مطلوب تغيير كوبلن للكليو

[rafe3_dent]

عندي صوت تكتكة في العجلة الامامية شمال وانا بلف الدركسيون
رحت لعفشجي قالي الكوبلن الشمال عايز يتغير

هوا لازم يتغير يعني مبيتصلحش الكوبلن ده ؟
ولو غيرته سعره كام؟؟

انا سألت عند واحد عندنا في المنصورة قالي الجديد تركي بـ 425 .. والاستيراد و الصيني بـ 300
انا حاسس الراجل ده حرامي والسعر مبالغ فيه ... ولا هوا ده العادي ؟؟؟

[ramy_gamal]

كان استاذ عمرو عمارة جاب ال ب 400 وطلع فى الاخر صينى بردة الاحسن هات حاجه تانيه تكون مضمونه

[rafe3_dent]

هههههههههه وطلع صيني في الاخر !!
وانا اللي كنت مستغليه وبقول على الراجل حرامي

والعمل .؟؟ الصوت بقى زايد ومضايقني جدا

[عمرو عمارة]

أنا لسة مغير الكوبلن الشمال ده من إسبوعين

جبت كوبلن anka وتأكدت أنه تركي 100% وإشتريته من ميشيل حليم في جسر السويس بـ450 جم والكوبلن شكله نضيف جداً

وعنده الأصلي برده بـ750 جم للكوبلن الواحد

ولو الميزانية تسمح معاك غير الإتنين مع بعض أفضل

[عمرو عمارة]

على فكرة الكوبلن أنكا ده وانا بسال عليه كل الناس كانت بتشكر فيه وبيقولوا عليه زي الأصلي

وأنا بشتري الكوبلن من عند ميشيل قولتله إن الكوبلن الأولاني إلي إشتريته منه طلع صيني مش تركي ( أنا مش فاكر إسمه )
المهم قاعد يقولي مستحيل وده تركي تركي يعني
قولتله أنا كتبت إسمه على النت والمصنع طلع في الصين
قالي ممكن المصنع يبقى في الصين ولكن هو مستورد الكوبلن من تركيا وهو نضيف جداً

ومشكلة البوش إلي كنت إتكلمت عليها من قبل طلعت مش عيب في الكوبلن وأعتقد العيب في كورونة الفتيس الداخلية وهي مش عاملالي أزمة خالص

الصيني لما سألت عليه في السوق كان سعره 250 جم وطبعاً ده سعر مقلق جداً

[rafe3_dent]

شكرا يا استاذ عمرو
خلاص انا هتوكل على الله واجيب التركي ده ابو 400 جنيه لان الصوت مضايقني

معلش كنت عايز اسألك على حاجة كمان
سولونويد فالف الفتيس الاوتو بتاع الكليو يعمل كام ؟؟؟

[عمرو عمارة]

بصراحة معرفش سعر الفالف بكام.....بس أكيد مش هيكون أغلى من الميجان

يعني كبيره ممكن يعمله 400 جم

يسر الله لك

[rafe3_dent]

الف شكر :)

[ahmedfouad]

لو عاوز تصلح الكبالن وترجعها لحالة جيدة جدا انا اعرف واحد بتعامل معاه على طول اسمه رضا فى العباسية لو ناوى قولى واديلك عنوانه على طول بياخد فى الراس من 60 -70 جنيه
يعنى ال 4 كبالن ( 2 داخلى + 2 خارجى ) يتكلفو من 240 - 280 وعلبتين شحم 50 جنيه والتيبس لابنه 10 جنيه يبقى الاجمالى حوالى من 300 - 340 جنيه وتمشيك سنة على الاقل...انا بعمل كدة الصراحة ومفيش احسن من الاصلى :))))

[albasha]

لو عاوز تصلح الكبالن وترجعها لحالة جيدة جدا انا اعرف واحد بتعامل معاه على طول اسمه رضا فى العباسية لو ناوى قولى واديلك عنوانه على طول بياخد فى الراس من 60 -70 جنيه
يعنى ال 4 كبالن ( 2 داخلى + 2 خارجى ) يتكلفو من 240 - 280 وعلبتين شحم 50 جنيه والتيبس لابنه 10 جنيه يبقى الاجمالى حوالى من 300 - 340 جنيه وتمشيك سنة على الاقل...انا بعمل كدة الصراحة ومفيش احسن من الاصلى :))))

طب ده كده أغلي من إنه يجيب واحد تركي ويركبه السنادي وربنا يكرمه السنه الجايه يركب واحد للجانب التاني وبكده هيريح باله كام سنه تاني يعني مش كل سنه فك وتركيب

[ramy_gamal]

موضوع تصليح الكبالن دة بحسن انه مش عملى كل المجهود دة من فك وتصليح وتركيب وفلوس .... يبقى الجديد اوفر وانضف