سعر الميجان الجديدة و اشتريها بسعر اقل منين؟

[k50_]

السلام عليكم
ازيكم يا شباب انا كان عندي سؤال بخصوص الميجان الجديدة , انا ركبت الفلونس وعجبتني واعرف ان الميجان زيها بالظبط سواء من جوة او المكنة الفرق ف الشكل الخارجي والشنطة ( لو كلامي غلط حد يصحح ليا)
ف كنت عايز اعرف هوا فيه اماكن ممكن اشتري منها الميجان جديدة بس تكون موديل سنة اقدم , يعني 2011 دلؤت وتكون اقل ف السعر ؟
لو فيه بيكون فين والسعر بينزل اد ايه؟؟

[wawoo]

السلام عليكم
ازيكم يا شباب انا كان عندي سؤال بخصوص الميجان الجديدة , انا ركبت الفلونس وعجبتني واعرف ان الميجان زيها بالظبط سواء من جوة او المكنة الفرق ف الشكل الخارجي والشنطة ( لو كلامي غلط حد يصحح ليا)
ف كنت عايز اعرف هوا فيه اماكن ممكن اشتري منها الميجان جديدة بس تكون موديل سنة اقدم , يعني 2011 دلؤت وتكون اقل ف السعر ؟
لو فيه بيكون فين والسعر بينزل اد ايه؟؟

لا اعتقد انك ممكن تلاقى ميجان جديدة موديل قديم ..لانها ببساطة بتكون بالحجز فى معظم الاحيان ...

ولكن كلم اى فرع من فروع مابيعات رينو ممكن يكون حظك حلو و تلاقى طلبك فعلا ..و لكنة احتمال ضعيف جدا

[i_Am_Legend]

ميجانe3 سعرها 145 الفe3 Sr 155 لو عايزها هاقولك هاتلاقيها فين ...

[k50_]

طب ياريت لو تساعدني فين الاقيها , انا بفكر خلال 3 شهور اشتريها
بس عندي سؤال هوا السقف بتاعها بانوراما ولا سقف عادي؟
عشان انا ناوي علي اعلي فئة ان شاءلله.

[MohammedAladel]

ميجان تختلف عن الفلوانس فى الموتور والشكل ومن جوا كمان تختلف غير انها بتنزل بفتحة سقف بانوراما على عكس الفلوانس وهى هاتش باك بس ودى سعرها 155 ألف هتلاقيها موجودة على كونتاكت كارس على النت لو عايز تشتريها ودى أعلى فئة وألف مبروك مقدما بس حط فى بالك أن ميجان أعلى من فلوانس وان فيه فرق بينهم

[k50_]

مختلفة ف الموتور والشكل الداخلي ؟
انا ركبت الفلونس وشوفت الكماليات الي فيها , وشوفت ف تقرير علي الموقع هنا خاص للميجان وعملت مقارنة من حيث الشكل الداخلي مفرقش تقريبا , بالنسبة للمساحات انا لسة ناوي اجرب اركبها ف التوكيل عشان اقدر اعرف الفرق.
بس موضوع الموتور انا كنت قريت سابقا انهم بينزلو بنفس الموتور , لكن لو فيه اختلاف في الموتور ف هوا لصالح مين اكتر؟
وايه الفرق تاني بينهم ؟ غير الشكل الخارجي وحجم الشنطة؟
بس كويس موضوع السقف بانوراما لأني شوفت صور علي النت فيه ميجان سقف عادي وميجان سقف بانوراما.

[MohammedAladel]

فرق الموتور لصالح ميجان فلوانس 105 حصان ميجان 3 موتورها 110 أو 115 مش فاكر وبعدين يا باشا ميجان ليها انطباع خاص وخلى بالك انها هاتش بااااااااك فقط وأوبش عالى وقيمة مقابل مال لكن اعادة بيع مش قوى ولكن ايه يعنى 155 ألف بالامكانيات دى دى الكورولا اللى مينفعش نقارنها بالميجان بتبدأ من 158 ألف والهاى لاين منها ب 169 ألف وعربية أقل من عادية وسعرها مبالغ فيه ميجان 3 عداد السرعة فيها ديجيتال فيها دى فى دى بلوتوث وشوية كماليات تحفة فى الهاى لاين والشكل الخارجى فيه فرق بينها وبين الفلوانس بس مش كبير بس ميجان أعلى من فلوانس

[k50_]

