Tweet
السلام عليكم انا جبت ميجان 2007 وعايزكم تساعدونى فى إنى أفهم كل حاجة عشان متتعبنيش خصوصا إنى من المنيا والمراكز بعيدة عندى شوية فى القاهرة مبدئيا انا عايز المانيوال بتاعها لو حد ينفع يرفعهولى أقراه ؟ لما بدور الموتور وأرفع الكبوت بلاقى المروحة واقفة مش شغالة هل بتشتغل عند حرارة معينة أنا هبقى أشوف بعد ما امشى بيها ومؤشر الحرارة امتى يبقى مظبوط وامتى يبقى خطر ؟ أزاى اغيرلها زيت قالولى إنه لازم تغيرلها شفط لأنى فتحت الكبوت لقيت صاج من بيحميها دا ممكن يعاكسنى لو جيت أغيره عادى وهل ينفع أنا أغيره ؟ واللمبة الصغيرة فى الفانوس الأمامى شمال اتحرقت منى بعد ما جبتها وصاحبها قالى دى بسيطة أى حد يعرف يغيرها طيب اللمبة دى متوفرة فى كل المحلات ؟ وينفع أنا أفكها وأغيرها ؟ أنا بحب أفك كل حاجة وأركبها أيا كانت معقدة وبحب أعمل كل حاجة بنفسى إلى أكبر قدر ممكن وبالنسبة للفوانيس الخلفية فيها ناموس وذباب ميت مش عارف دخل إزاى جواها ؟ بالنسبة للسى دى مفيهوش مخارج بحيث إنى عايز أشغل يو إس بى إم بى ثرى أعمل أيه عشان أنا مبحبش السى ديهات والقزاز فيه شرخ بسيط من تحت أعمله عند أى حد ولا مش هيأثر ؟ والمرايات بتقفل من الزرار اللى فى الباب لكن مش بتقفل مع السنتر من الريموت ولما بتفتح لو ما سندتهاش بإيديك هتروح خالص منك لورا يبقى كدا هى مش ضم ودى إضافة للعربية مكنتش موجودة فيها ؟ معلش هتعبكم شوية معايا
-
[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE] -
أولاً الف مبروك عليك و ربنا يديك خيرها و يكفيك شرها إن شاء الله.
نيجى لإستفساراتك بقى واحدة واحدة.
1- المانيوال بتاعها هحاول أدورلك عليه عندى و أرفعهولك............و لو أنت دورت فى أهم مواضيع القسم غالباً هتلاقيه.
2- المروحة هتشتغل بعد وصول العربية لدرجة حرارة معينة.
3- الطبيعى بتاع عداد الحرارة هو الشرطة رقم 3 من على اليسار.
4- الزيت بيتغيرلها عادى.........بس بيتفك المصفحة اللى تحت اللى موجودة علشان تحمى الموتور من أى خبطات. اللى قالك لازم شفط ده متتعاملش معاه أحسن لأنه حاجة من الأتنين يا مش فاهم يا مستخسر يتعب و يفك التصفيحة.
5- اللمبة أعتقد هتلاقيها عند أى كهربائى سيارات بس أنا مش فاكر رقمها كام......و ممكن تغيرها بنفسك بس هى غلسة شوية........و هتلاقى موضوع كنت عامله زمان عن كيفية تغييرها.
6- الفوانيس الخلفية ده العادى متقلقش..........عاوز تنضفها ليها طريقة بس أنا مش فاكرها بصراحة.
أعتقد هتفك الفانوس و تجيب خرطوم هوا و تدخله فى فتحة من فتحات اللمبات و المفروض أن أى حاجة تخرج من الفتحة التانية......بس غالباً مش هتعرف تخرج كل اللى جوا.
7- حلك هو وصلة aux و برضه هتلاقى مواضيع كتير عن كيفية عمل الوصلة و كيفية التوصيل.
8- الأزاز أعمله عند أى حد محترم علشان الشرخ ميكبرش.
9- المرايات كده فيها مشكلة.........هى مش مضافة للعربية بس فيها مشكلة.
الفكرة كلها أن كل مراية بيبقى ليها مصد من جوة علشان تقف عنده..........المصد ده غالباً بيبقى بلاستيك و ممكن يتكسر لو حد فتح المراية بأيده أو لو المراية أخدت خبطة..........و هو ده اللى حاصل عندك.
حلها أن حد يكون فاهم فى الميجان بيجيب مسمار طويل شوية و بيسخنه و بيخرم المراية من تحت مكان المصد المكسور و يثبت المسمار بحيث أنه يبقى هو المصد.
