إنا لله، حرامي قلب العربية وكسرلي زجاج السائق

[abdo_2812]

السلام عليكم ورحمة الله وبركاته

الوحوش الغاليين أفيدوني بأسرع وقت الله يكرمكم

رحت أصلي الفجر، بصلي في مسجد بعيد شوية فأحيانا بروح بالعربية

المهم ركنت العربية ودخلت أصلي، خرجت لقيت حرامي كاسر زجاج السائق ومقلب العربية ... قدر الله وماشاء فعل ... الحمدلله أخد بس شوية حاجات واكسسوارات الموبايل لكن ما عرفش ياخد حاجة من العربية نفسها الحمدلله

المطلوب دلوقتي ، أفيدوني هل فيه مكان كويس لتغيير الزجاج، ولو التوكيل حد يعرف السعر؟
أنا نفسي أركب زجاج زي بتاعها الأصلي فأرجو الإفادة بأنسب حل ممكن

العربية طبعا ميجان 2008

وجزاكم الله كل خير، وربنا يبعد عنا جميعا كل شر ... آمين

[Ahmed A Rahman]

الثلاثية في الحرفيين
غبور في العاشر من رمضان

التكلفة في حدود 400-500 جنيه

في التوكيل الاسعار اغلى من كده بكتير

[shawkylotfy]

حضرتك هات الزجاج استيراد استعمال من بتوع الاستيراد هتلاقية الاصلى بتاعها

[assaf]

قدر الله وما شاء فعل
كلم مصنع د. جريش في العاشر و شوف الاسعار حتلاقيها اقل من التوكيل

[MohammedAladel]

حضرتك هات الزجاج استيراد استعمال من بتوع الاستيراد هتلاقية الاصلى بتاعها

أفضل حل

[Land_Cruiser]

قدر الله وما شاء فعل
كلم مصنع د. جريش في العاشر و شوف الاسعار حتلاقيها اقل من التوكيل

+11111111
اعتقد ليه فرع كمان فى شارع بغداد فى مصر الجديده و فى المهندسين و الظاهر حسب الأقرب لحضرتك. المهم بس كلمهم و اعرف عندهم و لا ايه و سعره كام

[sammor_28]

حضرتك هات الزجاج استيراد استعمال من بتوع الاستيراد هتلاقية الاصلى بتاعها

ده فعلا افضل حل
وهتلاقي الزجاج الأصلي
حصلت معايا في الكليو وجبت الزجاج للباب الخلفي يمين (زجاج الباب مش الشراعه ) من الحرفيين ب 100 جنيه من حوالي سنتين وجبته هو هو نفس الأصلي بالظبط من عند الشيخ جمال

[tarekiooo]

مشكله كبيره حرامى الفجر وخصوصا اللى بيركبوا عربيات كارو وبيلموا الزباله
وعاده بيكونوا فردين

[abdo_2812]

شكرا لكم جميعا ياوحوش، وجزاكم الله كل خير

اللي تم إني اتصلت بالعقيد خالد حبيبنا وأستاذنا هنا، وطلعت عليه مباشرة

والرجل مشكورا وربنا يباركله يارب عطل نفسه وساب شغله وجه معايا عند الشيخ جمال بتاع المستعمل وجبنا زجاج استيراد والعقيد خالد فضل واقف معايا لحد ما خلصت كل حاجة ومشيت بالعربية كمان

خالص الشكر للعقيد خالد وربنا يباركله

وجزاكم الله كل خيرا جميعا يارب

[ahmedtr9989]

العقيييد خالد ...هو الكبير بتاعنا

[abdo_2812]

حبيييب قلبي ياهندسة، أنا قعدت أدور على العضوية بتاعتك :)
حصلي الشرف الكبير إني أتعرف عليك والله وإن شاء الله نتقابل في الخير دائما

[ahmedtr9989]

حبيييب قلبي ياهندسة، أنا قعدت أدور على العضوية بتاعتك :)
حصلي الشرف الكبير إني أتعرف عليك والله وإن شاء الله نتقابل في الخير دائما

دا أنا و اللهي إلي حصلي الشرف ..... و يااارب دائماً متجمعييين في الخير ...و عند سيادة العقيد خااالد علشان نشرب على حسابه