هاااااام وارجو المساعدة (( اللباد العازل ))

[sleepyhammer]

السلام عليكم يا شباب
كنت قرأت موضوع هنا قديم عن اللباد وخطورته لو مش ثابت

المهم انا عندى مش متثبت كويس من فوق عند الفبرة اللى تحت المساحات وحاسس انه متبهدل من فوق ومش عارف ايه نظامه من ورا الموتور ومن تحت

فعايز اعرف سعره كااااام وتغييره يتكلف كتير علشان انا قلقت جدا من الموضوع ده

[تامر.محمد]

هي الميجان فيها لباد على الكبوت اصلا ؟

[yalahwy2010]

هي الميجان فيها لباد على الكبوت اصلا ؟

بيبقى موجود بين صدر العربية والموتور...........بس متهيألى ده مش لباد.......ده صوف حرارى لعزل حرارة الموتور
اللباد ممكن تلاقيه بين موكيت أرضية العربية وصاج الأرضية (تحت الموكيت علطول)

[shawkylotfy]

ثبتة يمسامير سن ساج صغيرة فى الفبرة الى فوق منة

[sleepyhammer]

اثبته بمسامير بس ؟
طب ومن تحت ومن ورا الموتور اشوفه ازاى؟ لو كان بايظ ولا حاجة
والجميل انى شوفت كذا ميجان الموضوع ده فيها ان تلاقيه متبهدل ومهرى وواقع من فوق كده
انا هجرب واقولكم عملت ايه

[WALEEDELGINADY]

ياباشا من غير قلق ولا تعب ولا حاجة اللباد العازل بين حوض الموتور و صالون العربية عرضه ليس كما تتخيل (وكما كنت أتخيل) وممكن تشتريه وتغيره عند أى حد خلال ربع ساعة بالكتر وتمنه حوالى 150 أو 200 جنيه بالكتير و أنا إشتريته من بلدوزر الرينو اللى فى صقر قريش

[sleepyhammer]

ياباشا من غير قلق ولا تعب ولا حاجة اللباد العازل بين حوض الموتور و صالون العربية عرضه ليس كما تتخيل (وكما كنت أتخيل) وممكن تشتريه وتغيره عند أى حد خلال ربع ساعة بالكتر وتمنه حوالى 150 أو 200 جنيه بالكتير و أنا إشتريته من بلدوزر الرينو اللى فى صقر قريش

ده لباد نوعه ايه ؟؟؟ بتاعها يعنى ولا عموله؟

وبيتركب بسرعه ازاى مش المفروض بيشيل الموتور؟؟؟

[abasse]

ده لباد نوعه ايه ؟؟؟ بتاعها يعنى ولا عموله؟

وبيتركب بسرعه ازاى مش المفروض بيشيل الموتور؟؟؟

بتشيل الماتور لا طبعا ياباشا الفبرة الى تحت المساحات بس هى الى بتتفك وبعدين هوا فعلا متثبت بمسامير تحس أنها فبر فى الصدر عشان يعزل الحرارة عن الصالون سألت عليه من كام شهر فى التوكيل كان حوالى 450 بس مكنش موجود ساعتها وهوا على فكرة عبارة عن قطعتين واحدة فوة والتانية بتبقى فوق الفرن فنصيحة الى يركبة يكون فاهم لانه تقريبا عبارة عن صوف حرارى وفعلا فى حالة هنا تقريبا للاسف كان متبهدل ووقع على الفرن وولع الدنيا بالتوفيق ومتابع

[sleepyhammer]

مهو علشان كده انا عايز اغيره للاحتياط وربنا يسهل وهسأل فى التوكيل واشوف

[abdo6179]

اللباد

عربيتى موديل 2006 لسه مغير اللباد من اسبوع فى التوكيل فرع سموحه دفعت 720 جنيه واللباد فى الميجان قطعتين علوى وسفلى انا غيرت الجزء العلوى فقط لانه الاهم علشان خلف الفرن وممكن يحدث حريق لا قدر الله اما الجزء السفلى بحوالى 1000 جنيه

[meso76]

مهو علشان كده انا عايز اغيره للاحتياط وربنا يسهل وهسأل فى التوكيل واشوف

انا لسه سائل عليها فى فرع العبور يوم الخميس وقالولى حاليا مش موجوده وطبعا خايف اركبها بره التوكيل لأن لو درجة تحملها للحرارة مش زى الأصلى ممكن تعمل كارثة

[Mohd_Adel_Amin]

انا ربطته عند الميكانيكي بأفايز , الميكانيكي عمل خرم في اللباد ودكك الأفيز فيه وبعدين ربطه في حاجة في ضهره (بس انا مش فاكر هيا كانت ايه بصراحة ) وبس ,, ومن ساعتها الحمد لله متثبت كويس .

[sleepyhammer]

انا ربطته عند الميكانيكي بأفايز , الميكانيكي عمل خرم في اللباد ودكك الأفيز فيه وبعدين ربطه في حاجة في ضهره (بس انا مش فاكر هيا كانت ايه بصراحة ) وبس ,, ومن ساعتها الحمد لله متثبت كويس .

عملتها عند مين طيب انا اخد بالى انك من اسكندرية !!!

ممكن عند سامح الهوارى؟؟

[MohammedAladel]

أنا ملاحظ ان فيه عازل صوف حرارى زى ما قال العضو فوق لكنه عندى مش متثبت كويس باين عليه ومليان تراب وبالنسبة للعربية عندى انا اشترتها مستعملة لما بكون قافل الزجاج كله والأبواب كلها بسمع صوت الموتور هل دا طبيعى بس مش صوت عالى صوت لكنه خفيف واللى راكب ورا بيسمع زنة الشكمان هل دا عادى ؟

[Mohd_Adel_Amin]

عملتها عند مين طيب انا اخد بالى انك من اسكندرية !!!

ممكن عند سامح الهوارى؟؟

لا الحقيقة عملتها عند حمدي بيرو في الحرفيين , لو حضرتك عايز نمرته ابعثها لحضرتك على الخاص ..