عاوز ميكانيكى رينو محترم لانى زهقت من اللعب فى العربية

[ahmedfouad]

روحت لميكانيكى واحد صاحبى رشحهولى علشان اغير سير الكاتينة والتكيف والدينمو لعربيتى الكليو 2003 وبعد الميكانيكى ما غير السير واول ما العربية دارت حسين ان صوت الموتور متغير
سالته هو صوت الموتور بقى عامل كده ليه ؟
قالى ماله ما هو عادى اهو ...
قولتله لا حاسس ان صوت الموتور بقا خشن ومش مرتاح زى الاول بيبقلل كده
قام واخد العربية وقعد يحرق على ام الموتور ...بيجربها يعنى
وقالى لا كويسة وقعد يفصل بالموتور
المهم حاسس ان الموتور مختلف.. بقا صوته عالى شوية والسحب ضعف شويه يعنى لازم اقرص عن الاول علشان اوصل لنفس الاداء والتسارع وحاسس ان فى رجرجة فى الموتور وصوت بمبكة من الموتور بيقولى الصوت ده علشان السيور جديدة

فمش عارف اعمل ايه وخصوصا ان الشغل فيها مقرف ومش عاوز اروحله تانى لانى قرفت منه وواخد منى 200 جنيه فى تغير السيور كلها

انا شاكك ان السير مقدم او مأخر سنة يا ريت اسمع ارائكم
ويا ريت لو حد يعرف ميكانيكى ثقة يظبطلى الموتور علشان مخنوق من العربية بصراحة وهى كده

[moh158]

جرب عادل زوايا في صقر قريش

[ahmedfouad]

جرب عادل زوايا في صقر قريش

الف شكر ليك بس انا اعرف ان فى ناس بتشتكى منه

[lol86]

بص عادل شاطر اوى بس تنك

[iaibrahim]

اكيد عادل كويس بس لو انت قريب من الهرم فيه واحد كويس ومكانه تدخل جنب فندق الاهرامات الثلاثه وبعدين اول شمال حتلاقيه على طول وانا جربته قبل كده (معلش انت من القاهره الجديده ) يبقى عادل اقرب لك وبالتوفيق

[ahmedfouad]

بص عادل شاطر اوى بس تنك

لو على التناكة مش مشكلة المهم الشغل
هو انا كدة هدفع مصنعية كامله تانى؟

[elfr3on]

جرب الميكانيكي دا وحتدعيلي
هو فى بولاق الدكرور وكان شغال فى التوكيل اسمة علي عز الدين
ودا رقمة 01004783832 قولة انا جاي من طرف فادي وهو حيعمل معاك الواجب

[lol86]

لا مش هاتدفع مصنعية تانية بس هو شخصيا تنك بص ميكانيكى حلو جدا وشاطر

[ahmedfouad]

جرب الميكانيكي دا وحتدعيلي
هو فى بولاق الدكرور وكان شغال فى التوكيل اسمة علي عز الدين
ودا رقمة 01004783832 قولة انا جاي من طرف فادي وهو حيعمل معاك الواجب

الف شكر لحضرتك بس اسعاره كويسة ولا غالى

[gym1974]

السلام عليكم ورحمة الله اخى الكريم عليك وعلى التوكيل او مركز صيانة معتمد وريح دماغك شوف موضوع زى ده شد اعصابك قد ايه وعملت كام مشوار وسرفت اد ايه والنتيجة ايه كلنا فاكرين ان بعدم مروحنا للتوكيل بنوفر بالعكس والله بنسرف اكتر ده غير كده نقطة مهمة تانية كتر اللعب فى العربية من ناس مش فاهمة بقصر عمر العربية تحياتى لك

[albasha]

مع كامل إحترامي لحضرتك مشكلة التوكيل إنه مغالي جداً في الأسعار وعلشان كده كلنا بنجرب حوالينا لحد ما نلاقي حد محترم نتعامل معاه وبنتعامل والحمد لله بنلاقي ناس محترمين لإن ميزة الرينو مش أي حد بيشتغل فيها فبالتالي ده ميزه مش عيب في رأيي

[abdo_2812]

فيه ميكانيكي محترم جدا اسمه أبو العلا وأنا شخصية لسه مظبط عربيتي عنده من حوالي شهر ونصف ومغير وقتها سير كاتينة وجوان كارتير وفعلا لما اتركب السير كان فيه حاجة مش مظبوطة وبتعمل اللي انت بتقوله وأنا كنت قاعد معاه وأول ما جربنا العربية هو فهم فيه ايه علطول وعملها وبقت زي الفل

هو الظاهر إن فيه حاجة بتبقى مش مظبوطة في التركيب بس بتتظبط بسهولة

هو الرجل ورشته في العرب في جسر السويس بس مصنعياته غالية شوية إنما ممتااااز جدا وكان شغال في توكيل رينو وأكتر من توكيل تاني وهو اللي كان مسؤول عن العمرات للمواتير في رينو

[ahmedfouad]

فيه ميكانيكي محترم جدا اسمه أبو العلا وأنا شخصية لسه مظبط عربيتي عنده من حوالي شهر ونصف ومغير وقتها سير كاتينة وجوان كارتير وفعلا لما اتركب السير كان فيه حاجة مش مظبوطة وبتعمل اللي انت بتقوله وأنا كنت قاعد معاه وأول ما جربنا العربية هو فهم فيه ايه علطول وعملها وبقت زي الفل

هو الظاهر إن فيه حاجة بتبقى مش مظبوطة في التركيب بس بتتظبط بسهولة

هو الرجل ورشته في العرب في جسر السويس بس مصنعياته غالية شوية إنما ممتااااز جدا وكان شغال في توكيل رينو وأكتر من توكيل تاني وهو اللي كان مسؤول عن العمرات للمواتير في رينو

ممكن رقم التليفون بتاعه

[amr_mabd]

في ورشة في الجيزة وره فندق الثلاث اهرمات في الهرم خبرة عشر سنين في التوكيل وده رقمة م/معتز ٠١٢٨٣٣٣٣٨٤٨ و عن تجربة انا شغلي كله عنده و بسم الله مشاء الله امين جدا و اسعارة كويسة و عنده قطعة الغيار الاستيراد و الجديد

[ahmedfouad]

في ورشة في الجيزة وره فندق الثلاث اهرمات في الهرم خبرة عشر سنين في التوكيل وده رقمة م/معتز ٠١٢٨٣٣٣٣٨٤٨ و عن تجربة انا شغلي كله عنده و بسم الله مشاء الله امين جدا و اسعارة كويسة و عنده قطعة الغيار الاستيراد و الجديد

الف شكر لحضرتك بس اسعاره ايه؟
يعنى لو عاوز اظبط سير الكاتينة يعنى يقدمهولى السنة اللى مأخرة دى ياخد كام ؟
وشكرا مرة تانية