Tweet
yaret n3raf se3ro
-
-
محدش راضي يقول هو اتغير ازاي وجابه بكام ومنين ؟؟ هو موضوع سريComment
-
أنا بصيت تحت الكرسى لقيت سلك تحت الكراسى الأماميين هو دا الشريط ؟ وبعدين خليه اتقطع يعنى إيه الخطورة ؟؟؟[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
انا اسف على التأخير في الرد ياجماعه بس انما كنت مسافر مصيف ولسه راجع من يومين ..
المهم نيجي لصاحبنا شريط الأيرباج ..
مبدأيا اخوكم غاوي شغل الكهرباء والألكترونكس جامد بحكم دراستي وشغلى كمان ولما اشتريت الميجان بتاعتي جبتها ولمبة الأيرباج منوره وصاحبها قالى انه غير الشريط قبل كده في التوكيل وبرضه اتقطع ولما لاقيت الموضوع متكرر في الميجان ومتكرر في عربيات تانية كتير فيها شريط ايرباج فكان القرار اني افكه واصلحه وقد كان وده الشرح بس للأسف مصورتش طريقة الفك من الأول بس هي معروفة المهم نبدء بسم الله
العده المطلوبة
1- طقم الانكيه نجمه 2- كاوية لحام وقصدير نضيف 3- فلكس من راديو شاك عشان جوده اللحامات 4- مفك عادي رفيع خالص لفك كلبس فيشتين كبسولة الأيرباج 5- مفك عادي وسط لفك مجموعة وسط الدركسيون بتاعه الكلاكس
1- وقف العربية ونعدل الدركسيون ونخرجه لبره على اخره
2- هنفك كابل البطارية الموجب
3- هنفك القطمتين الفبر الى ورا الدركسيون في واحده مربوطه ب3 مسامير وواحده مربوطه بمسمارين
4- في خرم خلف الدركسيون هندخل فيه مفك ونزقه لجوه وفي نفس الوقت نرفع لفوق الجزء الى فيه علامة الرينو بتاع الكلاكس الى في الدركسون لحد ميطلع معانا
5- هنستخدم المفك العادي الرفيع خالص عشان نفك كلبسات فيشتين كبسولة الأيرباج بالراحه وبعدين نسحبهم لبره عشان يخرجو من الكبسولة وكده نبقى حررنا مجوعه وسط الدركسيون الى بتشغل الكلاكس
6- هنستخدم الانكيه نجمه كبير نفك بيه المسمار الكبير الى رابط الطارة من المنتصف هنلاقي الطارة خرجت من مكانها (منقلقش الطارة ليها بنز يعني مينفعش تركب غير على وضع واحد بس)
7- نبداً بعد كده نفك الفيش الى جوه الدركسيون الكلاكس والأرضي والمثبت ونعدي الفيش ديه من الفتحه الى في الطارة ونخرج الطارة بره خالص وكده يبقى ظهر شريط الأيرباج وده شكله
طيب حد يقولى ياكابتن لطيف ده هيتفك ازاي .. انا اقولك هنبص في ضهره هنلاقي مسمار الانكيه رابط الحلقة الى مثبتاه على قطمة الدركسيون هنهوي المسمار شويه عشان الحلقة تفك وبعدين نشد المجموعه كلها لبره هتطلع معانا وبعدين هنلاقي في ضهره 3 فيش بالشكل ده
هنفكهم منه هنلاقيه في ايدينا زي الصورة الى فاتت اه نسيت اقول اننا هنفك منه الكنترول بتاع الكاسيت
8- هناخد مجوعه شريط الأرباج ونطلع على البيت ومعانا طقم الألانكيه النجمه والمفك العادي الرفيع والكاويه والقصدير والفلاكس
9 - هنشرب كوبايه شاي محترمه عشان نركز في الى جاي
10 - هنبداً بتفكيك المجموعه وهي كلها كلبسات لحد مانشوف الشكل ده
ده منظر الشريط المقطوع وهو عبارة عن شريط بلاستيك ماشي جواه تراكات نحاس زي نظام فلاته الموبايل كده وفي حالتى انا كان مقطوع من اخره من عند السوكت بتاعه وكان لافف حوالين نفسه ومتكرمش خالص وهوه ده الى بيعمل صوت التكتكه الى بنسمعه لما بنلف الدركسين (ليه طريقه لف معينه على الدايره البيضاء الى في الصورة)
فكيت الشريط ده بره خالص وبدأت رحلة البحث عن شريط زيه جديد بدل المكرمش بتاعي ..
