ايه الفرق بين الميجان ال 2005 وال 2009

[yalahwy2010]

يا رجالة
هل فى أى فروقات فى الميجان ال 2005 وال 2009 بالنسبة للأعطال والتعديلات فى عيوبها المعروفة
ولا هى هى نفس الأعطال اللى فى ال 2005 موجودة فى ال 2009؟؟؟؟؟

[MohammedAladel]

شكل شبكة الأكصدام مع الفوانيس اتغير فى 2007 وفضل زى ما هو تقريبا لحد ما نزلت megane III فلو قصدك على ميجان 2 يبقى مفيش تغيير العربية هى هى زى 2005 بس بيبقى فيه تعديلات بسيطة شكلية لكن نفس الأمكانيات وتقريبا الشكل النهائى متغيرش كتير غير فى ميجان 3 اللى هى نازلة هاتش باك فقط

[yalahwy2010]

وبالنسبة لمشاكل الأعطال ؟؟؟؟
هل فى مشاكل طلمبة البنزين والحساسات؟؟؟؟

[MohammedAladel]

مفيش عربية مبيظهرش فيها مشاكل يا باشا لكن وليها علاقة بسوء الأستعمال مش أكتر لكن العربية مظهرش فيها مشاكل حساسات ومشاكل طرمبةبنزين ولما بيبقى فيه مشكلة التوكيل بيغيرها يعنى لو انت اشترتها مستعملة وكان فيها مشكلة مثلا فى طرمبة البنزين هتبقى من ساعة ما صاحبها اشتراها وزمانه غيرها من زمان فى التوكيل ومش هتتكرر تانى العربية إجمالا مفيهاش مشاكل ياباشا واعتمادية من الدرجة الأولى كفاية توكيلها المحترم ومتصدقش اى حد يقولك كلام وخلاص

[Ahmed Selim]

بعض العيوب المعروفة تم تلافيها فى موديلات 2007 و أنت طالع
الفرق فى الإمكانيات أو الكماليات تحديداً ممكن يكون لصالح 2005 حسب الفئة

يعنى على سبيل المثال فى 2005 كان كله بينزل بمرايات ضم حتى المانيوال
فى 2007 و أنت طالع على ما أذكر كان فيه فئات بتنزل من غير ضم و فئات بتنزل بضم.

عموماً الكماليات الأساسية واحدة فى كل الموديلات........يعنى كله abs و كله 6 أيرباج و كله تكييف سواء تاتش أو بكر....و الأوتو فئة تانية و انت طالع جنوط.......اقل من كده جنوط حديد.

بالنسبة لموضوع الطرمبة.......أنا معايا الميجان من 2005 و مكنش فيه مشاكل فى الطرمبة لحد 2009 أبتدى صوتها يعلى شوية ( صوت زنة كده ) و مكنش بيتسمع لو أنت فاتح الأزاز مثلاًَ.....و أنت قافل الأزاز و مش مشغل كاسيت و مركز كمان.........و قولت أغير الموتور علشان أكبر دماغى.....و جبت الموتور بوش و غيرته و أتكلفت تقريباً 200 جم بالتغيير بكله..........طبعاً برة التوكيل.

و تقريباً الناس اللى أعرفها محدش كان عنده مشكلة مزمنة فى موضوع الطرمبة ده.

و ثانياً الحساسات.......على مدار ال 5 سنين غيرت حساس واحد.......تقريباً كان حساس الأوكسجين.

[MohammedAladel]

بعض العيوب المعروفة تم تلافيها فى موديلات 2007 و أنت طالع
الفرق فى الإمكانيات أو الكماليات تحديداً ممكن يكون لصالح 2005 حسب الفئة

يعنى على سبيل المثال فى 2005 كان كله بينزل بمرايات ضم حتى المانيوال
فى 2007 و أنت طالع على ما أذكر كان فيه فئات بتنزل من غير ضم و فئات بتنزل بضم.

عموماً الكماليات الأساسية واحدة فى كل الموديلات........يعنى كله abs و كله 6 أيرباج و كله تكييف سواء تاتش أو بكر....و الأوتو فئة تانية و انت طالع جنوط.......اقل من كده جنوط حديد.

