مساعده فى التكييف

[byada10]

البكره اليمين اللى عليها العلامه الحمرا المفروض ان دى وش بس

و اللى تحتها وش و رجل

و اللى تحتها رجل بس

الباقى بقى يعنى ايه ؟

و البكره اللى ع الشمال برضه الاختيارين دول معناهم ايه ؟

و الزرار اللى جنب AC ده برضه لزمته ايه

و شكرا

[wael2sh]

بص أنا مش فاهم قصدك بوش ورجل
1البكر اليمين ده علشان خروج التكيف من الفاتحات الفوق بس أو من فوق و تحت عند القدم وهكذا حسب توضح الرسم ودي الحركة بتاعت البكر فيها حتة واحدة مع بعض
2 البكر ال في النص ودي البكرة الرئيسية ودي عبارة 2 بكرة واحدة علوية ودي خاصة بسرعة المروحة بتاعت التكيف والسفلية دي علشان درجة البرودة وطبعا لو وديتها ناحية اللون الاحمر يبقى على السخن
3 البكرة الشمال بيحدد دخول الهواء من خارج العربية إلى الداخل ولا يخلي الهواء الجووا العربية دائرة مغلقة والنصيحة هنا طول ماإنت جوا البلد تختار الهواء الجوى العربية يعني تبذله تحت
4 الزر ac ده علشان كمبرسور التكيف يشتغل لو مطفي يبقى كأنك مشغل مروحة بس

[wael2sh]

الزر الجمب ال ac الطفيه علشان ده بتاع تسخين الزجاج الخلفي ,,,,,في الشتاء مثلا ومع اختلاف درجة الحرارة جوا العربية وبره العربية الإزاز بيعمل شابورة جامدة وهنا تيجي وظيفة الزرار ده لما تدوس عليه بيسخن الإزاز عن طارق سلك حراري داخل الإزاز بيشيل الشبورة وتقدر تشوف بوضوح

[ramy_gamal]

بص أنا مش فاهم قصدك بوش ورجل
1البكر اليمين ده علشان خروج التكيف من الفاتحات الفوق بس أو من فوق و تحت عند القدم وهكذا حسب توضح الرسم ودي الحركة بتاعت البكر فيها حتة واحدة مع بعض
2 البكر ال في النص ودي البكرة الرئيسية ودي عبارة 2 بكرة واحدة علوية ودي خاصة بسرعة المروحة بتاعت التكيف والسفلية دي علشان درجة البرودة وطبعا لو وديتها ناحية اللون الاحمر يبقى على السخن
3 البكرة الشمال بيحدد دخول الهواء من خارج العربية إلى الداخل ولا يخلي الهواء الجووا العربية دائرة مغلقة والنصيحة هنا طول ماإنت جوا البلد تختار الهواء الجوى العربية يعني تبذله تحت
4 الزر ac ده علشان كمبرسور التكيف يشتغل لو مطفي يبقى كأنك مشغل مروحة بس

+1111111111
باقى العلامات عشان يطلع هواء على الازاز الامامى وبردة بيستخدم فى الشتاء لما الازاز الادمانى بيكون مشبر

[MohammedAladel]

البكرة اللى فى النص دى اللى بتشغل منها المروحة بأربع سرعات مختلفة وحوليها بكرة لو لفتها أقصى اليمين تبقى أقصى سخونة والعكس صحيح البكرة اليمين اللى عليها رسمة انسان فى أوضاع مختلفة فيه بتخلى الهواء يطلع مباشر عليك من الفتحات وفيه بتخليه يطلع من تحت عند رجليك وفيه بيخليك تختار مزيج بين الاتنين وفيه بيخليه الهواء يطلع من فتحات عند الأزاز الأمامى وزرار AC يعنى AirConditionaire وهو دا اللى بيشغل الكمبروسور بتاع التكييف يعنى لو مشغلتوش يبقى انت كدا مش مشغل التكييف الزرار اللى جمبه زى ما قال العضو الكريم فوق والله أعلم دى معلومة جديدة أول مرة أعرفها من حضرته فيه بكرة تانى فوق عند الفتحات دى بتتحكم منها فى الخروج من أعلى فيه فتحتين فى النص وفتحة يمين وفتحة شمال ممكن تخليها تطلع هواء من اليمين والشمال بس أو النص بس أو مزيج بين الاتنين بصراحة موضوع جميل واستفدنا كلنا منه عايز أعرف بقى التكييف التاتش بتتحكم فى الحاجات دى كلها بجانب اتجاه الهواء بتاع الريش من الزارير ولا بتحرك الريش بإيديك ؟

[byada10]

شكرا للردود, بس برضه البكره اليمين ما فهمتهاش كلها

يعنى البكره اليمين اول حاجه عليها رسمه الوجه فقط بعدين فيه خط و فيه نقكه و بعدين الخط متكمل, عايز افهم النقطه دى معناها ايه هى و الخط ده

و بعدين فيه اختيار الوجه و القدم بس و بعدين فيه القدم بس

ناقص اخر اختيارين معناهم ايه ؟

[MohammedAladel]

منا قلت لحضرتك كل الاختيارات الموجودة فيه خيار اللى عبارة عن رمز مستطيل وفيه كام شرطة حلزونية طالعين لفوق دا بيخلى الهواء يطلع من الفتحات اللى تحت الإزاز وجرب وانت هتلاحظ بنفسك