باركولي يأهل الميجان

[megane_man]

الحمد الله حجزت الميجان وأهستلمها لما جواب المرور يخلص لونها نبيتي كاملة بدون فتحة سقف ألف شكر لأسرة الميجان علي مساعدتهم في أخذ القرار وسؤال أيه الأوراق والحاجات الي أخذها مع العربية أنا مبسوط جدا

[معاذ الشرباصى]

الف الف مبروك

ربنا يبارك لك فيها و يحفظها لك من كل سوء

[akram2025]

اتنين جابوا الميجان في يوم واحد!!!! ماشاء الله

الف الف مبروك يا باشا و أهلا بيك في الأسرة الميجانوية :party:

ربنا يباركلك فيها و يكفيك شرها


ما تنساش تدبح لها وتوزع على الغلابة
و مستنين رأيك في العروسة الجديدة.

[megane_man]

الف شكر رررررررررررررررررررررر انا سعيد جدا ومبسوط قوي والف شكررررررررررر لكم جميعا اسرة الميجان زادو اثنين في نفس اليوم

[fahd_628]

الف الف مبروووووووووووووك

[Mzeid]

100 100 مبروك و ربنا يبارك لك فيها و يحفظهالك إن شاء الله ..
:):)

[Ramy_Tantawi]

الف مبروك اخي volvo_man وبجد انا مبسوط جداً لفرحتك اللي باين في رسالتك الرقيقه ربنا يكمل فرحتك يا اخي الكريم ويتمها ليك على خير ان شاء الله وتسمتع بالعربيه ويكفيك شرها ان شاء الله .

الاوراق اللي هاتستلمها ان شاء الله مش عارف قصد حضرتك الورق اللي هاتعمل بيه الترخيص في المرور ولا قصد حضرتك الاوراق اللي هاتستلمها مع العربيه ؟ عموما انا هاكتب لحضرتك الاتنين وانت اختار :)

الاوراق اللي مطلوبه للمرور هايكون جواب موجه للمرور من رينو اذا حضرتك شاري منهم وده بتروح بيه مرور بين السرايات وتكمل اجراءات هناك او تسيب مندوب الشركه يتعامل هو ويجيبلك الورق من المرور وتستلم شهادة بيانات العربيه من رينو وقت ما يحددوا لحضرتك وتاخد الشهاده دي وتطلع على مرورك وترخص على خير ان شاء الله.وإذا ناوي تعمل اجراءات شهادة البيانات بنفسك استأذن حضرتك تطلع على موضوع اخونا الكريم استاذ احمد علي وهو شاري العربيه برضه مع حضرتك اليوم ربنا يباركله ان شاء الله والاخوه قالوا على اجراءات بين السرايات والخطوات دي بتفصيل شويه

أما اذا كان قصد حضرتك الاوراق اللي بتيجي مع العربيه كاتولوجات وخلافه فا حضرتك ان شاء الله هاتستلم جراب او زي شنطه جلد كده رمادي شيك من رينو موجود فيها كاتالوج العربيه اوقات نسختين عربيه / انجليزي واوقات نسخه واحد انجليزي + كتالوج الكاسيت + ورقه كده بتتكلم عن نظام حزام الامان والايزو فكس عشان لو محتاج تركب كرسي اطفال جنب حضرتك + زي بروشور كده توضيحي صغير مكتوب فيه توضيح لأهم علامات العداد والكلام ده + دفتر صيانه او برضه نعتبره بروشور ورقتين كده موضح فيهم الصيانات الدوريه للعربيه وايه اللي بيتعمل في كل صيانه .
ده بالنسبه للأوراق بالنسبه للحاجات فا طبعاً في الشنطه استبن + كوريك وشوية حاجات كده كلهم محطوطين مع بعض .......في العربيه من جوه هاتستلم ان شاء الله نسختين من الكارت + طفايه + ولاعه . بس مااظنش في حاجه تاني آه متنساش تأكد على كود الكاسيت شوفه مكتوب فين واحفظه معاك ان شاء الله .

انا حاسس اني طولت على حضرتك في حين انك ماطلبطش اصلاً المعلومات دي :embarrassed2: بس احتياطي برضه يمكن تكون قصدك على الاوراق دي ..........الف مبروك اخي الكريم على العربيه وربنا يتملك اجراءات الترخيص على خير ان شاء الله ومنظرين طبعاً تقييمك وانطباعك ان شاء الله .

