ســـؤال لوحوش وملوك الداســــتر

[jackson_75]

السلأم عليكم ورحمة الله وبركاته على وحوش وملوك الداستر
أن شاء الله يا جماعة أنا نويت والنية لله عز وجل أنى أنزل الأسبوع الجاى وأشترى الداستر وأنا كنت عاوز أسأل وحوش الداستر سؤال
هو الكاوتش بتاع العربية اللى بتنزل بيه ,أيه أخباره ؟!!!
يعنى ناشف ولأ كويس !!!
أصل أنا اّخر عربية كانت معايا كانت جاية بكاوتش هانكوك وهو بصراحة كاوتش ناشف شوية ولما جيت بدلته ببريدجستون حسيت بفرق كبير
فيبقى من أولها الأمور واضحة وبجملة المصاريف ونشيل ده ونركب البريدجستون

مستنى ردكم , وياريت لو حد كان جرب الكاوتش ده على طريق سفر عشان تبقى التجربة واضحة وعملية

[bebo2000]

الكاوتش اللى بينزل فيها كونتننتال ودي ماركة الماني معروفة جدا ( اللى في العربية صناعة روماني ) وانا شايف انه كويس مقارنة بالماركات اللى جربتها في العربيات اللى قبل كدة وهي ميشلان وهانكوك و GT بس بصراحة انا مجربتش البريدجستون قبل كدة علشان اقدر احكم وممكن beeronasr يقدر يفيدك احسن مني علشان كان معاه لانسر واحتمال كبير يكون جرب البريدجستون
بس عموما انا مش حاسس انه ناشف وكمان التماسك بتاعه هايل مع الفرامل الجامدة في الرمل والمية من تجربتى ليه وصوته معقول جدا على اغلب الطرق

[jackson_75]

الكاوتش اللى بينزل فيها كونتننتال ودي ماركة الماني معروفة جدا ( اللى في العربية صناعة روماني ) وانا شايف انه كويس مقارنة بالماركات اللى جربتها في العربيات اللى قبل كدة وهي ميشلان وهانكوك و GT بس بصراحة انا مجربتش البريدجستون قبل كدة علشان اقدر احكم وممكن beeronasr يقدر يفيدك احسن مني علشان كان معاه لانسر واحتمال كبير يكون جرب البريدجستون
بس عموما انا مش حاسس انه ناشف وكمان التماسك بتاعه هايل مع الفرامل الجامدة في الرمل والمية من تجربتى ليه وصوته معقول جدا على اغلب الطرق

أشكرك يا أستاذ بيبو على الرد
هو بصراحة البريدجستون الأندونيسى هايل وأنا جربته قبل كده , لكن طالما أنت بتشكر فى الكونتينتال يبقى نجرب ومش هانخسر حاجة .

طب معلش يا مستر بيبو هنتاقل عليك شوية وكنت عاوزأعرف هى الصيانة لأزم تتعمل كل 5 ألأف ولأ كل 10ألأف, ويا ترى أيه هى أسعار الصيانة فى العشرة ألأف وفى ال 20 ألف.معلش أنا كنت عاوز أعرف أنت عربيتك عاملة كام ألف كيلو وياترى أيه تقيمك ليها بعد التلين وبعد الأستخدام وخصوصاً فى شوارع بلدنا اللى تفرح
تقبل تحياتى ولك الشكر

[bebo2000]

الصيانة نوعين :-

- مجانية كل 5 الاف ودي عبارة عن تربيط للعفشة وكشف على تيل الفرامل ومستوى السوائل من زيوت وخلافه ودي صيانة خفيفة وملهاش تأثير على الضمان لو معملتهاش

- صيانة كل 10 الاف ودي لازم تتعمل والا تخرج من الضمان ودي فيها تغير زيت المحرك بالاضافة الى القطع اللى بتتغير حسب جدول الصيانة بتاع العربية من بوجيهات، تيل، فلاتر، الخ ...

