الحمد والشكر لله أخيراً جبت الداستر !

[albasha]

ربنا يديك خيرها ويكفيك شرها
المهم تحافظ في أول 1000 كيلو علي السرعه لا تزيد عن 80 وال rpm عن 2500
وتتابع العربيه وأي مشاكل تتصل بالتوكيل تأكد معاهم علي المشاكل أول بأول

[omskmaher]

عربيه محترمه جدا مليون مبروك ربنايكفيك شرها ويعطيك خيرها اخنيار موفق بجد متنساش تروح جنز كار تعملهافرش و مسند كنسول

[خالد]

اللى انت قولتة هو بالظبط اللو انا اخدتة بالاضافة لمسامير اضافية لمنع سرقة الجنوط - الصدا اللى على الشكمان مش المفروض طبعا انة يكون فى عربية زيرو بس على العموم انا ركبت حلية الشكمان اللى بتركب على اخر الشكمان علشان تديلة منظر - ممكن تعمل كدة و بتدى منظر احلى للعربية من ورا و ب 45 جنية بس

للأسف أنا ماأخدتش مسامير منع سرقة الجنوط دى !! أنا أخدت 5 مسامير إحتياطى بس ! هل قصدك على دول ولا دول حاجة تانية ؟
وحلوة فكرة الحلية للشكمان دى مع أنى مش غاوى الحاجات دي وبحب أسيب العربية على حالتها ولكن هنفذ الفكرة دى إن شاء الله
معلش إستفسار تانى ، النهاردة وأنا فى المرور برخص قفلت اعربية وشيلت المفتاح من الكونتاكت ولكن مازالت مروحة التبريد دايرة لدرجة أن عامل رفع البصمة مش عارف يآخد بصمة الموتور !!!!
وبعد عدة محاولات واللعب فى كل الزراير بتاعتها علشان المروحة تقف ! حركت المفتاح بتاع إتجاهات هواء التكيف (اللى جنب مفتاح درجات التكيف ) فتحته وقفلته لقيت المروحة بطلت !!
خلصت ورجعت البيت نفس الحركة بعد ماركنتها وقفلت العربية وطالع البيت سمعت صوت المروحة لسه دايرة !! فهل ده طبيعى ولا أيه ؟

[مدحت البلبيسى]

الف مبروك دكتور خالد على فكرة شفتك النهاردة انت كنت بترخص فى مرور الجزيرة ولما شفتها سالت اخوك الراجل الذوق عليها ربنا يباركلك فيها والله انا عايز اجيبها ومتردد من كلام الناس عشان قطع الغيار الى مش متوفرة وسعر اعادة البيع والمانيوال متعب بس بنسبة90%ناوى عليها ربنا يسهل لايقة عليك ربنا يباركلك فيها يارب

[خالد]

الف مبروك دكتور خالد على فكرة شفتك النهاردة انت كنت بترخص فى مرور الجزيرة ولما شفتها سالت اخوك الراجل الذوق عليها ربنا يباركلك فيها والله انا عايز اجيبها ومتردد من كلام الناس عشان قطع الغيار الى مش متوفرة وسعر اعادة البيع والمانيوال متعب بس بنسبة90%ناوى عليها ربنا يسهل لايقة عليك ربنا يباركلك فيها يارب

ويبارك فى حضرتك يارب ، والله بعد ماسعادتك مشيت وأخويا بيقوللى أنك كنت بتسأل عليها وسألته كام سؤال كده قولتله ده أكيد من نايل موتورز (والله ده حصل) إن شاء الله أكيد هيكون لينا مقابلة تانى ونتشرف بحضرتك
على فكرة بسم الله ماشاء الله العربية زى الفل وسحبها حلو جداً وثباتها رائع بس برضه حتى الآن أنا مازودتش عن سرعة 80كم بس تحس أنها مكلبشة وراسية على الأرض وكفاية أنها 4*4 وعالية وكاشف كل الطريق والعربيات حواليك وشايف آخر الكبوت بتاعك ، على فكرة أنا كنت دايخ عليها ومش لاقيها خالص لغاية لما ربنا وفقنى وأتصلت بسمير ريان وقاللى هنشوفهالك ولقاها عند الطارق فى الأسكندرية ، وعلى فكرة أول مرة سمير ريان يبيعها لأنهم فى المعرض مش عارفين شكلها أصلاً وكانوا خايفين يجيبوها وأنا ماآخدهاش !! بس بصراحة صادقين جداً فى كلامهم حجزت فى يوم الصبح ، بالليل العربية جت وأتصلوا بيا بالليل آجى أستلم قلت تانى يوم فى النور أحسن ، والحمد لله على كل حال وكنت ناوى على اللون الأسود بس لقيت مفيش غير الفضى وأخدتها وطلع تحفة اللون عليها مديها وسع ومكبرها غير أنه لون عملى ومابيلمش التراب ، ربنا يكرمك ويوفقك لما فيه الخير ، أنا النهاردة شوفت واحدة لونها أسود معدية من أمام جينز كار مدينة نصر حسيت ان الأسود مصغر العربية جامد جداً ومش مبين هيبتها ، توكل على الله وهاتها وإن شاء الله مش هتندم
وربنا يوفقك

[minicooper20]

الف مبروك مشاء الله ربنا يملهالك بركه

[خالد]

الف مبروك مشاء الله ربنا يملهالك بركه

ويبارك فى حضرتك ويرزقك ويستر طريقك ويحفظك وأهلك وسيارتك وكل ماتملك آمين آمين آمين