نتشه فى الموتور

[وائل مختار]

عربيتى ميجان 2 موديل 2006
فيها حاجه مضيقانى اوى بقالها فتره بتحصل وهى لما بدوس بنزين فى بدايه تحرك العربيه ولو شلت رجلى مره واحده بحس بنتشه فى العربيه جامده اوى ونفس الموضوع لو ماشى على سرعه عاليه واجى ادوس فرامل عشان اقف قبل ما العربيه بتقف وانا دايس على الفرامل بحس بنفس النتشه ،،،فى الاول انا شكيت فى شداد الموتور كشفت عليه فى التوكيل طلع سليم ،، يا ترى حد يقدر يفدنى فى الموضوع ده مع العلم ان الموضوع ده ملوش دعوه بالنتشه الطبيعيه اللى فى الفتيس

[Veroman]

متابع

[wael2sh]

عربيتى ميجان 2 موديل 2006
فيها حاجه مضيقانى اوى بقالها فتره بتحصل وهى لما بدوس بنزين فى بدايه تحرك العربيه ولو شلت رجلى مره واحده بحس بنتشه فى العربيه جامده اوى ونفس الموضوع لو ماشى على سرعه عاليه واجى ادوس فرامل عشان اقف قبل ما العربيه بتقف وانا دايس على الفرامل بحس بنفس النتشه ،،،فى الاول انا شكيت فى شداد الموتور كشفت عليه فى التوكيل طلع سليم ،، يا ترى حد يقدر يفدنى فى الموضوع ده مع العلم ان الموضوع ده ملوش دعوه بالنتشه الطبيعيه اللى فى الفتيس

بص أنا مش خبير قوي في الميجان بس لما اشتريت العربية لقيت نتشا مش عجباني وانا بكشف عليها في التوكيل سألت المهندس عليها قال لي عاوز اغير قاعدة فيتس ب 150 جنيه و قاعدة شكمان وسط ودي بتبقى قريبا من الفتيس برضه و 150 تقريبا
أنا غيرت الاتي بس بره التوكيل
قاعدة فيتس وسط
قاعدة شكمان وسط
شداد الفتيس
والعربية الحمد الله بقت كويسة والنتشا راحت وغيرت بالمرة فلتر الهوا بس ده طبعا ملوش دعوة بالنتشا التكلفة كانت كلها حوالي 500 جنيه في صقر قرش
على فكرة قاعدة الفتيس عندي كانت سليمة بس ناشفت من الركنة

[وائل مختار]

انا لسه مغير برضه قاعده الفتيس قريب واعتقد ان النتشه دى ملهاش دعوه بقاعده الفتيش ,,, متشكر اوى على الرد

[shawkylotfy]

غير زيت الفتيس وجرب وهل النتشة دية حصلت بعد ما ركبت قاعدة الفتيس الجديدة ؟

[وائل مختار]

لا النتشه موجوده قبل ما اغير قاعده الفتيس واعتقد ان الموضوع ملوش دعوه بالفتيس متهيألى حاجه فى الموتور

[shawkylotfy]

لا النتشه موجوده قبل ما اغير قاعده الفتيس واعتقد ان الموضوع ملوش دعوه بالفتيس متهيألى حاجه فى الموتور

انت بتغير على كام لفة ؟

[وائل مختار]

مش فاهم يعنى ايه بغير بعد كام لفه

[Abo_Lina]

و الله أنا عندي أعراض قريبة من اللي عند حضرتك
أنا لما بشيل رجلي من على البنزين العربية بتنتش و لو دست فرامل ممكن تقطع أحيانا
رحت لمبكانيكي بعد ما كشف قالي البوابة محتاجة تتغير
و بفكر أروح التوكيل أكشف كمبيوتر

[وائل مختار]

امبارح روحت كشفت على شداد الموتور السفليه لقيتها متهالكه جدا وغيرتها وجربت العربيه بعد كده لقيت الاعراض قلت لكن لسه موجوده , كشفت بعد كده على قاعده الموتور لقيتها برضه عاوزه تتغير هاغيرها كمان اسبوع كده واجرب واقولكم عملت ايه

[Rsarabia]

انا عندى نفس الحكاية دى و غالبا كدا بوابة حد يعرف تمنها كام ؟؟

[Abo_Lina]

البوابة أنا سألت عليها ب 600 جنيه استيراد .. جديدة ماعرفش لسه بكام
بس يقال انها بتحتاج برمجة