نزلت لفيت على كل بتوع الألكترونيات ومول النخيلي ولاكن دون جدوي مفيش منه خالص وهنا بدأت احس بالأحباط وان اللمبي فشل ..
ولاكن لايأس مع الحياه ولا حياة مع اليأس انا قولت هلحمه وهجرب وكان عندي مشكله الكرمشه وديه اتغلبت عليها بأني جبت المكواه بتاعت الهدوم وجبت حتتين كارتون وحطيت الشريط في وسطيهم واديتها مكواه لحد ما الشريط اتفرد وبقي تمام التمام وبعدين جبت قطنه وكحول ونضفت الشريط كويس من الشحم والتراب الى كان عليه ..
11- بدأت انضف كويس السوكت واشيل منه الجزء المقطوع بإستخدام الكاوية وده كان شكله
12- جبت الشريط نفسه وبدأت اسيح طرفه عشان ابين الأطراف النحاس عشان نلحمهم على السوكت
13- نبدا نحط الشريط مكانه ونلحم ونستخدم فلاكس راديو شاك عشان جوده اللحامات وعشان مفيش لحام يجي على الى جمبه
14- بعد اللحام نستخدم الأفوميتر عشان نختبر جوده اللحامات وان مفيش تراكين واصلين على بعض وكده نبقى لحمنا الشريط تمام
15- لازم بعد كده ننضف كويس المكان الى بيركب فيه الشريط من اثار الشحم المتجمد والتراب وبعدين نبداُ نلف الشريط في مكانه ونقفل مع مراعاه ان التركيب ليه دليل (خرم في الدايره الى فوق وخرم في الدايره البيضاء وخرم تحت لازم كلها يكونو قصاد بعض) ونركب عى كده
ملحوظه التقفيل بيحتاج شويه صبر عشان يبقى مظبوك والدليل مظبوط لآن لو مركبش صح هيبقى عدد اللفات في جمب اكتر من جمب تاني وده هيقطع الشريط تاني بمجرد التركيب
16- بعد ما قفلنا نعيد خطوات الفك بالعكس ومبروك الشريط اتلحم واللمبة طفت وانا كده بقالى تقريباً شهر من ساعت ما اتلحم وحتى الأن كله تمام....
نيجي بقى لمشكلتي الى كانت مخليه اللمبه منوره وخلتني جبت شريط استيراد وي الفيشة الى تحت الكرسي عليها اللعنه ..انا جبت الشريط الأستيراد من غير مثبت بـ 700 جندي من صقر قريس من محل للأسف مش فاكر اسمه بس رجعته تاني لما الى لحمته اشتغل ..
طيب حد يقولى ياكابتن انتا برضه مقولتش ايه سبب قطع الزفت الشريط ده...
1- انا لاحظت ان الدايرة الى متقفله من فوق على الشريط فيها عيب تصميم بمعني المفروض يكون ليها شفه لتحت زي غطا زجاجه الميه كده عشان تمنع دخول الأتربه للشريط
2- الشريط والدايره البيضاء بيبقى عليهم شحم عشان سهوله حركه الشريط على البلاستيك الشحم ده بمرور الوقت والحرارة والبروده بيحصله تجمد وتحجر ويبداء يعض في الشريط اثناء اللف ويخليه يلف حوالين نفسه وبالتالي تك تك تك تك وبعدين اللمبه تنور
وهيه ديه المشكله الأساسيه الى بتقطع الشريط وانا لما فكيت عندي نضفت الشحم ده بقطنه وبنزين ولما قفلت حطيت عليه نقطتين زيت خفييف من بتاع مكنه الحلاقه عشان سهوله الحركه برضه ..
طيب كان في ناس بتقول ان كسر الدركسيون على الأخر بسرعه هو الى بيقطع الشريط احب اقولهم ان مش هيا ديه المشكله لآن الشريط معمول بنظام يسمحله يلف نص لفه زياده في كلا الإتجاهين بدون ما يتقطع المشكله زي ما قلت في تجود الشحم الى عليه ..
وبكده نبقى وصلنا لنهايه المباراه وانا قلت الموضوع ده للإفاده للى عنده الخبره والعده ومينفعش اي حد يعمل الموضوع بنفسه بدون خبره في المجال لآن ممكن لاقدره الله لو تركات لمست بعضيها ده يفتح الأيرباج
تاني انا بحذر الناس انا عملت كده بقلب جامد عشان الحمد الله عندي الخبره في المجال ده وفي مجال الكهرباء عموماً
واي استفسار انا في الخدمه والسلام عليكم ورحمة الله وبركاته .