انا لسة مجربتش التوكيل لانى مكملتش الخمس الاف كيلو ( فاضلى زقة صغيرة ) بس اللى اعرفه ان صيانة ال 10 الاف بتعمل حدود 650 جنيه شامل الزيت وقطع الغيار والمصنعية والضريبة وهتلاقى جدول الصيانة على موقع eim على الفيس بوك

[jackson_75]

الصيانة نوعين :-

- مجانية كل 5 الاف ودي عبارة عن تربيط للعفشة وكشف على تيل الفرامل ومستوى السوائل من زيوت وخلافه ودي صيانة خفيفة وملهاش تأثير على الضمان لو معملتهاش

- صيانة كل 10 الاف ودي لازم تتعمل والا تخرج من الضمان ودي فيها تغير زيت المحرك بالاضافة الى القطع اللى بتتغير حسب جدول الصيانة بتاع العربية من بوجيهات، تيل، فلاتر، الخ ...

انا لسة مجربتش التوكيل لانى مكملتش الخمس الاف كيلو ( فاضلى زقة صغيرة ) بس اللى اعرفه ان صيانة ال 10 الاف بتعمل حدود 650 جنيه شامل الزيت وقطع الغيار والمصنعية والضريبة وهتلاقى جدول الصيانة على موقع eim على الفيس بوك

ربنا يبارك لك فى العربية ويعطيك خيرها ويكفيك شرها , ومتشكر أوى على المعلومة الجديدة دى اللى أنت ضيفتها بتاعت جدول الصيانة على الفيس بوك .
هو بس أوحش حاجة عندهم كتوكيل أنك لو فوت صيانة واحدة تبقى خرجت برة الضمان , يعنى حاسس كدة أنها أسلوب عافية شوية وقرصانة
طب دا غبور بكل عيوبه بيسمح ليك تفوت مرتين عادى وبعد التالتة بتبقى برة الضمان

[beeronasr]

على فرة يا رجالة بصراحة انا حاسس ان كاوتش الداستر فعلا ناشف عن البريدجستون - لدرجة انى لما استلمت العربية قولت اكيد الكاوتش زايد هواء جامد - ولما روحت البنزينة لقيتة مظبوط على 30 و انا كنت فاكرة هيكون 40 على الاقل - قولت خلاص و كبرت دماغى - كلام مستر جاكسون دلوقتى فكرنى ووضحلى الموضوع ان نوع الكاوتش يفرق فى احساسك - انا كنت فاكر ان الموضوع عفشة بس؟
بصراحة البريدجستون لا يعلى علية - لكن اللى فى الداستر مش وحش
فى سرك يا مستر جاكسون (البريدجستون احلى)
و سلملى على مستر بيبو علشان واحشنى

[jackson_75]

[QUOTE=beeronasr;3874289302]على فرة يا رجالة بصراحة انا حاسس ان كاوتش الداستر فعلا ناشف عن البريدجستون - لدرجة انى لما استلمت العربية قولت اكيد الكاوتش زايد هواء جامد - ولما روحت البنزينة لقيتة مظبوط على 30 و انا كنت فاكرة هيكون 40 على الاقل - قولت خلاص و كبرت دماغى - كلام مستر جاكسون دلوقتى فكرنى ووضحلى الموضوع ان نوع الكاوتش يفرق فى احساسك - انا كنت فاكر ان الموضوع عفشة بس؟
بصراحة البريدجستون لا يعلى علية - لكن اللى فى الداستر مش وحش
فى سرك يا مستر جاكسون (البريدجستون احلى)
و سلملى على مستر بيبو علشان واحشنى[/QUOTE

تسلم يا باشا على تاكيد المعلومة , وفعلأً البريدجستون لأ يعلى عليه وخاصة الأندونيسى
أنا لما ركبته فى العربية الأخيرة وشيلت الهانكوك حاسيت أن العفشة نعمة كتير.