لو حد مش عارف ميجان ممكن يبوظلك الموتور بتاع المراية اللى بيخليها تلف......خللى بالك.
و فى الميجان المرايات مش بتضم مع الريموت........من المفتاح بتاعها بس.
ألف مبروك مرة تانية.[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER] -
الف مبروك
ده اللينك بتاع المانيوال للعربيه
بالنسبه لموضوع الكاسيت هات ام بي ثري بفلاشه و حطه مكان الولاعه و ظبط التردد بتاعه مع ال اف ام و ريح دماغك و هيشتغل زي الفل
موضوع المرايه ده اعدي و حصل معايا وروحت المعادي و عملوه هناك ب 10 او 20 جنيه و هي اصلا مش بتقفل مع الالمفتاح زي الفلوينس انت اللي لازم تقفلها .فالو في حد قريب منك بيفهم خاليه يعملهالك علشان هي جديده تمنها 2750 و استيراد ب 800 او 900 فحرام حد يبوظها[COLOR="Blue"]AHMAD RAMADAN[/COLOR]Comment
-
ربنا يكرمك يا أستاذ أحمد عبد المقصود ويجعل نصايحك ليا فى ميزان حسناتك إنت والأستاذ air fox[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
امبارح بابا شد الهاند بريك جامد أنا لاحظت إنها ليها تكتين يعنى درجتين بابا بقى خلاها فوق خالص مكناش قادرين ننزلها خصوصا إنك لما تيجى تنزلها بترفع سنة وتنزل بيها دى مكنتش بتتحرك المهم راح مدور وجاب الفتيس ع الدى وعايز يطلع وأقوله مينفعش بس العربية مسكت جامد فى الارض ووطيت نتيجة رد فعل قوة الموتور والهاند بريك ماسك العجل بس أناتوقعت ان العربية هتبطل أو حتى هتدى تحذير زى الإنذار لما تكون فاتح الباب وانت ماشى بس أنا عايز أعرف القوة بتاعت الموتور اتفرغت فين خصوصا ان العربية متحركتش هل مثلا جزء من التروس بيتاكل أو بتبعد شوية عن بعض كنظام للسيارة لأن لو عملت الحركة دى فى أى عربية مانيوال هتبطل على طول ؟ النظام بتاعها كان ناقصه إنها متسمحلكش إنك تنقل الغيار إلا لما تفك الهاند بريك بالنسبة للكتالوح المواضيع للاسف الروابط بتاع السيرفرات زى الرابيد شير والميديا فاير الملف محذوف ! بالنسبة للزرار اللى جمب الباب اليمين اللى بيقفل الإير باج دا بيقفل الإير باج بتاع السائق فقط ولا كل الإير باج ؟ وأنا لحد الوقت دا معرفش إذا كانت هاى لاين ولا عادى جنوط اسبور كاوتش كونتينتال أنا سمعت إنه غالى قوى والاستبن حديد والأكر لونها فضى برا وجوا والفرش صاحبها غيره عمله جلد بس الجلد غطى على مكان الإير باج اللى فى الكراسى من ع الجمب بس فرشها الاصلى قماش وفرشها الأصلى أفضل بمراحل حتى لو ما كانش جلد لأنى ركبت الاتنين وتكييفها عادى وفيها مثبت سرعة وشاشة البيانات اللى فى وسط التابلوه لو انت مشغل سى دى وجه رقم زى رقم 5 مثلا متجبهوش كامل يبقى ناقص من فوق هل دا عادى ؟ بالنسبة لتحرير الدريكسيون والعربية واقفة هل دا خطر على البطارية كعمر افتراضى ولا كنقص شحن يكمل فورا بمجرد تشغيل المحرك ؟ حد فيكم عنده فكرة عن القلم العجيب هههه اللى بيعرضوه على الفضائيات أنا مش بحترم القنوات دى عامة لأنها نصب حتى لو كان القلم اللى بيقولوا عليه دا مش هيبقى الاصلى لأنهم بيقولوا انه ينفع لجميع الألوان ! هو ممكن يكون مادة عاكسة للون توهمك ان العربية مش مخدوشة مش أكتر ولا أقل حد فيكم عنده فكرة عنده ؟ بالنسبة لو هقف شوية كتار فى انتظار بس الموتور شغال يفضل أجيب الفتيس على N وأمسك فرامل يد ولا أجيبه على P وهل لازم لما أبقى جايب غلى p أدوس فرامل أنا ملاحظ ان الشاشة بتبين رسمة الفرامل لما أبقى جايب على P وإيه الفرق بين Parking وبين N أنا شايف إن N بتبقى العربية فى وضع المور يعنى كله مفصول مع فرامل اليد يبقى مية مية أفضل من P بس أنا معرفش تأثير ال P إيه ولما أبقى ماسك الهاند بريك على أول درجة العربية بتطلع عادى خالص من غير حتى ما ألمس دواسة البنزين بمجرد ما أشيل رجلى من ع الفرامل[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
آه صح الأبواب بتقفل رزع أنا ركبت موديل 2005 كان الباب يقفل لمس يا دوبك انما دى لازم امسك الباب وأشده بقوة عشان تقفل هل دا عيب ولا هى كدا الموديل دا ؟ بحس إنى بقفل باب شيفورليه الدبابة بس موتور 2005 الغطاء بتاعه كان شكله أجمل من دى بكتير وفيه رسالة لما أقعد أدوس ع الزرار اللى فى الدراع بتاع المساحات اللى بيقلب فى خواص الشاشة بيجيبلى رسالة Min looooooooool إيه معناها دى بيقولى لوووووووووووووووووول ؟ حاجة مش مظبوطة يعنى ؟[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
أنا هرد على النقط اللى أنا عارفهاالمشاركة الأصلية كتبت بواسطة MohammedAladel مشاهدة المشاركة
1- موضوع الفرامل ده عادى...........و التنبيه المفروض هو لمبة الهاند اللى بتبقى منورة و أعتقد لو العربية أتحركت شوية هتديك تنبيه صوتى كمان..........و القوة أتفرغت فى كذا مكان مش مكان واحد و من ضمنهم التيل و الطنابير......و اللى علمته العربية ده العادى فى الأوتوماتيك.....مش هتعمل زى المانيوال و تبطل.
2- الزرار بتاع الأيرباج بيقفل الأيرباج اللى قدام الكرسى اليمين بس.
و لازم علشان تقفله أو تفتحه تكون مبطل العربية و إلا لمبة الأيرباج هتنور معاك فى التابلوه بس هتقفل تانى لو بطلت العربية و شغلتها.
3- بالنسبة للفئة هو فيه كلام من كلامك مش موضح بالظبط
لو التكييف تاتش و مفيش فتحة سقف يبقى دى تانى فئة أوتو
و لو فيه فتحة يبقى دى أعلى فئة
و لو التكييف بكر مش تاتش يبقى دى أول فئة أوتو.
4- شاشة البيانات واضح كده أن فيها سطر طاير........ده مش مشكلة فى أى حاجة غير فى عرض الكلام على الشاشة.
5- بالنسبة للإنتظار مش فارقة كتير تجيب P ولا N بس يستحسن مع الأتنين تشد فرامل اليد
و لو راكن فى حتة مايلة شوية يبقى الأحسن بعد ما توقف العربية و هى على ال D تشد فرامل اليد و بعد كده تجيب ال P أو ال N و تشيل رجلك من على الفرامل علشان تحميل وزن العربية يبقى على الفرامل مش على الفتيس.
لو جبت ال P الأول و بعد كده رفعت فرامل اليد هيبقى فيه جزء من وزن العربية متحمل على الفتيس و ممكن و أنت طالع بعد كده و بتجيب ال D تلاقى الفتيس بيعض شوية و أنت بتنقل من ال P او ال N لل D و الكلام ده فى أى عربية أوتو.
6- الشاشة بتجيب صورة الفرامل علشان تقولك أنك علشان تنقل من ال P لأى حاجة تانية لازم تدوس فرامل الرجل.
الأبواب المفروض بتقفل بسهولة شوية مش رزع...........جايز يكون عندك مشكلة فى الأبواب بس تبقى غريبة لو الأبواب كلها كده.المشاركة الأصلية كتبت بواسطة MohammedAladel مشاهدة المشاركة
الرسالة بتاعة الزيت
l ooooooooooooo l
نهاية القياس القياس بداية القياس
حرفين ال l هما البداية و النهاية بتاعة المقياس.....ملهمش لازمة قوى على حد علمى.
