يسعدنى انضمامي لعائلة رينو - وياريت تساعدوني

[colaman]

• فى البدايه احب اشكر كل اعضاء المنتدى على المعلومات القيمة والاستفادة الكبيرة من ارائكم وتعليقاتكم .وياريت تكملوا جميلكم وتساعدونى انا لسة جايب عربية كليو 2005 -1400وعاوز اعرف كل حاجة عن :
• اسعار قطع الغيار الاصلية وغير الاصلية وايه اللى ممكن اركبه تقليد وايه اللى لازم اركبه اصلى عشان احافظ على العربية.
• اماكن شراء قطع غيار مضمونة واسعارها كويسة
• انا كنت ناوي اعمل الصيانة فى مركز معتمد بس فى ناس بتقولى روح لميكانيكى متخصص اوفر
• مكان اطلع فىه نسخة مفتاح بالريموت .
• بالنسبة للزيت افضل نوع زيت احطه للعربية .
• هل لو فى حاجة عاوز اطمن عليه فى العربية زى الطنابير وتيل الفراما المركز يقولى ازا كانوا كويسن ولا لا

انا عارف انى رغاى اوى بس ياريت متنسوش تردوا علية وماتبخلوش علية فى المعلومة

[medohai510]

ألف مبروك و ربنا يكفيك شرها ويعطيك خيرها
أسعار قطع الغيار في التوكيل مثل أي توكيل في مصر مبالغ فيها لكن موجود في المحلات قطع غيار فرنساوي وتركي وصيني وعليك أن تختار ما يناسبك
أماكن شراء قطع الغيار:-
جمال البدري في شارع زكي بوسط البلد
سان جورج بعين شمس
ميشيل حليم مصر الجديدة وشبرا
محمد عاصم وأخرون في شارع دمشق بمصر الجديدة
والمستعمل
زعتر بجسر السويس والحرفيين
الصعيدي وعصام بشطر الحرفيين
عادل ميكانيكي وقطع غيار بصقر قريش المعادي
وممكن تعمل الصيانه خارج التزكيل عند متخصص رينو أوفر فعلاً لكن قطع الغيار أشتري الأصلي
والمفتاح الأحتياطي عند عزب في شارع السودان أو عز بشارع النصر أمام قسم مدينة نصر في حدود 150 جم
أنا بتعامل مع واحد أسمة عويس في النعام بحلمية الزيتون متخصص فرامل فقط والله الموفق

[figoo2001010]

ألف مبروك و ربنا يكفيك شرها ويعطيك خيرها
أسعار قطع الغيار في التوكيل مثل أي توكيل في مصر مبالغ فيها لكن موجود في المحلات قطع غيار فرنساوي وتركي وصيني وعليك أن تختار ما يناسبك
أماكن شراء قطع الغيار:-
جمال البدري في شارع زكي بوسط البلد
سان جورج بعين شمس
ميشيل حليم مصر الجديدة وشبرا
محمد عاصم وأخرون في شارع دمشق بمصر الجديدة
والمستعمل
زعتر بجسر السويس والحرفيين
الصعيدي وعصام بشطر الحرفيين
عادل ميكانيكي وقطع غيار بصقر قريش المعادي
وممكن تعمل الصيانه خارج التزكيل عند متخصص رينو أوفر فعلاً لكن قطع الغيار أشتري الأصلي
والمفتاح الأحتياطي عند عزب في شارع السودان أو عز بشارع النصر أمام قسم مدينة نصر في حدود 150 جم
أنا بتعامل مع واحد أسمة عويس في النعام بحلمية الزيتون متخصص فرامل فقط والله الموفق

+++++1

[colaman]

شكرا ليك استاذ ميدو على تعاونك وزوقك انا تعبتك معايابس بالنسبة للمفتاح انا سالت فى عزب اقلى 650 جم وحسيت الدنيا بتلف بية مفتاح ب650 جم كتير اوى وبعدين عادل الميكانيكى هل قطع غياره اصلى وسعرها كويس ولا ممكن عشان ميكانيكى يخمني وهل هو كويس وبيفهم ولا هيخرب ابوها عشان انا ليه قصص مع الميكانيكية فى عربيتى القديمة وبكرههم كره العمى مش عاوز اقولك انى بعت العربية بسبب ميكانيكى .
وبعدين حضرتك مشكور قلتلى على قطع غيار مستعمل هل بتبقى كويسة

[colaman]

وبعدين متخصصى رينو تقصد بيهم مراكز الصيانة المعتمدى زى فرنش موتورز ولا قصدك ميكانيكية كانوا شغالين فى التوكيل وفاتحين ورش برة مش مراكز

[medohai510]

يا باشا لا شكر علي واجب
عادل ميكانيكي محترم وثقة وفي ناس في المنتدي هنا تعاملوا معاه وأكدوا الكلام دة
وعلي فكرة في حاجات المستعمل فيها أحسن 1000 مرة من الجديد لكن بعد أما تشور حد ثقة وتشتري من مكان محترم
وبالنسبة للمفتاح عند عزب 650 ممكن سعر المفتاح الريموت كنترول وليس المفتاح العادي وهو دة سعرة فعلاً لكن أنت ممكن تعمل واحد يفتح الباب عادي وليس بالريموت كنترول ويدور العرببة بــ150 فقط

[old4art]

ياريت يا ميدو باشا تقولي علي الميكانيكي الي في صقر قريش وياريت رقمه وهل عنده كمبيوتر
كشف اعطال وياريت كمان لو كهربائي انا لسه شتري رينو كليو 2004 1200cc

[old4art]

السلام عليكم ورحمة الله وبركاته
عاوز اوصل لعادل الي فى صقر قريش

[bondok20002002]

مكان عادل فين بالظبط ف صقر

[old4art]

السلام عليكم ورحمة الله وبركاته
بص انا الحمد لله قدرت اوصل لرقم تليفونه عن طريق احد المشاركات هنا بس
01001718256
واسمه عادل زوايا

[bondok20002002]

شكرا ليك والله

[old4art]

السلام عليكم ورحمة الله وبركاته
اى خدمه ياباشا
لو هتروحله ابقى قول هتروح امتى ونبقا نروح مع بعض ولو رحت احكيلى ايه الاخبار