[Ahmed Aly]

الف مليون مبروك تحضرتك بصرى يا باشا نفس اللون ربنا يديك خيرها ويكفيك شرها

يظهر يجماعة الناس بتوع رينو هيكتروا ويحكموا البلد ههههههههه

ليه منعملش ميعاد ثابت بعد صلاة الجمعة ونتقابل فيه شوية ونعمل رابطة قوية نتشاور فيها في كل ما يخص الامورة اللي احنا بنحبها دي عشان ندلعها شوية ولو في حاجة مشتركة مضيقانا نقدر نحلها مع بعض
احمد علي

[Sharky]

الف مبروك يا باشا

كده إتنين جابوها فى نفس اليوم و نفس اللون بس أحمد جابها بفتحة سقف

[Abo_Lina]

ياه اتنين اشترو ميجان في يوم واحد..الاسرة الرينوية الميجاناوية رزقت بتوأم يا جماعة

اهنئك على اختيارك الراقي ..الف مبروك

[Ahmed Selim]

ألف مبروك يا باشا وربنا يباركلك فيها ويديك خيرها ويكفيك شرها

[habashi]

ماشاء الله ... الله يبارك

هل فيه اختلاف كبير في المواصفات بين الميجان و اللاجونا
انا قصدي من حيث الدراسة العامة ليهم وبالمقارنة مع السعر
لان الملاحظ ان الميجان استحوزت علي كل الاراء تقريبا

حبشي

[megane_man]

الف مبروك اخي volvo_man وبجد انا مبسوط جداً لفرحتك اللي باين في رسالتك الرقيقه ربنا يكمل فرحتك يا اخي الكريم ويتمها ليك على خير ان شاء الله وتسمتع بالعربيه ويكفيك شرها ان شاء الله .

الاوراق اللي هاتستلمها ان شاء الله مش عارف قصد حضرتك الورق اللي هاتعمل بيه الترخيص في المرور ولا قصد حضرتك الاوراق اللي هاتستلمها مع العربيه ؟ عموما انا هاكتب لحضرتك الاتنين وانت اختار :)

الاوراق اللي مطلوبه للمرور هايكون جواب موجه للمرور من رينو اذا حضرتك شاري منهم وده بتروح بيه مرور بين السرايات وتكمل اجراءات هناك او تسيب مندوب الشركه يتعامل هو ويجيبلك الورق من المرور وتستلم شهادة بيانات العربيه من رينو وقت ما يحددوا لحضرتك وتاخد الشهاده دي وتطلع على مرورك وترخص على خير ان شاء الله.وإذا ناوي تعمل اجراءات شهادة البيانات بنفسك استأذن حضرتك تطلع على موضوع اخونا الكريم استاذ احمد علي وهو شاري العربيه برضه مع حضرتك اليوم ربنا يباركله ان شاء الله والاخوه قالوا على اجراءات بين السرايات والخطوات دي بتفصيل شويه

أما اذا كان قصد حضرتك الاوراق اللي بتيجي مع العربيه كاتولوجات وخلافه فا حضرتك ان شاء الله هاتستلم جراب او زي شنطه جلد كده رمادي شيك من رينو موجود فيها كاتالوج العربيه اوقات نسختين عربيه / انجليزي واوقات نسخه واحد انجليزي + كتالوج الكاسيت + ورقه كده بتتكلم عن نظام حزام الامان والايزو فكس عشان لو محتاج تركب كرسي اطفال جنب حضرتك + زي بروشور كده توضيحي صغير مكتوب فيه توضيح لأهم علامات العداد والكلام ده + دفتر صيانه او برضه نعتبره بروشور ورقتين كده موضح فيهم الصيانات الدوريه للعربيه وايه اللي بيتعمل في كل صيانه .
ده بالنسبه للأوراق بالنسبه للحاجات فا طبعاً في الشنطه استبن + كوريك وشوية حاجات كده كلهم محطوطين مع بعض .......في العربيه من جوه هاتستلم ان شاء الله نسختين من الكارت + طفايه + ولاعه . بس مااظنش في حاجه تاني آه متنساش تأكد على كود الكاسيت شوفه مكتوب فين واحفظه معاك ان شاء الله .

انا حاسس اني طولت على حضرتك في حين انك ماطلبطش اصلاً المعلومات دي :embarrassed2: بس احتياطي برضه يمكن تكون قصدك على الاوراق دي ..........الف مبروك اخي الكريم على العربيه وربنا يتملك اجراءات الترخيص على خير ان شاء الله ومنظرين طبعاً تقييمك وانطباعك ان شاء الله .

يباشا طولت ايه ده انت قولت كل الي انا عاوزه لنا استلمتها الحمدالله وسيبت مندوب التوكيل يخلص الورق علشان انا مش فاضي اروح المرور وإن شاء الله هروح ارخص يوم السبت

[mohamed ibiza]

الف مبروووووووووووووووووووك انا مش من اهل الميجان بس برضه نقوم بالواجب :):)

[Hassan Khalil]

اممم.........
و انا برضه مش من اهل الميجان ...( ربنا يجعلنا من اهلها او من قرايبها )..
مش عارف كده ينفع ابارك و اللا لأ
...
عموما انا حبارك ..واللي يحصل يحصل ..و رزقي علي الله
الف الف مبروك ..ربنا يبارك لك فيها ..و تستعملها في الخير دائما