الفلوينس بقت ميري

[engtmk]

وانا في خضم معمه صيانتي الاخيره لقيت ايه فلوينس سودا مش عليها نمر

المهم بصيت شويه عليها لقيت نمر شرطه محطوطه علي التابلوه واللي سايقها فرد من بتوع الداخليه .

بالشفا

[sam_mashtooly]

يا نهار ................ ابيض انا شوفت اليوم لوجان اظهار رينو بتستهبل

[engtmk]

ياعم توكيل رينو بعد كام شهر هيبقي ورش الداخليه للصيانه والاصلاح انا كنت في توكيل العبور ولقيت 5 ولا 6 عربيات داخليه لوجان وميجان والفلوينس

ناقص الداستر وديه ممكن القيها علي الزياره اللي جايه ان شاء الله

[hossam_elwani]

ياجماعه bmw الفئه الثالثه فى اسكندريه شرطة مرور شوفتها بعينى ..........

[azkalany]

بيتهيألي دا دليل علي ان العربية كويسة، ولا ايه ؟؟؟

[msafa]

ل دليل ان بلدك بتتسرق

[تامر.محمد]

انا شفت كذا ميجان سودا مانيوال لما كنت هناك برده داخلية
و بيسوقها مخبر هههههههههه

[RedBull_30]

هو المفروض من وجهة نظركم سيارات الشرطة تكون ايه ؟؟
يا ترى لما بتشوفوها سيارات تويوتا نسف نقل او شيفروليه ده بيرضيكم ؟
انا متأكد ان اغلبية من مستخدمي المنتدى بيتفرج على القنوات الفضائية و بيشوف افلام الاكشن وأكيد شاف سيارات الشرطة شكلها ايه .. يا جماعه في دولة خليجية من ضمن سيارات الشرطة فيها سيارات لامبورجيني وبيبقى فوقها هليكوبتر بتديله الاتجاهات في حالات المطاردة.
الدولة دي بتقول : نحن ابتدينا من حيث انتهى الآخرون , وبتشاور على مصر لما بتقول المقولة دي ..
بالنسبة بقى لسيارات ال 1600 cc ما هي هناك الا سيارات توصيل طلبات المطاعم و تعليم القيادة ..
و للعملم نفس الدولة الخليجية لا تسمح بدخول السيارات القوية لاستخدام الجماهير الا بعدما تقوم بتعديل او تغيير سيارات الشرطة بحيث تكون سيارات الشرطة اقوى منها ..
انا كنت حزين جدا لما شوفت بعض سيارات الشرطة في مصر من صنع الصين و كنت في غاية سعادتي لما شوفت منها بي ام دبليو

[ashouhdy]

اسكندرية كلها سبيرانزا تيجو 2000سى سى

[engtmk]

هو المفروض من وجهة نظركم سيارات الشرطة تكون ايه ؟؟
يا ترى لما بتشوفوها سيارات تويوتا نسف نقل او شيفروليه ده بيرضيكم ؟
انا متأكد ان اغلبية من مستخدمي المنتدى بيتفرج على القنوات الفضائية و بيشوف افلام الاكشن وأكيد شاف سيارات الشرطة شكلها ايه .. يا جماعه في دولة خليجية من ضمن سيارات الشرطة فيها سيارات لامبورجيني وبيبقى فوقها هليكوبتر بتديله الاتجاهات في حالات المطاردة.
الدولة دي بتقول : نحن ابتدينا من حيث انتهى الآخرون , وبتشاور على مصر لما بتقول المقولة دي ..
بالنسبة بقى لسيارات ال 1600 cc ما هي هناك الا سيارات توصيل طلبات المطاعم و تعليم القيادة ..
و للعملم نفس الدولة الخليجية لا تسمح بدخول السيارات القوية لاستخدام الجماهير الا بعدما تقوم بتعديل او تغيير سيارات الشرطة بحيث تكون سيارات الشرطة اقوى منها ..
انا كنت حزين جدا لما شوفت بعض سيارات الشرطة في مصر من صنع الصين و كنت في غاية سعادتي لما شوفت منها بي ام دبليو

بص هو في الدول المحترمه ان العربيات الرسميه بتكون من عربيات انتاج الدوله يعني فرنسا هتلاقيها بيجو وغيرها

امريكا هتلاقي الفورد وسلالتهم. مش هتلاقي عربيه شرطه امريكيه هوندا ولا بي ام فهو ده المفروض في حالات الدول زي حالتنا فمش هتفرق انا مشكلتي ان الاخوه الافاضل سواقين الداخليه بيعاملوا العربيات كانها حمير وبتستخدم في غير خدمه البلد يعني توصيلات وغيره.

فعشان كده بنتحسر علي شباب العربيات اللي هيروح هدر
موضوع دول الخليح فالعربيه اللمبورجيني ديه دعايه سياحيه اكتر منها عربيه فعليه وكان فيه عربيه فورميلا وان في دبي شرطه نفس الفكره دعايه مش اكتر.

ومش شرط عربيه الشرطه تكون اقوي عربيه في الوجود لانه مفروض يكون واخد دروس سواقه معينه مخصصه يتعلم فيها ازايا يوقف عربيه ازايا يطارد عربيه الي جانب اعتماده علي الكماين واساليب تانيه مساعده

الموضوع مش عربيتين بيشدوا مع بعض باللاسلكي ممكن يوقف لك الطريق

وعلي كل يارب يجيبوا احسن عربيات ويستخدموها بس لشغل الشرطه وبس متبقاش لتوصيل الهانم وتجيب العيال من المدرسه

[MIVEC.A92]

ايام الهيصة و الظيطة, شفت أحمد نظيف في طريق مصر اسكندرية الصحراوي الموكب بتاعت في بتاع 20-30 عربية تويوتا كامري شرطة. غير ال جيب و الموتسيكلات ال bmw. و قفلوا البوابة علينا عشان حضرته يعدي.

و مرة شفت عربية بوكس دودج رام بعد الثورة