مشكلة فى الميجان (كهربا)

[KoDaK_Gti]

السلام عليكم
صحبى اشترى ميجان 2008 كاملة اوتو
ظهرت مشكلة امبارح
التكييف اوتو زراير التكييف كلها منور لكن شاشة التكييف فصلت ومش بتنور والتكييف مبيشتغلش
وكاسيت العربية قالى انه كان بيقفل مع الكونتاكت دلوقتى بيطفى العربية والكاسيت بيفضل شغال لازم يقفله بايده
يروح فين ولا ييجى منين ؟؟ كهربائى ولا توكيل وياريت لو كهربائى شاطر يكون قريب من الهرم وضواحيها

او لو حاجة بسيطة عرفونى ممكن ابص عليها واتأكد قبل ما نروح لحد

[kar!m]

شكلها كده حاجه مهنجه .. مفيش حاجه فى الميجان بتعمل ريسيت للحاجات دي؟

[Shiref_mohamed]

السلام عليكم
صحبى اشترى ميجان 2008 كاملة اوتو
ظهرت مشكلة امبارح
التكييف اوتو زراير التكييف كلها منور لكن شاشة التكييف فصلت ومش بتنور والتكييف مبيشتغلش
وكاسيت العربية قالى انه كان بيقفل مع الكونتاكت دلوقتى بيطفى العربية والكاسيت بيفضل شغال لازم يقفله بايده
يروح فين ولا ييجى منين ؟؟ كهربائى ولا توكيل وياريت لو كهربائى شاطر يكون قريب من الهرم وضواحيها

او لو حاجة بسيطة عرفونى ممكن ابص عليها واتأكد قبل ما نروح لحد

يعني الواحد ميشوفكش في المنتدي غير لما عربية صاحبك تبوظ ياعم حسام واحشنا ياباشا مبقتش بتيجي مقابلاتنا ليه..
على العموم كلم ايمن مومو هو عضويته momo10000 وهو هيبعتك لحد تمام وإن شاء الله تطلع بسيطه بس ابقا خلينا نشوفك في المقابلة الجاية الجمعه 31-5 في جراند كافية المقطم

[Ahmed Selim]

عاش من شافك يا حاج حسام

هبعتلك رقم أيمن على الخاص............هيدلك على حد فى الهرم إن شاء الله.

هى غالباً هتبقى مشكلة فيوزات.

[KoDaK_Gti]

يعني الواحد ميشوفكش في المنتدي غير لما عربية صاحبك تبوظ ياعم حسام واحشنا ياباشا مبقتش بتيجي مقابلاتنا ليه..
على العموم كلم ايمن مومو هو عضويته momo10000 وهو هيبعتك لحد تمام وإن شاء الله تطلع بسيطه بس ابقا خلينا نشوفك في المقابلة الجاية الجمعه 31-5 في جراند كافية المقطم

حبيبى ازيك يا شريف
ان شاء الله هحاول اكون موجود فى المقابلة ربنا يسهل

عاش من شافك يا حاج حسام

هبعتلك رقم أيمن على الخاص............هيدلك على حد فى الهرم إن شاء الله.

هى غالباً هتبقى مشكلة فيوزات.

ازيك يا احمد
عموما المشكلة اتحلت بس كانت غريبة
الفيوزات اللى فى التابلوه سليمة والفيوزات اللى فى الحوض الموتور سليمة
العيب كان من الكهربا اللى واصلة للولاعة
والراجل قالنا دى كده احتمال كبير تكون مشكلة فى الكارتة
وعملنا وصلة من الولاعة للفيوزات مع الكونتاكت والتكييف اشتغل تمام والولاعة
هو بتاع تكييفات مش كهربائى
وفصل البطارية وعمل الشغل بنضافة وبرمج الازاز الكهربا للاربع ابواب بعد ما خلص
وكود الكاسيت بيبقة مكتوب فى حتة فى العربية ولا لازم اتصل بالتوكيل وهل لازم اروح بالعربية ولا ممكن بالتليفون ؟؟

[abdo_2812]

كود الكاسيت بالتليفون يدوهولك إن شاء الله

[KoDaK_Gti]

الف شكر

[KoDaK_Gti]

كود الكاسيت قالو لازم تجيب العربية وهيتكلف 220 جنيه
صحبى قعد دعبس على النت وعرف يجيبه

[ahmed_oth]

انا معايا كود الكاسيت بس مش عارف استخدمه من ساعه مشتريتها وهو بيفدنا فى ايه؟؟
معلش يا جماعه اخوكم جديد فى عالم الميجان

[KoDaK_Gti]

هتحتاجة لما تغير البطارية بس

[Ahmed Selim]

كود الكاسيت قالو لازم تجيب العربية وهيتكلف 220 جنيه
صحبى قعد دعبس على النت وعرف يجيبه

هو فعلاً فيه برامج بتجيبلك الرقم..........معلش الرد متأخر بقى.

كان فيه زميل عمل موضوع عن برنامج من دول بس الموضوع هتلاقيه فى الدهاليز بقى.

[MohammedAladel]

انا معايا كود الكاسيت بس مش عارف استخدمه من ساعه مشتريتها وهو بيفدنا فى ايه؟؟
معلش يا جماعه اخوكم جديد فى عالم الميجان

لما تغير البطارية أو البطارية تفصل زى ما بيحصل معايا بيجيبلك رسالة لو جيت تشغل الكاسيت code الأربع أرقام بتدخلهم كل حرف من code بيدخل مكانه رقم وعندك الكاسيت مترقم من 1 إلى 6 خلى الكود 8899 ؟ الحقيقة ان انت هتستخدم الأرقام من 1 إلى 4 فقط لإدخال الكود يعنى تضغط على 1 سبع مرات لو عايز رقم 7 وبعد كدا تنقل ع الرقم اللى بعده وبعد ما تكمل الأربع أرقام بتضغط على 6 ضغطة طويلة هتلاقى الكاسيت اشتغل أنا بقى مشكلتى ان فيه سطر فى شاشة المعلومات بتاع الكاسيت ممسوح برغم ان الشاشة سليمة قدامى ممكن دا يكون عيب فيوز

[hossam_elwani]

عربيه محيره ........

[Rsarabia]

فى طريقة اسهل بكتير لادخال كود الكاسيت
افرض مثلا الكود 5678
هتدوس رقم واحد فى الكاسيت و عندك فى الدراس بتاع المالتى فانكشن فى بكرة اللى بتقلب منها الاغانى بتروح مقلب لحد ما تلاقى الرقم اللى انت عاوزه بعدين تدوس 2 فى الكاسيت و مقلب و هكذا لحد ما تظبط ال 4 ارقام
بعدين هتلاقى فى زرار فى دراع التحكم دى من تحت هتدوس عليه دوسة طويلة هتلاقى فى صوت كدا حصل تارا و السى دى فتح :)