مشكلة فى فتيس ميجان 1

[muby]

السلام عليكم

برجاء مساعدتى من اهل الخبرة حيث كان عندى مشكلة ناتشة فى الفتيس تظهر بعد ساعة زمن من السير و تظهر عندما اقف فى اشارة و ابدء بالتحرك مرة اخرى و تنتش مع الغيار الاول مع وجود تفويتة عند النقل الى الغيار الثانى ( اى الغيار الثانى لا يلقط بسرعة و يعلى معه ال rpm ثم ينقل اليه) فعملت عمرة فتيس و غيرت شنابر, و سلونايد فالف و زيت فتيس فقط و اختفت مشكلة الناتشة و لكن تفويتة الغيار الثانى مازالت موجودة ,,, الى ان مرة كنت طالع بقرس و مع تفويتة الغيار الثانى لم يلقط باسرعة الكافية و ظهرت الناتشة مرة اخرى...

المشاكل الموجودة حاليا :-
1- الناتشة
2- التفويتة عند النقل الى الغيار الثانى ( اى الغيار الثانى لا يلقط بسرعة و يعلى معه ال rpm ثم ينقل اليه)
3- عند القرص الغيار يسقط و تنور لمبة الجير بوكس

برجاء إفادتى اذا هل يوجد حل لهذا الفتيس ام لا و لكم جزيل الشكر.

تحياتى

[muby]

ايه يا جماعة .. انتوا فين؟

[diesel25669]

بلاش تصلح الفتيس
ليه يا كبير قطع الغيار اعلي من ثمنه استيراد جرب و شوف و براحتك
فيه واحد عن سوق القنال في ساريع جسر السويس اسمه حسنين زعتر عندو كل حاجتها استيراد من اصغر مسمار حتي اكبر حاجه الفتيس بيعمل في حدود 750 جنيه

[mohamed ic]

اشكرك يا غالى

[mohmmed_yuosse]

750 جنية!!!! الفتيس الاوتوماتيك مش قليل طب تركيبة يتكلف كام؟ انا عندي نفس العبيب

[Ahmed Amin]

فيه واحد عن سوق القنال في ساريع جسر السويس اسمه حسنين زعتر عندو كل حاجتها استيراد من اصغر مسمار حتي اكبر حاجه الفتيس بيعمل في حدود 750 جنيه

فتيس ميجان أتوماتيك ب 750 جنيه ؟!!
يا بلاش ياعم..
هوا هيديله أيه فتيس عجلة ؟؟

[Haytham4ever]

ممكن وصف لمكان حسنين زعتر الي في سوق القناة...

[ahmed_oth]

السلام عليكم


المشاكل الموجودة حاليا :-
1- الناتشة
3- عند القرص الغيار يسقط و تنور لمبة الجير بوكس


تحياتى

يا ترى حليت المشكله ديه ؟؟؟ اصل انا عندى نفس المشكله وفعلا محتار اغيره كله ولا اروح اصلحه وانا وحظى..
ارجو الافاده

[amr_selim]

طب قبل ماتروح اكشف عليها على الجهاز وبص بصه كده على كومبيوتر الفتيس.الي هوه تحت الرفرف

[ahmed_oth]

انا سئلت على الفتيس اوتو ماتيك فى وكاله البلح سعره يتراوح من 2000 الى 3000 ده استيراد ..وانت وشاطرتك فى الفصال

[Ahmed Amin]

انا سئلت على الفتيس اوتو ماتيك فى وكاله البلح سعره يتراوح من 2000 الى 3000 ده استيراد ..وانت وشاطرتك فى الفصال

المشكلة ان الفتيس اللي انت هتجيبه بالسعر دا ممكن يطلع فيه نفس العيب اللي عندك والله أعلم.!

[ahmedesmat1987]

الميجان 1 كلها كده ومتتصلحش.............اسال مجرب......ليا واحد صاحبى عاش نفس اللى انت قولتو دا بالظبط ..وعمل عمره كامله للفتيس وبردو متظبطش وخلاص فكر يشترى فتيس جديد الميكانيكى قالو فى زبون عندنا جربنا على عربيته 16 فتيس على ما قبلت كانو كل ما يركبو فتيس العربيه تطلع تجرب الفتيس يرجع قاطع.....والسبب طبعا ان الفتيس استيراد واللى غيرو سواء جوة مصر او بره مصر اكيد كان بسبب نفس العيب .0 وحاليا صاحبى عرضها للبيع وعايز يخلص منها لانها خلاص فلستو..