فيس ميجان2

[mohmmed_yuosse]

الفتيس عندي بدأ يستهبل فاعاير اخد رأيكوا اغيرة بواحد استعمال ولا اصلحة هوا بيعمل كاتالي:
1.فية هبدة خفيفة بين الاول و التاني بتزيد في الزحمة و و مابتظهرش دايما هي بتبان اوي في الزحمة و ما بتظهرش لما اكون مشغل التكيف او لسة متحرك الصبح
2. فية تفويتة في النقلة التانية يعني لما تنقل علي التاني ما بتلقتش علطول تحس انك دايس علي الهوا كانك ممور و تعد ثانيتين كدة و بعد كدة تلقط
3. بين التالت و الرابع فية نتشه خفيفة اوي

اصلحة و لا اغيرة و سعر الاستيراد كام و التصليح يتكلف كام و عند مين نضيف و مش حرامي

ارجوا الافادة انا الموضوع دة منغص عليا عيشتي عشان انا ما بحبش يكون في العربية الهوا و دة فتيس بحاوا

[medo99_pc]

انا عندى نفس الهبده بين النقلة الاولى والتانية وبتبان اكتر الصبح وانا لسه طالع
اما الترييحه اللى على الغيار التانى دى مش عيب فى الفتيس دى طبيعة الميجان كده انها بتقسم النقلة التانية على نقلتين

وان شاء الله مش هتوصل انك تغير الفتيس كله عشان اكيد مش رخيص

[Rsarabia]

الهبده بين الاول و التانى و الترييحة بتاعة النقلة التانية طبيعيين فى كل الميجان مفيش حاجة فى العربية لو جبتها زيرو هتهبد بردو كدا

[mohmmed_yuosse]

يعني المشكلتين دول مالهومش حل !!!!!!!!!!!!!!!

[shawkylotfy]

يعني المشكلتين دول مالهومش حل !!!!!!!!!!!!!!!

لو شدادة الموتور حالتها تعبانة بتعمل الهبدة بين الاول والثانى

[solly1979]

فعلا فتيس الميجان مش سلس انا سوقت المانى و كورى اوتو بصراحه احسن 100 مرة

[yalahwy2010]

سولونيد الفتيس محتاج يتغير...........واكشف على شداد الموتور............وابتعد عن المضروب.............يا تجيبه أصلى يا استيراد.........تمنه حوالى 150 جنيه استيراد

[mohmmed_yuosse]

طب لية لما بشغل التكييف الهبدة دة بتخف خالص

[mohmmed_yuosse]

القواعد سليمة و السولونيد قالولي لو مش مدي اتشك انجين يبفي سليم اية الحل ؟؟؟؟؟ فين الخبراء !!!!!!

[ahmed_oth]

الكشف على الكمبيوتر بالنسبه للفتيس مدى( Pressure regulation )
فا ده معناه ايه يا خبراء.....
رحت لمركزين خدمه واحد قالى انه محتاج( ثرونايت )
والتانى قاللى عايزه( بادى بالف)
وانا محتار مش عارف اعمل ايه....ولمبه الجير بوكس بتنور مع كل قرصه على rpm

[amr_selim]

حطها على الجهاز.لاكن تقريبا مش هيديك اي حاجه .
وبص على كومبيوتر الفتيس ونظف الفيشة.وبص على الشداد
ومش كل المجان كده.انا كانت عندي ولما الفيس جاب اخرو غيرتو بإستيراد 4500:(

[moz]

الرسالة ده سونليد فالف وده امرة بسيط ان شاء الله

[ahmed_oth]

الكشف على الكمبيوتر بالنسبه للفتيس مدى( pressure regulation )
فا ده معناه ايه يا خبراء.....
رحت لمركزين خدمه واحد قالى انه محتاج( ثرونايت )
والتانى قاللى عايزه( بادى بالف)
وانا محتار مش عارف اعمل ايه....ولمبه الجير بوكس بتنور مع كل قرصه على rpm

الرسالة ده سونليد فالف وده امرة بسيط إن شاء الله

سولنايد فالف ..يعمل كام تقريبا؟
ولو اتغير مش هتكرر الرساله تانى ؟

[mohmmed_yuosse]

طب اروح لمين في الحرفين كويس يكشف عليها

[abasse]

بسيطة أن شاء الله معرفش حد فى الحرفيين كلم أيمن مومو أوا أبعتله رساله هبعتك لناس من الأخر الى أنا بتعامل معاه فى الهرم وكان شغال فى التوكيل لو تحب