Service Due now

[تامر.محمد]

عدنا لرسايل العربية :)))

دلوقت العربية بتقول لي Service Due now و لمبة المفتاح اللي جنب صورة العربية اللي بين العدادات نورت
و عداد الكيلومتر عامل 27900 , يعني لسه ما عملتش 30 الف , لسه شوية

انا كنت هاطنش لحد ما العربية تعمل 30 الف و اعمل الصيانة
شوية كده و اخدت بالي ان ده معناه ان العربية اتعمل لها صيانة ال20 لما كان عدادها 17900 كيلو
المهم كنت هاطنش برده
بس افتكرت ان كده يبقى الزيت كمان كان متغير ساعتها و بكده يبقى عمل 10000 كيلو و فعلا عايز يتغير

ايه رأيكم ؟

[Rsarabia]

الفيصل فى الموضوع دا هو حضرتك عملت الصيانة القديمة عند كام مش الرسالة لان حتى لو حضرتك عملت الصيانة عند 20 الف العربية بتفكرك بميعاد الصيانة من قبلها يعنى مش هتنور عند 30 الف لأ هى بتبدأ تنبه حضرتك قبلها بشوية فلو حضرتك عملتها عند 20 الف تجاهل الرسالة لحد ما توصل ل 30 الف و اعمل الصيانة و الغى الرسالة لكن لو كنت عملتها عند 19800 يبقى لازم تعمل الصيانة دلوقتى

[تامر.محمد]

الفيصل فى الموضوع دا هو حضرتك عملت الصيانة القديمة عند كام مش الرسالة لان حتى لو حضرتك عملت الصيانة عند 20 الف العربية بتفكرك بميعاد الصيانة من قبلها يعنى مش هتنور عند 30 الف لأ هى بتبدأ تنبه حضرتك قبلها بشوية فلو حضرتك عملتها عند 20 الف تجاهل الرسالة لحد ما توصل ل 30 الف و اعمل الصيانة و الغى الرسالة لكن لو كنت عملتها عند 19800 يبقى لازم تعمل الصيانة دلوقتى

ما كنتش انا اللي عملتها كان المالك السابق
و بصراحة العربية كانت بتقول لي بقى لها اسبوع مثلا فعلا

[chato_eg]

يا تامر ما تقلقش أوى كده
إيه هاتطير من فوق الأرض اعتراضا على إن ميعاد صيانتها حل و إنت ماودتهاش التوكيل مثلا ؟
عادى يعنى لو عديت الصيانة إن شاء الله بألف كيلو حتى...وقت ما تفضى
بس هى بتبقى مزعجة قبل صيانات مضاعفات ال 20 و ال 30 الف كيلو...بتقعد تنبه كتير و تنور و تعمل غاغا على أساس إنك ماتنساش...زى تنبيه الحزام كده :)
أنا عامل أقل من 76 ألف و بتقول لى ميعاد الصيانة بعد 3 آلاف و شوية ..مع إنى أكيد مش عامل صيانة ال 70 ألف بدرى أكتر من ألف كيلو :)....سبها تدلع يا سيدى ;)

[تامر.محمد]

هههههههههههههه انا اللي قالقني بس زيت الموتور , قياسا على المنظر يبقى عمل 10000 دلوقت

[Land_Cruiser]

هما بس تلاقى الجماعه الفرنساويين اتقرصوا من مواعيدنا البايظه و عرفوا اننا ما بنجيش غير بالزن قالوا نخلليها تنور من بدرى و كمان تقعد تزن كتير علشان تزهقك فتروح تعمل الصيانه فى ميعادها او حتى بدرى علشان تخلص من الزن و اللمبه اللى منوره :b4_033:

[Ahmed Selim]

هتلاقي الصيانة اللي فاتت تتهمان بدري شوية بس

شيك علي مستوي و لزوجة الزيت و لو لقيتهم تمام توكل على الله و اصبر لحد ال 30 الف

[تامر.محمد]

هما بس تلاقى الجماعه الفرنساويين اتقرصوا من مواعيدنا البايظه و عرفوا اننا ما بنجيش غير بالزن قالوا نخلليها تنور من بدرى و كمان تقعد تزن كتير علشان تزهقك فتروح تعمل الصيانه فى ميعادها او حتى بدرى علشان تخلص من الزن و اللمبه اللى منوره :b4_033:

هههههههههههههههههههههههه

هتلاقي الصيانة اللي فاتت تتهمان بدري شوية بس
شيك علي مستوي و لزوجة الزيت و لو لقيتهم تمام توكل على الله و اصبر لحد ال 30 الف

غالبا هاعمل كده ان شاء الله , خصوصا ان الكاشات في النازل الشهر ده :))))))

[yoko]

إصبر يا باشا وانا عندي كمان منوره وشويه شويه هتشتمني وانا مكبر عشان مش فاضي وأخر صيانه عملتها 48 الف ودلوقتي العربيه 59 وكسور عادي جدا بره بيسيبوا الزيت 30 الف