renault clio VS. citroen c3 VS. skoda fabia

[fighter0072004]

السلام عليكم
ياجماعه انا محتار اوى بين العربيات دى (كليو-سى3-فابيا)ياريت لو حد يقدر يفيدنى
انا معايا حوالى 35 الف وبتكلم على موديل 2002 او 2003
ياريت الناس تقولى ايه احسن وليه ؟
وياريت لو حد يعملى مقارنه شامله من حيث قطع الغيار والاعتماديه والاداء وكده يعنى

[shawkylotfy]

الثلانة اسوء من بعض

[albasha]

هو طبعاً كليو بس أعتقد المبلغ ممكن يحتاج يزيد شويه لو ناوي علي حاجه نضيفه
عربيه إعتماديه جداً وإقتصاديه جداً قطع الغيار أسعارها عاديه وأدخل علي أي موضوع خاص بقطع الغيار وأقرا أسعارها وهتعرف أو خد تليفون محلات قطع الغيار وأسأل علي أسعار حاجات معينه وقارنها مع عربيات تانيه هتلاقي الكليو أسعارها معقوله جداُ وبالنسبه للعربيتين التانيين برضه الفابيا مش وحشه بس أعتقد ال c3 ممكن تكون فيها كلام 0 صراحه معرفشي حاجه عنها ) بالنسبه للإنتشار الكليو أكثرهم إنتشاراً وده هيريحك إنك تلاقي قطع غيارها بسهوله وهي متوافره فعلاً بسهوله بس أهم حاجه تكشف علي العربيه كويس علشان متتعبشي معاه وخد بالك إنت بتشتري سياره مستعمله يعني ممكن بعد ما تشتريها بيوم تطلعلك مشكله علشان مش تظلم البايع وديه بتبقي نصيب بمعني إعمل حسابك في مبلغ تظبيط بعد الشراء وربنا يوفقك في إختيارك إن شاء الله

[fighter0072004]

يزيد حوالى قد ايه؟
لوحضرتك قصدك على الاسعار بتاعت كونتكت كار فدى بيقى مبالغ فيها اوى ولا حضرتك رايك ايه؟

[ahmed_oth]

لو كليو هاتش باك 1200 سى سى يبقى احلى كلام
مشاكل اقل من السيدان
فرنساوى من اصغر مسمار لاكبر حاجه فى العربيه
قطع غيار مرميه فى صقر قريش والحرفيين

c3 مشكلتها فى ندرتها والجير بوكس ومشاكله

[albasha]

يزيد حوالى قد ايه؟
لوحضرتك قصدك على الاسعار بتاعت كونتكت كار فدى بيقى مبالغ فيها اوى ولا حضرتك رايك ايه؟

الزياده حسب حالة العربيه بمعني ممكن تكون عربيه نضيفه وصاحبها متابعها بإستمرار صيانه ومحافظ عليها هتلقيه غير واحد تاني مهمل أسف في الكلمه بس ميعرفشي غير إنه يدور العربيه ويمشي وده هتلقيه طالب سعر وده طالب سعر تاني علشان كده هتلاقي فرق وطالما إنك واخد قرار أحسن حاجه تنزل السوق وتشوف إعلانات النت وتفاوض أصحابها وتشوف العربيه الأول لو إستريحتلها تبدأ تعمل كشف سريع عند ميكانيكي أمين وبعدين لو طمنك ممكن تبدأ تشتري لو قلقان ممكن تتفق مع صاحب العربيه علي كشف في التوكيل ( بس رأيي لو ميكانيكي أمين وطمنك وبعدين ممكن تعمل كشف كمبيوتر ويطلعلك سجل الأعطال تريح نفسك من كشف التوكيل لإنه بتكلف في حدود 500 جنيه )

[fighter0072004]

لا انا ان شاء الله ناوى لو كليو يبقى هاكشف عليها فى فرنش موتورز ايع راى حضرتك؟

[albasha]

لا انا ان شاء الله ناوى لو كليو يبقى هاكشف عليها فى فرنش موتورز ايع راى حضرتك؟

طالما نويت تعمل كشف في فرنش موتورز يبقي روح التوكيل أحسن الفرق بيتهيألي مش كبير
وربنا يوفقك في الإختيار

[fighter0072004]

متابع باهتمام

[gym1974]

معايا كليو 2003/1200cc عامل بيها 170 الف كيلو فوق الممتازة كل الصيانات فى التوكيل وده اللى مخلى العربية فوق الممتازة معلشى ركز فى الكلمة ده قوى انا فى راى العربيات الرينو بالذات لو خرجت بره التوكيل او بلاش علشان مش عايز اصعب عليك الموضوع لو اشتغل فيها حد مش فاهم الله يعوض عليك اشبع بقى مشاكل للركب عيبها الوحيدة من وجه نظرى مقرفة وغير مريحة جدا فى السفر يمكن بالنسبة لى لأنى بسافر شرم الشيخ كتير تحياتى لحضرتك

[fighter0072004]

الف شكر على رد حضرت وفعلا عندك حق
ياجماعه هو فى ميكانيكى رينو فى امبابه كويس خلف النور المحمدى امسه بليه صح؟ ولا ايه؟

[ramy_gamal]

معايا كليو 2003/1200cc عامل بيها 170 الف كيلو فوق الممتازة كل الصيانات فى التوكيل وده اللى مخلى العربية فوق الممتازة معلشى ركز فى الكلمة ده قوى انا فى راى العربيات الرينو بالذات لو خرجت بره التوكيل او بلاش علشان مش عايز اصعب عليك الموضوع لو اشتغل فيها حد مش فاهم الله يعوض عليك اشبع بقى مشاكل للركب عيبها الوحيدة من وجه نظرى مقرفة وغير مريحة جدا فى السفر يمكن بالنسبة لى لأنى بسافر شرم الشيخ كتير تحياتى لحضرتك

معلش ممكن اعرف ليه متعبه فى السفر؟ انا بسافر القاهرة رايح جاى فى نفس اليوم عادى هل المسافه عشان اطول ؟ هل المشكله فى اداء العربيه؟

[gym1974]

معلش ممكن اعرف ليه متعبه فى السفر؟ انا بسافر القاهرة رايح جاى فى نفس اليوم عادى هل المسافه عشان اطول ؟ هل المشكله فى اداء العربيه؟

اهلا بك اخى الكريم بحس ان العربية بتميل منى جامد وانا ماشى ومش عايز اقولك مجدد العفشة كلها ومش عارف ايه السبب هل يا ترى علشان العربية خفيفة وضيفة فاى ميل فى الطريق بحس بيه ولا ايه مش اعرف بالظبط بس بجد الموضوع ده بيعكنن على جدا وانا مسافر