رينو فلوانس 2012

[sherif_ellethy]

الأصدقاء الأعزاء في هذا المنتدي الرائع ... انا علي وشك شراء سيارة جديدة ان شاء الله ... واستقريت لحد كبير علي الرينو الفلوانس ... وكنت حابب أعرف رأيكم ... مميزاتها ... عيوبها ... ولكم جزيل الشكر

[yalahwy2010]

بص حضرتك........هو ما شاء الله على العربية من كتر المزايا صعب اوى تتكتب
ممكن حضرتك تقرأ الموضوع ده وبعد ما تقراه......انزل علطول على المعرض وخلص فى الفئة التانية اوتوماتيك......او التوب لاين

http://www.nilemotors.net/Nile/147081-a.html

[yalahwy2010]

وشوف دى كمان

http://www.nilemotors.net/Nile/292141-a-2.html

[yalahwy2010]

وشوف الكلام الكتير ده
أنا عايز أعمل شكر خاص لمالكى الفلوانس وأحب أوضح شوية حاجات فى العربية مش موجودة فى أى عربية تانية
أنا هحكيلكم حكايتى مع العربيات من طأطأ لسلام عليكم
أنا كان معايا ميجان 2005......واشتريتها مستعمل سنة 2009 وقعدت معايا حوالى سنتين و 9 شهور
الميجان من العربيات المحترمة جدا وعربية ركوبة فعلا.........بس مشكلتها فعلا فى أعطالها الغير منطقية واللى مش موجودة فى عربيات تانية أقل منها فى المستوى......والقلق اللى جالى وانا بركبها نتيجة التجارب اللى مريت بيها ......
المهم.........بعتها وجبت سيفك 2009 مستعملة......وكانت عربية حالتها ممتازة........لكن للأسف .....ما استريحتش فيها خالص.......والسبب هى الميجان
الميجان عودتنى على حاجات ممتعة.........ومالقيتهاش فى السيفك
يعنى على سبيل المثال...........لما بروح افتح الشنطة بتاعة السيفك.......لازم أحط المفتاح او افتحها من الدراع اللى جوة..........لكن الميجان من الشنطة نفسها..........السنتر بتعها بيشمل فتحة تنك البنزين والشنطة وكله........
واللى خلانى أشترى السيفك...انى كنت فاكر ان الفلوانس بنفس أعطال الميجان...........لكن لما قريت ال 123 صفحة ( رابطة حائزى الفلوانس) وعرفت ان العربية ما شاء الله مافبهاش أعطال الميجان..........عزمت النية على شاء الفلوانس والحمد لله ربنا وفقنى واشتريتها (تانى فئة اوتوماتيك)
العربية لما ركبتها ......بس الله ما شاء الله.............حاجة تفرح وتفتح النفس فى سواقة العربية
العربية هقول على شوية مميزات للأخوة اللى ممكن يقروا اللى انا كاتبه وتساعدهم على الاختيار:
1. أولا العربية كراحة فى الركوب......حاجة فوق الوصف فى الراحة فى المناورة والكرسى المريح ..........
2. الباور الناعم اللى بيخلى الواحد وهو بيركن مش تعبان ولا بيفرق معاه فى الطلوع والرجوع
3. الارتفاع عن الأرض.......يعنى انسى المطبات والنقر والتكسير اللى تحس بيه وانت سايق......يعنى لو معاك 3 أفراد فى الكنبة الخلفية.......صعب جدا تحك فى مطب رخم
4. الشنطة الواسعة اللى تشيل شنط كتييير جدا .....
5. الصاج المحمل ومددى منظر للعربية بالقوة والصلابة.....لو واحد ركن عليها ماتلاقيش الصاج عروج
6. الكماليات اللى مالهاش حصر...........تحس انهم كانوا عايزينك تدخل وتسيب العربية تمشى لوحدها من غير ما تتعب نفسك وتدوس بنزين وفرامل........آه...........الفرامل بالصلاة على النبى.........مش قادر أوصف الفرامل........من الآخر (أحسن من السيفك والفانتازيا)
7. الكنبة الخلفية مريحة جدا للى بيقعد ورا..........واسعة جدا ومريحة جدا جدا
8. العزل ثم العزل ثم العزل ........حاجة تحفة......بس صوت الموتور بيطلع فوق ال 160 .......بس قبل كدة........ولا الهوا.....انسى صوت الظلط والأسفلت الوحش والهوا والكلام ده كله
7. أنا مش هتكلم عن الكماليات .......عشان بتختلف من فئة للتانية...........بس اللى عايز يشترى......ما يشتريش أقل من الفئة التانية أوتوماتيك
8. بالنسبة لإعادة البيع..............لو العربية إعادة البيع ما اتحسنتش.......عمرى ما هفكر أغير...........ولو حبيت أغير.......يبقى أكيد هفكر فى الفلوانس 2015...........لو غيرت لأحسن..........يعنى الميجان لو كانت بدون أعطال.........ماكنتش بعتها..........لأنى بصراحة ما لقيتش ركوبة أحسن منها....ماعدا الفلوانس