حروف ال o هما مستوى الزيت.........يعنى لو قل حرف يبقى الزيت عندك أقل من الطبيعى بشوية
لو قل حرفين يبقى الزيت عندك أقل من الطبيعى شويتين.....و هكذا.[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]Comment
-
السى دى مش راضى يطلع الاسطوانة وأنا زعلان جدا أعمل إيه ؟ كان شغال تمام أجى أطلعه أسمع زنة الموتور وميرضاش يطلع الأسطوانة وانا عايز بعد ما يتصلح إن شاء الله أعمل وصلة aux سهلة جدا فى الشرح فى موضوع قرأته هنا فى المنتدى لكن أنا مش عارف الكابل دا بيتوصل فين بالظبط فى السى دى ؟ لو فى السى دى يبقى لازم يتفك وأنا شايف فيه أربع خروم بس مش عارف دول مسامير ولا إيه وفيه تحته العلبة الفاضية وفيها زى كلبستين من فوق وبالنسبة للمبة بتاع الفانوس الأمامى عرفت طريقة تركيبها سهلة جدا عن طريق فك الغطاء اللى قصاد الكاوتش فى موضوع جميل هنا مثبت فى المنتدى[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
بس أنا لاحظت إنى لما أبقى قافل الإزاز الأبواب تقفل بصعوبة عشان ضغط الهواء ولو ازاز الشبابيك مفتوح بيقفل أسهل بس الكاوتش العازل بين صاج الباب والعربية فى كل باب ملاحظ جزء بسيط مقطوعة بالنسبة لقياس الزيت بجانب الرسالة اللى حضرتك وضحتها فيه كلمة MIN دى معناها إيه وحرف o بيبقى كام حرف لو الزيت طبيعى ولما بينقص هل هلاحظ أنا ؟ يعنى بيبقى محصور بين حرفين ال I ؟ يعنى لو نقص حرف o مثلا هلاحظ إن فيه مسافة فراغ بين آخر حرف o وبين حرف ال I ?المشاركة الأصلية كتبت بواسطة Ahmed A.Maksoud مشاهدة المشاركة[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
أنا شغلت زرار الإير باج والعربية مطفية بس اللمبة منورة على طول معايا وبتطفى بس لما بقفل الزرار لكن مجربتش أشغله والعربية دايرة وهل دا خطر ؟والفئة عربيتى جنوطها اسبور رينو والأكر لونها فضى ولكن معتقدش إنها نيكل مجرد لون والمرايات ضم ودى مواصفات الهاى لاين ولكن تكييفها بكرة والكراسى الأصلية قماش ومش بتتحرك بكهرباء ومفيهاش سخانات وفيه دراع جمب كرسى القيادة بيطلع الكرسى قدام ويرجعه ورا عشان كدا احترت لكن بابا أصر أنه يشتريها برغم إنى شايف كتير عليها 65 وفعلا بحس بعضة الفتيس لو حركت العصا ل p قبل فرامل اليد ولو شديت فرامل اليد قبلها وفكيت والعربية واقفة ع p العربية بتريح سنة بسيطة ودا دليل فعلا إنى لو عشقت الفتيس ع p فيه حمل ع التروس لذلك للامان أنا لما أجى أبطل العربية هوقفها على nالمشاركة الأصلية كتبت بواسطة ahmed a.maksoud مشاهدة المشاركة[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
السى دى حصل معايا مرة نفس الموضوع...........جرب تعمل الأتىالمشاركة الأصلية كتبت بواسطة MohammedAladel مشاهدة المشاركة
هتجيب كارت شخصى ( زى اللى بيبقى مكتوب فيه أسم الشركة و الوظيفة و أسم الشخص )
و أنت بتدوس على زارا eject تدخل الكارت بزاوية ميل لتحت بحيث أنك تحاول تدخل الكارت تحت السيديهاية بس خليك ماسك الكارت كويس.
و بعد كده تحاول ترفع الكارت لفوق شوية مع دوسة ال eject
انا جربتها مرتين تلاتة و عرفت أطلع السيديهاية
و بعد كده رحت لراديو شاك و دورت على سى دى تنظيف بس يكون نوع محترم
لقيت واحد له ريش صغيرة تحت و أشتريته على ما أذكر ب 95 جم
و شغلته حسب التعليمات و جربت بعد كده لقيت السى دى أشتغل عادى و كان ساعات بيقطع معايا و عمل حركة أنه مش راضى يطلع السيديهاية دى مرة واحدة بس قبل ما أستعمل سى دى التنظيف .
بعد إستعمال سى دى التنظيف كله بقى تمام.
الوصلة بتركب فى الكاسيت من ورا
علشان تفك الكاسيت هتجيب أربه مفكات من بتوع النظارات الرفيعين قوى دول و هتدخلهم فى الأربع فتحات و تدوس عليهم بحيث يبقو عاملين الشكل ده \ / المنطقة القريبة من بعضها دى اللى جوة فتحات الكاسيت...........و مع الدوسة دى تشد لبرة المفروض الكاسيت هيطلع معاك.
هتوصل الوصلة فى الكاسيت من ورا و بعد كده تمشى الناحية التانية منها من ورا الكاسيت بأيدك و تطلعها من ناحية درج التابلوه.