ايه الرغي ده كله
[CENTER][SIZE=5]
[/SIZE][/CENTER]Comment
-
شكرا لحضرتك على الموضوع الجميل أنا كنت فاكر إن الشريط دا بيتقطع من تحت الكرسى ! بالنسبة للبطارية المفروض أشيل السلك السالب فى الأول ليه حضرتك بتشيل الموجب الأول ؟ وإيه هيحصل لو غيرته من غير ما أفصل البطارية ؟ وإيه الخطورة من عدم تغيير الشريط ؟؟؟؟؟؟؟؟؟؟؟ ولا هى مجرد إن اللمبة هتبقى منورة بتاع الإيرباج ؟[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
هو ليه غالى كدا ؟؟ وكمان أستيراد ؟؟[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
آه صح بالنسبة لإنك تشيل الطارة من مكانها قرأت موضوع للباش مهندس هشام لما غير طارة الدركسيون فى عربيته بطارة أخرى بها مثبت سرعة فاستعان بمهندس وصنايعى من التوكيل عشان يركبولوا الطارة لأنها بتتظبط مع العجل ببرنامج وليس يدويا ولا يمكن عشان ركب طارة جديدة ؟[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
ربنا يخليك لاشكر على واجب ..المشاركة الأصلية كتبت بواسطة mohammedaladel مشاهدة المشاركة
اما بالنسبة للبطارية اهم حاجه تفك منها كابل + او - مش فارقه
لو فكيت الكلام ده من غير ماتفك كابل البطارية الأيرباج ممكن تضرب في وشك وديه مصيبة وكمان مينفعش نعمل اي شغل كهربا او تغيير في القطع الكهربائية والبطارية متوصله (خطر جداً)
اما بالنسبة للي هيحصل لو مغيرناش الشريط هتفضل لمبات الأيرباج والسيرفيس منورين بس وكمان لاقدر الله لو حصل حادثة جامده الأيرباج مش هتفتح .[CENTER][SIZE=5]
[/SIZE][/CENTER]Comment
-
عو غالي بس بصراحه يستاهل تمنه وكمان متنساش ان فيه مفاتير الأنوار والمساحاتالمشاركة الأصلية كتبت بواسطة mohammedaladel مشاهدة المشاركة[CENTER][SIZE=5]
[/SIZE][/CENTER]Comment
-
انا كمان كنت فاكر كده لما قريت موضوع م.هشام وده خلاني لما جيت افك الطارة قعدت اظبط العجل واعلم مكانها كويس عشان متخلفش مني سنة يمين او شمال بس بمجرد ما فكيت المسمار الكبير الى مثبتها وخرجتها بره لاقيت الأكس فيه بنز او زنبه واستحالة الطارة تخلف في التركيب عشان كده وضحت النقطه ديه للناس الى خايفة من فك الطارةالمشاركة الأصلية كتبت بواسطة mohammedaladel مشاهدة المشاركة[CENTER][SIZE=5]
[/SIZE][/CENTER]Comment
-
عارف حضرتك إن المشكلة فى فعلا فى اللحام يعنى لازم مكواة لحام نوع كويس جدا عشان تلحم بدقة ولازم قصدير يكون برضه نوع عالى لأن بسهولة ممكن يحصل مس كهربى أما الفلكس دا اللى من راديو شاك معرفوش هو عبارة عن إيه ؟؟[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
فعلاً لازم الكاوية تكون نوع كويس ويكون سنها رفيع وكمان القصديرالمشاركة الأصلية كتبت بواسطة mohammedaladel مشاهدة المشاركة
وفلاكس راديو شاك ممتاز وميزته انك لما بتحطه على اللحامات حتى لو الحامات كلها لامسه بعضها بتلاقيها كلها بعدت عن بعض وشكل نقطه اللحام بيبقى جميل[CENTER][SIZE=5]
[/SIZE][/CENTER]Comment
-
ياجماعه لو حد عنده شريط قديم مقطوع ممكن يكلمني ويجبهولى لو ينفع يتصلح هصلحوله وهجربه وبدون مقابل خدمة لأعضاء القسم[CENTER][SIZE=5]
[/SIZE][/CENTER]Comment
-
يا راجل ربنا يكرم أصلك ويجعله فى ميزان حسناتك إن شاء الله[SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]Comment
-
ربنا يخليك ياباشا وده بس رد جزء من جمايل الناس هنا ولآني بجد استفدت كتير من المنتدي وده الى خلاني احب الميجان واجيبها[CENTER][SIZE=5]
[/SIZE][/CENTER]Comment
Comment