وبالتوفيق لأى حد ناوى يشترى ويجيب فلوانس ........ومش هيعرف قيمة اللى انا بقوله الا لما يقران بينها وبين أى عربية تانية فى نفس فئتها السعرية أو أعلى منها لغاية 50 ألف جنيه

[mah_khourshid]

وشوف الكلام الكتير ده
أنا عايز أعمل شكر خاص لمالكى الفلوانس وأحب أوضح شوية حاجات فى العربية مش موجودة فى أى عربية تانية
أنا هحكيلكم حكايتى مع العربيات من طأطأ لسلام عليكم
أنا كان معايا ميجان 2005......واشتريتها مستعمل سنة 2009 وقعدت معايا حوالى سنتين و 9 شهور
الميجان من العربيات المحترمة جدا وعربية ركوبة فعلا.........بس مشكلتها فعلا فى أعطالها الغير منطقية واللى مش موجودة فى عربيات تانية أقل منها فى المستوى......والقلق اللى جالى وانا بركبها نتيجة التجارب اللى مريت بيها ......
المهم.........بعتها وجبت سيفك 2009 مستعملة......وكانت عربية حالتها ممتازة........لكن للأسف .....ما استريحتش فيها خالص.......والسبب هى الميجان
الميجان عودتنى على حاجات ممتعة.........ومالقيتهاش فى السيفك
يعنى على سبيل المثال...........لما بروح افتح الشنطة بتاعة السيفك.......لازم أحط المفتاح او افتحها من الدراع اللى جوة..........لكن الميجان من الشنطة نفسها..........السنتر بتعها بيشمل فتحة تنك البنزين والشنطة وكله........
واللى خلانى أشترى السيفك...انى كنت فاكر ان الفلوانس بنفس أعطال الميجان...........لكن لما قريت ال 123 صفحة ( رابطة حائزى الفلوانس) وعرفت ان العربية ما شاء الله مافبهاش أعطال الميجان..........عزمت النية على شاء الفلوانس والحمد لله ربنا وفقنى واشتريتها (تانى فئة اوتوماتيك)
العربية لما ركبتها ......بس الله ما شاء الله.............حاجة تفرح وتفتح النفس فى سواقة العربية
العربية هقول على شوية مميزات للأخوة اللى ممكن يقروا اللى انا كاتبه وتساعدهم على الاختيار:
1. أولا العربية كراحة فى الركوب......حاجة فوق الوصف فى الراحة فى المناورة والكرسى المريح ..........
2. الباور الناعم اللى بيخلى الواحد وهو بيركن مش تعبان ولا بيفرق معاه فى الطلوع والرجوع
3. الارتفاع عن الأرض.......يعنى انسى المطبات والنقر والتكسير اللى تحس بيه وانت سايق......يعنى لو معاك 3 أفراد فى الكنبة الخلفية.......صعب جدا تحك فى مطب رخم
4. الشنطة الواسعة اللى تشيل شنط كتييير جدا .....
5. الصاج المحمل ومددى منظر للعربية بالقوة والصلابة.....لو واحد ركن عليها ماتلاقيش الصاج عروج
6. الكماليات اللى مالهاش حصر...........تحس انهم كانوا عايزينك تدخل وتسيب العربية تمشى لوحدها من غير ما تتعب نفسك وتدوس بنزين وفرامل........آه...........الفرامل بالصلاة على النبى.........مش قادر أوصف الفرامل........من الآخر (أحسن من السيفك والفانتازيا)
7. الكنبة الخلفية مريحة جدا للى بيقعد ورا..........واسعة جدا ومريحة جدا جدا
8. العزل ثم العزل ثم العزل ........حاجة تحفة......بس صوت الموتور بيطلع فوق ال 160 .......بس قبل كدة........ولا الهوا.....انسى صوت الظلط والأسفلت الوحش والهوا والكلام ده كله
7. أنا مش هتكلم عن الكماليات .......عشان بتختلف من فئة للتانية...........بس اللى عايز يشترى......ما يشتريش أقل من الفئة التانية أوتوماتيك
8. بالنسبة لإعادة البيع..............لو العربية إعادة البيع ما اتحسنتش.......عمرى ما هفكر أغير...........ولو حبيت أغير.......يبقى أكيد هفكر فى الفلوانس 2015...........لو غيرت لأحسن..........يعنى الميجان لو كانت بدون أعطال.........ماكنتش بعتها..........لأنى بصراحة ما لقيتش ركوبة أحسن منها....ماعدا الفلوانس

