الحمد لله على كل شىء - حادث

[Mohab.Nabil]

السلام عليكم و رحمة الله و بركاته

كان نفسى اكتب موضوع فى قسم رينو فى ظروف احسن من ديه

النهاردة تعرضت انا و اسرتى لحادث صعب جدا فى الطريق الزراعى اسكندرية و احنا مسافرين

عربية نقل تقيل خبطت العربية من ورا فالعربية اختل توازنها و لفت الطريق كله دايرة كاملة و بعدين رجعت بجنبها فى وش العربية النقل و النقل فضلت ماشية بالعربية حوالى 500 متر لحد ما السواق قدر يوقف العربية النقل

الحمد لله الحادث مفهوش اصابات بشرية من الجانبين بس كانت صدمة كبيرة جدا خصوصا و النقل متحكم فينا و عمال يزقنا ..

العربية طبعا اتبهدلت خالص

اظن انها هتحتاج بابين كاملين شمال ناحية السواق و مراية ناحية السواق ضم و رفرف امامى و رفرف خلفى و القطعتين البلاستيك اللى فى الاكصدام قدام جمب الفوانيس و اكصدام امامى

محتاج مساعدتكوا فى احسن مكان اقدر اجيب منه الحاجات ديه بجودة كويسة و سعر معقول

و الطرق فعلا فى مصر لا تصلح ابدا للاستعمال الادمى .. انا كنت ماشى فى حالى و سرعة تحت الـ 90 و برضه لولا ستر ربنا كان زمان كل اللى فى العربية اتوفوا .. الحمد لله و الشكر لله ان مفيش اصابات

[mshmshm3]

ياساتر يارب الف حمدلله علي سلامتك و مش مشكلة الصاج اهم حاجة انكم بخير و ماتقلقش ان شاء الله بسيطة

[S O P H O S]

الحمد الله انكم بخير
ده اهم حاجة ..

[TheUnknown]

حمد الله على السلامة انت و الاسرة.
انا مش عارف بتوع النقل دول اخرتهم ايه !!

[Mohab.Nabil]

ياساتر يارب الف حمدلله علي سلامتك و مش مشكلة الصاج اهم حاجة انكم بخير و ماتقلقش ان شاء الله بسيطة

الحمد لله الواحد شاف الموت بعينه و اتأكد فعلا ان الواحد ممكن عمره يضيع فى ثانية و الف شكر

الحمد الله انكم بخير
ده اهم حاجة ..

الحمد لله و الف شكر


انا اسف مكتبتش نوع العربية فى الموضوع هى العربية ميجان سيدان 2006

[Mohab.Nabil]

حمد الله على السلامة انت و الاسرة.
انا مش عارف بتوع النقل دول اخرتهم ايه !!

الله يسلمك الف شكر

و الله قبل الحادثة على طول كنت لسه بقول لوالدى ان اصحابى كلهم بيخافوا يسوقوا على الطريق ده و انا كنت سايق عليه اكتر من مرة قبل كده بس فعلا الحادثة بتيجى فى ثانية انا فجأة لقيت العربية بتلف و النقل عمال يخبط فينا و معرفتش ظروف الحادثة الا من الناس اللى كانت واقفة على جانب الطريق .. الحمد لله

[alu]

الف حمد لله على سلامتك وسلامة العائله

[bmya]

حمد الله على سلامتك بوع النقل دول عاوزين الحرق
انا لسه من عليه حالا والواحد بيبقى ماشي عينه في قفاه الواحد مش عارف الخبطه هتيجي منين من وره ولا قدام ولا الجنب

[discman]

حمد لله على السلامه
فى حد في الحرفيين و انت جاى من جسر السويس و داخل الحرفيين من جنب الكوبري هتلاقى سور المزرعه علي ايدك اليمين كمل هتلاقي تقاطع كمل برضو وخش الشارع اللى هيكون قدامك وهتلاقى انصاص رينو على شمالك عندهم كل حاجه ان شاء الله

[Mohab.Nabil]

الف حمد لله على سلامتك وسلامة العائله

الله يسلمك ، شكرا

حمد الله على سلامتك بوع النقل دول عاوزين الحرق
انا لسه من عليه حالا والواحد بيبقى ماشي عينه في قفاه الواحد مش عارف الخبطه هتيجي منين من وره ولا قدام ولا الجنب

الله يسلمك شكرا

و الله الواحد طول عمره كان بيقول انه لو ماشى صح و بسرعة معقولة هيبقى فى السليم بس النهاردة اتأكدت فعلا ان كل الناس ماشية فى الطريق بفضل و نعمة من الله و الواحد مهما كان بيعرف يسوق و ماشى صح ممكن يعمل حوادث موت من غير اى غلطة او تدخل منه برضه .. الحمد لله

[windofchange]

حمدلله علي سلامتك يامهاب....قدر الله ماشاء فعل

[ahmedhawas]

حمداً لله على سلامتك والأسرة الكريمة
وربنا ينتقم من النقل واللي بيعملوه فينا
اليومين دول كل حادثة أسمع عنها .. ألاقي النقل هو السبب

[mazher_m]

قدر الله وما شاء فعل
اهم حاجه ان انت واللي معاك بخير
الباقي كله سهل

[ashouhdy]

قدر الله وما شاء فعل

الحمد لله على سلامتكم وكل شئ يتعوض ان شاء الله

[Ahmed Selim]

حمداً لله علي سلامتك انت والأسرة.........دي بالدنيا و ما فيها

أنا بعد انقطاع سنتين عن السواقة في مصر عملت مشوار طويل النهاردة من شرق القاهرة لغربها و لولا ستر ربنا كان زماني مرتكب جريمة اللي حاشني بس أني كان معايا مراتي و عيالي

ربنا يستر طريقنا جميعاً