الميجان 2 مخنوقة وساعات تبقى كويسة وساعات مبتسحبش ؟ طرمبة بنزين ؟

[shawkylotfy]

الميجان 2 مخنوقة وساعات تبقى كويسة وساعات مبتسحبش ؟ طرمبة بنزين ؟

مع العلم لما بتبقى كويسة واجى اعمل كيك دوان والار بى ام يجى يعدى ال 4 تقوم متكتفة وتلقط تانى

[solly1979]

السحب عندى فرق لما غيرت حساس انجيكشن كان ب 360 جنيه

حطها على كمبيوتر وشوف فيها ايه

[humo]

سبحان الله نفس اللي بيحصل معايا اليومين دول شكلك زي حلاتي مشيت لغايت اخر التنك ونفس الشك اللي عندي انه من الطرمبة اول معرف هاقول بس غالبان مش اليومين دول

[MohammedAladel]

يعنى ايه كيك داون بالظبط ؟؟؟ يعنى مثلا تبقى ماشى على الرابع وترجع للتالت عشان تدى عزم أعلى ؟

[amr_mabd]

أنا كان عندي نفس المشكلة و كان ال rpm بيقطع طلعة المشكلة من البوجيهات

[lanos2004]

انا لقيت فى طرمبه البنزين رمل-والله رمل --والار بى ام كان بيفصل مرة على 6 ومرة على 5-والمفروض سته ونص

[shawkylotfy]

المشكلة طلعت من الخرطوم الى ما بين التانك وفلتر البنزين مليان طين ومسدود طبعا اكتشفنا كدة بعد ما غيرنا طرمبة على الفاضى وعملنا كل حاجة ممكن تتخيلها

[Shiref_mohamed]

المشكلة طلعت من الخرطوم الى ما بين التانك وفلتر البنزين مليان طين ومسدود طبعا اكتشفنا كدة بعد ما غيرنا طرمبة على الفاضى وعملنا كل حاجة ممكن تتخيلها

يا ساتر ده عيب خبيث جدااااااااااااااااااااااااااااااا
بس كويس انك عرفته بسرعه لآن العيوب دبه ساعات بتدوخ وبرضه مبتتعرفش

[MohammedAladel]

أنا فعلا كان بيحصل معايا كدا والعربية بعد ما فولتها بنزين اختفت المشكلة الحمد لله والعربية سحبها رجع تانى تمام الحمد لله

[Ghamrawy]

دى واضح انها مشكلة عامة فى كل العربيات بعد موضوع ازمة البنزين المفتعلة
انا عن نفسى بعانى من المشكلة دى لغايية دلوقتى و كنت شاكك فى طقم الدبرياج
حسبى الله و نعم الوكيل

[Abo_Lina]

و الله حرام اللي بيحصل فينا و في عربياتنا ده
طين و رمل ؟
احنا عايشين فين