وبالتوفيق لأى حد ناوى يشترى ويجيب فلوانس ........ومش هيعرف قيمة اللى انا بقوله الا لما يقران بينها وبين أى عربية تانية فى نفس فئتها السعرية أو أعلى منها لغاية 50 ألف جنيه

من اجمل واحسن الكلام المقنع جدا لاي واحد جرب الرينو فلونس
اشكرك علي هذا التقرير المتألق

[sherif_ellethy]

شاكر جدا لحضرتك

[Land_Cruiser]

عربيه محترمه قوى فيها امان و كماليات و ثبات و استهلاك بنزين معقول و ما شاء الله منتشره. هو كان فى بعض الملاحظات على التكييف بتاعها ضعيف حبتين مقارنه بالياباني لكن غير كده زى الفل ما شاء الله . انا بس محبش الخليجى منها شكلها ما بيجبنيش لكن بتاعه الوكيل أحلى منها فى الشكل

[yalahwy2010]

عربيه محترمه قوى فيها امان و كماليات و ثبات و استهلاك بنزين معقول و ما شاء الله منتشره. هو كان فى بعض الملاحظات على التكييف بتاعها ضعيف حبتين مقارنه بالياباني لكن غير كده زى الفل ما شاء الله . انا بس محبش الخليجى منها شكلها ما بيجبنيش لكن بتاعه الوكيل أحلى منها فى الشكل

+1111111111111

[S O P H O S]

ما شاء الله الكلام عن العربية
يفتح النفس
ان شاء الله بالتوفيق ..

[sherif_ellethy]

الحمد لله النهارده رايح استلم العربية الجديدة فلوانس 2012 e3 ادعولي

[yalahwy2010]

الحمد لله النهارده رايح استلم العربية الجديدة فلوانس 2012 e3 ادعولي

ألف مبروووك
ربنا يديك خيرها ويكفيك شرها

[sherif_ellethy]

Aux - usb

حد يا جماعة ممكن يفيدني هل في وصلة تاخد من ال aux |اللي في العربية وتخرج usb ?

[Ahmed_selmy]

مبروك يا استاذ شريف العربيه
عايزين راى حضرتك ايه فى العربيه وخصوصا موضوع النتشه بتاعة الفتيس والسحب على الاول والتانى اخباره ايه؟
هو حضرتك استلمت بعد الحجز بقد ايه

[harizy]

ألف مبروك مقدماً وإن شاء الله تأخذ خيرها كله يارب أمين

[Ahmed_selmy]

الحمد لله النهارده رايح استلم العربية الجديدة فلوانس 2012 e3 ادعولي

فين تقريرك الحلو يا استاذ شريف
عايزين نعرف انطباعك عن العربيه والمشى بيها وسحبها والتكييف و مجمل كده اخبارها ايه؟؟