شكرا يابوحميد علي المعلومات القيمة دي
بس انا عايز اوضح حاجة ان العداد الدجيتال ده الي نازل بره , مش متأكد انه نازل ف مصر لأن فيه حد معانا فالمنتدي هنا عمل تقرير علي الميجان الشكل الجديد وكان العداد بتاعها زي الفلونس بالمؤشر مكنش دجيتال.
عموما تسلم علي مساعدتك وربنا ييسر كدا والواحد يشتريها :)

[engtmk]

فرق الموتور لصالح ميجان فلوانس 105 حصان ميجان 3 موتورها 110 أو 115 مش فاكر وبعدين يا باشا ميجان ليها انطباع خاص وخلى بالك انها هاتش بااااااااك فقط وأوبش عالى وقيمة مقابل مال لكن اعادة بيع مش قوى ولكن ايه يعنى 155 ألف بالامكانيات دى دى الكورولا اللى مينفعش نقارنها بالميجان بتبدأ من 158 ألف والهاى لاين منها ب 169 ألف وعربية أقل من عادية وسعرها مبالغ فيه ميجان 3 عداد السرعة فيها ديجيتال فيها دى فى دى بلوتوث وشوية كماليات تحفة فى الهاى لاين والشكل الخارجى فيه فرق بينها وبين الفلوانس بس مش كبير بس ميجان أعلى من فلوانس

سوال حضرتك ركب الميجان 3 اللي بنتزل مصر
وركبت الفلوانس

بالنسبه للكماليات للي بتقولها موجوده في الفلوانيس

الصالون واحد لدرجه انك متقدرش تطلع لي فرق بين تابلوه الميجان 3 والفلوينس

ام موضوع الهاتش بالك فهو صحيح لان الفلوينس هي السيدان بتاعتها

[MohammedAladel]

لا أنا مركبتش ميجان 3 لكن ركبت فلوانس وعجبتنى جدا بس انا بقارن بالنسبة لمواصفات اللى كاتبها التوكيل على موقع رينو إيجيبت وليس عن خبرة تجربة لكن معايا ميجان 2

[engtmk]

لا أنا مركبتش ميجان 3 لكن ركبت فلوانس وعجبتنى جدا بس انا بقارن بالنسبة لمواصفات اللى كاتبها التوكيل على موقع رينو إيجيبت وليس عن خبرة تجربة لكن معايا ميجان 2

انا يسال لان الصالونين زي بعض تمممممممممممماما

اما بالنسبه للمواصفات فتخيل

الميجان من 0 - 100 12 ثاينه

Performance
0-62mph (0-100kph) 12.8
Maximum Speed - mph (kph) 113 (182)


اختها الفلوينس في
Performance
0-62mph (0-100kph) 12.2
Maximum Speed - mph (kph) 115 (186)


الموتور مختلف بس صدقني هما هما العربيه
اعتبر ديه السيدان وديه النسخه الهاتش باك بتاعتها

ديه موجهه للاسر والتانيه شبابي شويه

[i_Am_Legend]

مافيش حاجة اسمها الميجان غير الفلونس في الموتور او التابلوة!!...
ال2 زي بعض بالظبببط..نفس الموتور ال105 حصان...ونفس التابلوة ...نفس الenteriorوال dash poard.......

[Mohab.Nabil]

الميجان الجديدة نسخة من الفلوينس فى كل حاجة

زى ميجان 2 سيدان و هاتشباك هما الاتنين واحد فى كل حاجة الا شكل العربية الخارجى

و العربية مش بتنزل بانوراما بتنزل بفتحة سقف عادية

و مفيش عداد ديجيتال فى مصر .. نازلة عداد عادى نفس عدادات الفلوينس

و الكلام ده عن تجربة فيه واحد صاحبى كان معاه ميجان 3 هاى لاين و هى هى الفلوينس فى كل حاجة

[k50_]

انت زعلتني ف موضوع فتحة السقف العادية ده :d

[Mohab.Nabil]

انت زعلتني ف موضوع فتحة السقف العادية ده :d

على فكرة هو ليه مميزات و ليه عيوبه برضه بالذات فى مصر

يعنى عز العرب بطل ينزل بانوراما فى مصر حتى فى العربيات السبورت DS عشان كان تقريبا من اوائل الناس اللى نزلوها فى 2005 و حصل مشاكل كتير و الناس اشتكت ان البانوراما بتتكسر و تمنها غالى جدا فى التوكيل .. انا سمعت ارقام زى 10 الاف فطبعا و انت فى المحروسة ممكن و انت ماشى على الدائرى فى امان الله طوبة تيجى فى البانوراما ..

و فتحة السقف حلوة برضه و عملية اكتر فى مصر بصراحة