصدهم تتشحن فريون م الأول تاني؟ وهم مش كا توكيل ملزمين يظبطولك الفريون؟

حضرتك روح تاني وماتمشيش ولا تزحزح العربية من مكانها قبل ما تخلص.. أي توكيل في مصر شغال كدة

[amr mokhtar]

طيب ما تجرب تروح لحد محترم بتاع تكييف
مش لازم يشتغل فى العربية بس على الأقل حد يقدر يشخص العيب فين

احيانآ بتكون مشكلة صيانة التكييف فى التوكيلات بتكون بسبب ان مفيش حد "متخصص" فى التكييفات فبيبقى أخرهم يشحن فريون او يغير قطعة بقطعة تانية و خلاص

[engtmk]

90% من الفنيين في مصر مش بيخلصو شغلهم علي مرة واحدة.. كان لازم تعلي حسك لغاية ما يجيلك واحد كبير في التوكيل وكانو حايخلصوهالك وقتي..

ع العموم أنا مش فاهم ضبط فريون معناها ضبط المحبس يبقي دور ع المحبس فين وافتحه للآخر.. ولا قصدهم تتشحن فريون م الأول تاني؟ وهم مش كا توكيل ملزمين يظبطولك الفريون؟

حضرتك روح تاني وماتمشيش ولا تزحزح العربية من مكانها قبل ما تخلص.. أي توكيل في مصر شغال كدة

والله عليت واتنططت وجالي الضغط

انا تقريبا بقيت عميل التكييييييييييييف الاول في رينو

عارف ايه المشكله لما تبقي عربيه كويسه وانت سعيد بيها

وبعدين تلاقي مسمار جحا زي ده يخليك تكره حياتك وتلاقي ردود غريبه ومستفزه زي تلاقيك بتركن تحت شجره

التراب هنعمل ايه.

يعني اعمل ايه الفها في سلوفان عشان التراب

في النهايه لا يسعنا الا ان اقول كلمه المصريين الاولي

حسبـــــــــــــــــــــــــــــــــــــــــــــــ ـــــــــــــــــــي الله ونعم الوكيل

[engtmk]

طيب ما تجرب تروح لحد محترم بتاع تكييف
مش لازم يشتغل فى العربية بس على الأقل حد يقدر يشخص العيب فين

احيانآ بتكون مشكلة صيانة التكييف فى التوكيلات بتكون بسبب ان مفيش حد "متخصص" فى التكييفات فبيبقى أخرهم يشحن فريون او يغير قطعة بقطعة تانية و خلاص

ماهي المشكله انه لو فك حاجه غلط او كسرها بدون قصد او قلي العيب تصليحه تغيير كذا


هيقولوا الضمان راح (وانا بصراحه بقه كل الا الضمان ) ياخدو الضمان واقعده انا من غير ضمان ولا ايه

كل ماغير حاجه في العربيه يقولي مستهلكات بس بردو الضمان مهم سيبك انت

فكرني بالمسرحيه مش معاك القايمه نام عليها

[medododo]

اكتب علي صفحتهم في الفيس بوك وحاول تراسل الشركة العالمية

[engtmk]

اكتب علي صفحتهم في الفيس بوك وحاول تراسل الشركة العالمية

عارف انا في الاول قلت جايز احساس وديه تكييف اوروبي ضعيف سنه وبتاع رغم اني ركبت اوروبي وعمره ماكان بالضعف ده.

قريت موضوع هنا علي مراوح الكمبروسور وانها مش بتسقع كويس في الشمس والوقفه

بس فعلا الموضوع عندي هيبقي صعب اوي في الحر اللي هنبقي فيه

هحاول اكتب لهم علي صفحتهم وربنا يسهل

[engtmk]

كلمتهم علي الفيس وقالولي ابعت تليفونك ورقم الشاسيه وحد هيكلمك اديني مستني ربنا يكرم وتنحل المشكله :b4_556:

[hany63]

بص حضرتك مبدئيا روح محطة بنزين وسلط هوا على السربنتيته من الخارج و بعدين ميه بقوة دفع وشوف النتيجه المفروض الدنيا تتحسن
و لو غلبوك في التوكيل ممكن ادلك على واحد شاطر يعملهولك ومش هيأثر على الضمان كانت السربنتينه اتخرمت و العربيه زيرو وطلبوا 4000 جنيه خلص لي الليه ب150 جنيه و التكييف تلاجه لدرجة اني عايزه يسخن ومش عارف

[lol86]

هل هو عرض ام لا وهل العرض سارى اختار انت نوع المروحة وانا جاهز

[jackson_75]

ربنا معاك ويوفقك لما فيه الخير , الأخوة الأفاضل والله ما قصروا فى شىء
أستشير برضوا الأستاذ bukla وهو من مالكى هذه السيارة وعنده فيها خبرة كبيرة وأنسان محترم جداً
أكيد أن شاء الله هاتوصل معاه لنتيجة

[Amr_Moh]

ربنا يوفقك لما فيه الخير
لو مش عايزها وحتبيع احنا هنا أولى
أنهي فئة وبكام

[engtmk]

ربنا يوفقك لما فيه الخير
لو مش عايزها وحتبيع احنا هنا أولى
أنهي فئة وبكام

فئه اول واتوماتيك عرضتها للبيع واكتشفت التالي


هاخسر 45000 بالتمام والكمال هما اجمالي المقدم واقساط 6 شهور غير التامين والصيانات فبصراحه انا مش بلاقي فلوسي في الارض فصرفت نظر عن بيعها او استبدالها

[alumni]

والله انا مش عارف اقول اية بس ربنا معاك يارب انا بردة كان معايا واحدة و هما ال 8 شهور و الله والله و بعتها و مش ندمان عليها خالص تكيف زفت و فتيس زفت و مفيش اى سحب من الموتور و كانى راكب عربية موديل 80 بس فى توب 2011 الحمد لله انى بعتها بجد و ربنا معاك بس نصيحة لو مش هتبيع اوعا تسيب التوكيل اديهم بالجزمة بهدلهم و مسخرهم دى نصيحة لوجة الله علشان دول الكلمة الوحيدة اللى عندهم العربية زى الفل حضرتك و مفيش حاجة و الجهاز مش متطلع حاجة مفيش حاجة حضرتك جرب و لو فى حاجة تعالى تانى و ادفع بقى ياعم تقولش احنا بنشتغل و ناخد مرتبنا علشان ندى لتوكيل رينو حاجة تقرف بجد انا حاسس بيك و الله و الجو نار ربنا معاك

[amedmado]

محتاج خبير تكييف

بص حضرتك مبدئيا روح محطة بنزين وسلط هوا على السربنتيته من الخارج و بعدين ميه بقوة دفع وشوف النتيجه المفروض الدنيا تتحسن
و لو غلبوك في التوكيل ممكن ادلك على واحد شاطر يعملهولك ومش هيأثر على الضمان كانت السربنتينه اتخرمت و العربيه زيرو وطلبوا 4000 جنيه خلص لي الليه ب150 جنيه و التكييف تلاجه لدرجة اني عايزه يسخن ومش عارف

الأخ الفاضل هانى ياريت تدلنى على المتخصص بتاع التكييف ده عشان انا كمان عندى ميجان 2 موديل 2006 و التكييف مبحسش بيه خالص لما بشغله وقت الذروة من 12 الى 3 ظهرا و نفسى فى تكييف ثلاجه و جزاك الله خيرا