كاوتش الكبالن الخارجي

[medohai510]

السلام عليكم،،،
يوم السبت السابق الحمد لله عملت شوية حاجات عند الميكانيكي وهي:
سير الكاتينة + بلية الكاتينة بــ 475 جم.
سير التكيف+ سير الدينامو بــ90 جم.
فلتر هواء بــ50 جم.
فلتر بنزين بــ65 جم.
البوجيهات تنظيف فقط لانهم جداد وشغالين كويس.
موتور طلمبة بنزين Boch ألماني أصلي بــ250 جم (لما عطلت من أسبوع)
المصناعية 100 جم.
المبلغ كدة وصل 1000 جم و هما الي كانوا معايا.....
فقلت للميكانيكي شيك علي العربية كلها وهعملها بعد كام يوم، فوجدالأتي:
كاوتشه الكوبلن اليمين مقطوعة وبدءت تسرب شحم علي الجنط.
عوجت في الصاجة أسفل الموتور (لما كنت مسافر بورسعيد خبط كلب وللأسف كنت ماشي علي 140 وجانبي مقطورتين مقدرتش أعمل حاجة غير الكالكس والنور الرعاش).
صوت تقتقة في علبة فلتر الشكمان السيراميك (تقريباً من نفس السبب السابق).
فقالي ممكن تروح لسمكري يفك الصاجة و يستعدها كما كانت.
أما الشكمان فقالي في واحد بتاع شكمانات يعرفة بيعمل حشو للفلتر السيراميك بتاع الرينو وهو بيتعامل معه وبيقولي الشكمان بيبقي ولا صوت ولا نفس وبحوالي 100 جم بس.
أنا عايز رأيكم في:
أجب كاوتش كوبلن نوعة أية.
أعمل الصاجة وإلا لأ.
أعمل الشكمان وإلا لأ.
وشكراً مقدماً،،،،أ

[momoneer]

واضح انك هاين العربيه جامد....

[Ramy_Tantawi]

السلام عليكم،،،
أنا عايز رأيكم في:
أجب كاوتش كوبلن نوعة أية.
أعمل الصاجة وإلا لأ.
أعمل الشكمان وإلا لأ.
وشكراً مقدماً،،،،أ

وعليكم السلام ورحمة الله وبركاته .

أنا رأيي يا استاذ محمد انك تتوكل على الله وتعملهم كلهم ان شاء الله للأسف ماعرفش نوع كاوتش كوبلن معين لكن بتاع العربيه هل غالي او فيه مشكله ولا ليه حضرتك عاوز تجيب نوع تاني ؟

2- الصاجه الي تحت الموتور معووجه نتيجة الخبطه حاول بالمره تكشف على قاعدة الموتور نفسها هل اتأثرت ولا لأ والصاجه تتعدل ان شاء الله عند اي سمكري مافيش مشاكل فيها .

3- الشكمان لو موضوع الحشو ده مضمون وهايعيش توكل على الله للأسف خبرتي قليله في الموضوع ده ويمكن اول مره اعرف ان ممكن نحشي فلتر الشكمان شوف تمن العلبه لوحدها بكام ممكن تكون تكلفتها قريبه من الاصلاح والحشو ده وتريح نفسك ...بس اعمل الشكمان عشان انا اصلي بعيد عنك ممكن امشي بالعربيه فيها اي حاجه غير شكمان مخروم او اي حاجه بتعمل صوت .

تحياتي اخي الكريم.

[medohai510]

أبداً يا باشا مش هينها ولا حاجة أنا لسة مشتريها من حوالي 4 أشهر فقط

[عمرو عمارة]

السلام عليكم

ميدو باشا اعتقد ان الافضل ان انت تجيب كاوتش الكوبلن الاصلي لان الكاوتش الي موجود كله في السوق مضروب ولو عايز بديل مش أصلي روح اسأل في ميشيل حليم هو ساعات بيبقى عنده انواع اخرى في نفس جودة الاصلي بس ارخص ويقولك بأمانة اذا كان كويس ولا وحش
بالنسبة للمصفحة اعملها مش حاتكلفك اكتر من 20 جنيه عشان الفتيس مايرجرجش فيها
الشكمان طبعا لازم تعملو لان السيراميك المكسور دة لو دخل الموتور هايعملك مشاكل انت مش أدهة

كان الله في عونك

عمرو عمارة

[medohai510]

بالنسبة لقاعدة الموتور الميكانيكي بص عليها وقالي مفيش حاجة كلة تمام والحمد لله. وأنا أن شاء الله هعملها طالما فكها وتركيبها مفيش فية مشكلة.
الفلتر بتاع الشكمان الأصلي بــ1500 جم علي الأقل ووظيفتة تنقية العادم طبقاً لمواصفات أوروبا ولكني هسأل الميكانيكي هو بيتعمل فيه أية وأزاي وهبقي أقول لكم وأخذ رأيكم برضة.
أما كاوتش الكوبلن سألت عليها في التوكيل الواحدة بــ135 جم الفرنساوي الأصلي.(حاسس أنها مبالغ فيها جداً)