بالنسبة لموضوع الطرمبة.......أنا معايا الميجان من 2005 و مكنش فيه مشاكل فى الطرمبة لحد 2009 أبتدى صوتها يعلى شوية ( صوت زنة كده ) و مكنش بيتسمع لو أنت فاتح الأزاز مثلاًَ.....و أنت قافل الأزاز و مش مشغل كاسيت و مركز كمان.........و قولت أغير الموتور علشان أكبر دماغى.....و جبت الموتور بوش و غيرته و أتكلفت تقريباً 200 جم بالتغيير بكله..........طبعاً برة التوكيل.

و تقريباً الناس اللى أعرفها محدش كان عنده مشكلة مزمنة فى موضوع الطرمبة ده.

و ثانياً الحساسات.......على مدار ال 5 سنين غيرت حساس واحد.......تقريباً كان حساس الأوكسجين.

طيب هو فيها ebd ? وهل فيه فرق بين التكييف التاتش والبكرة يعنى برودة التاتش مثلا أعلى ؟ ولا هى مجرد تغيير فى طريقة التحكم من بكرة لشاشة ديجيتال ؟ وانا شفت علبة بلاستيك جوا فى حوض الموتور مك توب عليها بوش ؟ شركة بوش دى تخصصها ايه بالظبط فى العربية ؟ سؤال أخير هو حضرتك اشتريتها زيرو ولا مستعملة ؟

[medo99_pc]

الفتيس

[MohammedAladel]

الفتيس

ماله الفتيس ؟ وبالمناسبة ميجان 3 فتيسها أوتوماتيك ولا إيزى ترونيك اللى هو مانيوال بدبرياج كهربا ؟

[Ahmed Selim]

طيب هو فيها ebd ? وهل فيه فرق بين التكييف التاتش والبكرة يعنى برودة التاتش مثلا أعلى ؟ ولا هى مجرد تغيير فى طريقة التحكم من بكرة لشاشة ديجيتال ؟ وانا شفت علبة بلاستيك جوا فى حوض الموتور مك توب عليها بوش ؟ شركة بوش دى تخصصها ايه بالظبط فى العربية ؟ سؤال أخير هو حضرتك اشتريتها زيرو ولا مستعملة ؟

ال ebd أساسى
التكييف........مجرد طريقة تحكم
بوش دى بتاعة حاجات كتير........منها كنترولات العربيات

العلبة حسب مكانها بس على الأغلب دى كنترول يونت الأيرباجز.

أشتريتها زيرو.

الفتيس

الفتيس هو هو............اللى أتغير بس هو سوفت وير و ده معظم الناس اللى كانت بتصين فى التوكيل عملوه فى موديلات 2005 و 2006 و من أول 2007 أبتدى ينزل بالتعديل بتاع السوفت وير.

ماله الفتيس ؟ وبالمناسبة ميجان 3 فتيسها أوتوماتيك ولا إيزى ترونيك اللى هو مانيوال بدبرياج كهربا ؟

فتيسها نفس فتيس الميجان II مع بعض التعديلات البسيطة.

[MohammedAladel]

العلبة اللى مكتوب عليها بوش دى فوق ورا الموتور ع اليمين ولونها أبيض وليها غطاء زى ما يكون قربة مياه بس على صغير ولما تكون فاتح الشنطة العربية بتجيبلك رسالة boot open دى مكنتش واخد بالى منها ساعات الفرامل وأنا مبطل العربية يبقى محجر والدواسة واقفة يادوبك تتحرك سنة بسيطة بس أو ما تدور تروح تفك على طول بالنسبة لتغيير لمبة الكشاف الفانوس الأمامى شمال فيه غطاء بيتلف واليمين بقى غطاء مستطيل بكلبسة بس لما فكيته شفت علبة مدورة كدا عاملة زى فلتر الزيت بس كبيرة شوية إيه دى ؟ والنهاردة عملت حركة خليت الموتور داير وفكيت الغطاء بتاع الزيت حسيت بصوت هواء دا الحركة دى خطر ؟ ومؤشر زيت العربية فيه شرطتين أنا زودت الزيت لحد ما الشرطة وصلت بالظبط عند الشرطة التانية كدا صح ؟

[aboo_aead]

حلمى هو الميجان

[تامر.محمد]

وأنا مبطل العربية يبقى محجر والدواسة واقفة يادوبك تتحرك سنة بسيطة بس أو ما تدور تروح تفك على طول

اي عربية كده
عشان كده و العياذ بالله العيب اللي مش عارف اتحل ولا لأ في الشيفروليه الكروز , كانت بتفصل فجأة و هي ماشية , بيخلي صاحبها يعمل حادثة على طول لأن العربية بتفصل حتى الفرامل