لما تخلص زق الكاسيت تانى فى مكانه هيركب عادى.
موضوع الزيت هو محصلش معايا قبل كده بس أعتقد أنك هتلاقى مكان لحرف O فاضى أو مكانه علامة تانية زى النجمة دى * مثلاً.المشاركة الأصلية كتبت بواسطة MohammedAladel مشاهدة المشاركة
بص أنا مش فاكر بالظبط لو قفلت الزرار ( قافل الأيرباج يعنى ) هل اللمبة بتفضل منورة ولا لأ.المشاركة الأصلية كتبت بواسطة MohammedAladel مشاهدة المشاركة
بس على ما أذكر أنى قريت أنك علشان تفتح أو تقفل الزرار الأفضل تكون العربية مبطلة.
الجنوط بتتركب و النواكل ممكن تتركب برضه............بس التكييف معتقدش أن فيه حد ممكن يغيره من تاتش لبكر..........لو التكييف بكر يبقى العربية أول فئة أوتو.
الفرش كان قماش فى أول و تانى فئة أوتو و أعتقد فى تالت فئة كان بينزل جلد و ساعات جلد فى قماش.
مفيش ميجان نزلت بكراسى كهرباء أو سخانات فى مصر.......و المرايات الضم كانت بتنزل من 2005 فى كل الفئات و من 2007 أبتدو ينزلوها فى تانى فئة أوتو و أنت طالع على ما أذكر.[CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
[/CENTER]Comment
-
النهاردة الصبح فتحت العربية وسميت الله ودست Eject الاسطوانة طلعت رحت قلت أدخلها تانى واشوف طلعت تانى معايا جربت كذا مرة تمام بعد العصر دورت ودخلت اسطوانة معرفتش أطلعها نفس المشكلة الاسطوانة مش قادرة تطلع بس بتشتغل عادى لكن فجأة لقيت رسالة بتقول Eror cd ودى معناها إن فيه خطأ ؟ هل ممكن يكون دا عيب الاسطوانة معتقدش ع الأقل كان هيطلعها بس تصميم السى دى مش تمام كان مفروض يعملوا فيه مكان للطوارئ زى سى دى الكمبيوتر فيه خرم صغير تدخل منه إبرة مع الضغط الاسطوانة تطلع لو الموتور مش قادر يطلعها وأنا أسمع أن اسطوانة التنظيف دى علاقتها بالعدسة مش بالادخال والاخراج والله أعلم كنت ماشى النهاردة بالعربية وقلت أجرب التكييف على أعلى درجة لقيته مطلع هوا ساقع بس مش زى تكييف البيت كدا أنا قريت كتير أن تكييفها مش بقوة العربيات اليابانى بس عايز أعرف عامة هو تكييف العربية دى لو بحالته يخليك حاسس اللى بتحسه فى تكييف المنزل ؟ طبعا أنا مجربتوش فترة طويلة خمس دقايق أنا بسأل لأن دى أول مرة أمتلك فيها سيارة ملاكى عشان كدا معنديش خبرة ومركبتش عربيات تانية عشان أقارن[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
سبحان الله أنا كنت بفكر أنى أعمل فكرة الكارت دى قبل ما حضرتك تقولى مع ذلك موصلتش لنتيجة لأن انا مش عارف بدخل الكارت فين ومش شايف جوا بيحصل ايه خصوصا ان فيه حاجز قماش بيمنع أى حاجة تدخل مع الاسطوانة فمش شايف منه قوى انا بدخل الكارت فين وبالنسبة لمثبت السرعة أنا مش عارف استخدمه فيه زرار من ع الجمب بيشغله فى التابلوه جمب السائق دست عليه اللمبة نورت فى التابلوه فيه حرفين r . O فى الدريكسيون يمين وشمال فيه + . - بس أنا معرفتش أشغله[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
كنت ماشى ع التانى ستيبترونيك مانيوال وبعدين رحت نسيت بدل ما أحرك الفتيس يمين عشان أنقل ع الأوتو صوت الموتور على والعربية هدت خالص طبعا دا خطر ؟[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
اللى حصل انى رجعت ع الأول من التانى والعربية واخدة سرعة التانى بدل ما أحرك الفتيس ع الأوتو مش دا برضه اللى بيقولوا عليه كيك داون بس متهيقلى ع السرعات العالية يعنى مثلا لو واحد ماشى ع ا لرابع يرجع ع التالت بس مش عارف فايدة الكيك داون ايه غير أنه جهد ع التروس والموتور بس أكيد بيدى عزم أعلى[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
Comment