[عمرو عمارة]

بالنسبة لقاعدة الموتور الميكانيكي بص عليها وقالي مفيش حاجة كلة تمام والحمد لله. وأنا أن شاء الله هعملها طالما فكها وتركيبها مفيش فية مشكلة.
الفلتر بتاع الشكمان الأصلي بــ1500 جم علي الأقل ووظيفتة تنقية العادم طبقاً لمواصفات أوروبا ولكني هسأل الميكانيكي هو بيتعمل فيه أية وأزاي وهبقي أقول لكم وأخذ رأيكم برضة.
أما كاوتش الكوبلن سألت عليها في التوكيل الواحدة بــ135 جم الفرنساوي الأصلي.(حاسس أنها مبالغ فيها جداً)

احسبها شوف الـ135 جنيه دي هتحفظلك على كوبلن تمنه كام

[medohai510]

أهلاً بيك يا عمرو باشا ومتشكر علي الرد السريع،،،
الصراحة أنا عارف أن الكوتشة الصغيرة دة هتحافظ علي الكوبلن فعلاً بس أنا لسه مغيرها في الدايو 2 كوتش كوبلن كوري أصلي بــ60 جم، طب ليه للكليو الأثنين بــ270 جم.
وعلي فكرة أنا جبت قطع الغيار المذكورة من ميشيل حليم (كما نصحتني قبل كدة) في شارع الترعة البولاقيه في شبرا وهو فعلاً محترم وعندة كل حاجة للكليو والميجان.

[عمرو عمارة]

أهلاً بيك يا عمرو باشا ومتشكر علي الرد السريع،،،
الصراحة أنا عارف أن الكوتشة الصغيرة دة هتحافظ علي الكوبلن فعلاً بس أنا لسه مغيرها في الدايو 2 كوتش كوبلن كوري أصلي بــ60 جم، طب ليه للكليو الأثنين بــ270 جم.
وعلي فكرة أنا جبت قطع الغيار المذكورة من ميشيل حليم (كما نصحتني قبل كدة) في شارع الترعة البولاقيه في شبرا وهو فعلاً محترم وعندة كل حاجة للكليو والميجان.

ما هي دي ضريبة ان انت راكب عربية محترمة:)

عمرو عمارة

[momoneer]

ازاى مغير كل الحاجات دى ولسه هتغير حاجات غيرها يعنى الموضوع داخل فى الف ةنص فى اربع شهور؟؟؟؟
هل استخدامك فيه شئ من القسوه؟؟؟

[medohai510]

فعلاً أنا بسوق الدايو 2 والكليو ولكن هناك فرق كبير بينهم في القيادة والتحكم مع كامل أحترامي للدايو فهي سيارة محترمة كمان لكن الفرنساوي يكسب في الرفاهية والأمان والنعومة وهدوء صوت الموتور و..... .

[momoneer]

عندى سؤال محيرنى
ازاى فى اربع شهور تصرف على عربيه رينو محترمه ال ونص عملت ايه فيها ؟؟؟؟؟

[عمرو عمارة]

عندى سؤال محيرنى
ازاى فى اربع شهور تصرف على عربيه رينو محترمه ال ونص عملت ايه فيها ؟؟؟؟؟

السلام عليكم

انت داخل في الراجل شمال كدة ليه!!؟ ما هو قال في الاول انه شاري العربية مستعملة ( اعتقد عاملة 120000 كيلو ) يعني كدة الكوبلن الاصلي عاش فيها 120 الف...دي كدة مش عربية محترمة؟؟؟؟!!
وبعدين الالف ونص الي هو صارفهم داخل فيهم طقم كاتينة بـ550 جنيه ودي صيانة دورية لازم تتعمل كل 60 الف كم
ايه بقى كمان الي مش عاجبك والي مخلي العربية مش محترمة ؟؟؟!

عمرو عمارة

[عمرو عمارة]

عندى سؤال محيرنى
ازاى فى اربع شهور تصرف على عربيه رينو محترمه ال ونص عملت ايه فيها ؟؟؟؟؟

انا اسف يا باشا واضح ان انت ماكنتش عارف ان العربية مستعملة وعاملة 120 الف كم وانت اعتقدت انه شاريها جديد من 4 شهور وليك حق تفتكر ان هو بيهنها وان حاجتها مش معمرة

اسف مرة اخرى

عمرو عمارة

[momoneer]

يا عمرو باشا انا فهمت انها جديده شئ طبيعى انى استغرب لأنى بحب الرينو جدا والكلام مش طبيعى بالنسبه لعربيه جديده ولكن دلوقتى فهمت خلاص وعذراً لسوء فهمى...
فى هذه الحاله لو حيدفع لحد 3000 جنيه والعربيه ترجع زى ما الكتاب بيقول مش كتير
اصل دى رينو مش 128