نصيحة لاخوكم لوجه الله وشكرا

[ashrofa72]

توكلت على الله وقررت اشترى ربنو فلوانس 2012 1600 سى سى بعد لف ووجع راس لمدة شهر فى المعارض طبعا ما شاء الله العربية فيها كل حاجة من الكماليات رجاء منكم التأكيد على الاختيار ولا ايه رأيكم منتظر النصيحة وشكرا مقدما.....

[hmada9009_99]

حلوه بس عيبها قطع غيارها نارررررررررررررررررررررررررر

[yalahwy2010]

حلوه بس عيبها قطع غيارها نارررررررررررررررررررررررررر

ممكن حضرتك توضح قطع غيارها نار ليه؟؟؟
يعنى مع ذكر أمثلة

[ashrofa72]

طيب بالنسبة لانتشار العربية وقطع الغيار والوكيل ايه الوضع ؟؟؟؟
خاصة انى انا معايا يابانى الان وشكرا......
بس دى فيها اوبشنز بسم الله ما شاء الله!!!!!!!!
يعنى اتوكل على الله؟؟؟؟؟؟

[wael2sh]

أنا صراحة مسمعتش من حد راكبها إنه مش مبسوط أنا صراحة ماركبتهاش بس نصيحة مني لما تيجي تسأل اسأل واحد ركب العربية وساقها علشان حكمه عليها هيكون واقع مش عن طريق السمع
و ربنا يهدي إلى القرار الصائب

[yalahwy2010]

انا كنت لسة كاتب المشاركة دى فى موضوع على المنتدى

التكييف مش زى اليابانى ........هو مش قوى.....بس ما تعرقش وهو شغال
يعنى لما يكون الجو ولعة زى اليومين دول......العيب ان العربية تاخد وقت من ربع لنص ساعة عشان تسقع العربية..........وطبعا عشان العربية بتبقى مخنزة درجة حرارة عالية والكلام ده لو انت سايبها تحت الشمس بال 3 : 4 ساعات
بس هرجع وأقول ان أغلب الأوروبى تكييفه زى بعضه.....بس الفلوانس بينزل منها الخلييجى تكييفها أقوى.....وده طبعا زكاء من رينو لأن درجات الحرارة عالية جدا فى الخليج......غير مصر
يعنى انا من وجهة نظرى ان التكييف فى الفلوانس مش وحش ومش حلو......بس شغال
لكن فتحتين التكييف اللى ورا حلوة جدا.........لأن ساعات اللى بيبقى قاعد ورا مش بيوصله هواء التكييف اللى قدام.........فا بيفضل حران ........لكن فتحتين التكييف اللى ورا بيخلى اللى قاعد ورا يسقع مع اللى قدام
الساوند سيستم من وجهة نظر واحد مجرب:
أحسن من السيفك .....وأقل من الفانتازيا فى البييز
لكن كمجمل : نقى وصوته نضيف.....وتستمتع بيه وانت مشغل اى أغنية
بالنسبة للقاعدة جوة العربية : بصراحة فوق الوصف........انا رحت شرم بيها وطبقت لليوم التانى بدون أى تعب او وجع فى الضهر او تنميل فى الرجل
انا السيفك كانت بتتعبنى فى قعدتها ....الفلوانس بصراحة مريحة جدا جدا جدا........وبتبقى قاعد كاشف الطريق كويس .....وماتحسش بمطبات الهواء اللى فى الطريق ...,عفشتها جميلة جدا وناعمة
والباور أنعم من باور الالنترا الجديدة اللى الناس كلها موهومة بيه........نااااعم جدا....بس بيتقل على السرعات العالية وده طبعا بيددى احساس بالثبات وتماسك العربية فى السرعات العالية

بالنسبة للنتشة : بصراحة اعتبر ان مافيش نتشة فى الفتيس..........بالعكس ...انا شايف انها قلت كتير جدا عن الميجان 2.........وبقت طبيعية زى اى عربية اوتوماتيك

توكل على الله..........العربية دى بصراحة تمنها يستاهل يعددى ال 160 مستريح.......وقطع غيارها يعتبر أرخص من عربيات فى فئتها
يعنى تيل الفرامل مثلا ب 440 جنيه (كانت فى السيفك ب 660)
فوانيس الشبورة (ب 500 جنيه تقريبا- وكانت فى السيفك ب 2400 جنيه)
فلتر بنزين ب 90 فلتر هوا ب 190 وفلتر الزيت ب 40 والبوجيهات ب 100 جنيه
فلتر التكييف ب 240 تقريبا (مش أكيد)

بالنسبة للتوكيل (من أحسن التوكيلات فى مصر)
انا رحت فرع العبور ............بصراحة نضيف ومنظم جدا
واى شكوى ليك فى العربية .....بيعالجوها ويغير اى قطع غيار لو باظت قبل الضمان (زى الطارة والعوامة )
وفيه وايرلس ومشروبات ساخنة ببلاش
وواسع جدا......
وليه فروع كتير........وقطع الغيار متوفرة برضه لو حبيت تشترى برة التوكيل ....بس ما انصحش خالص (لأن الأصلى أصلى)

وأى خدمة فى اى وقت ....وانا جربت الحيرة دى قبل كدة......وكنت فاكر ان الفلوانس ان فيها مشاكل زى الميجان 2 ..........لكن أتاكدت ان كل المشاكل اللى كنت في الميجان 2 اتصلحت واتعالجت
ولما جبت السيفك......كنت مكتئب وحزين.........لأن بصراحة الميجان 2 ركوبة محترمة ومريحة .....ومالقيتش الموضوع ده فى السيفك..........لكن الحمد لله لقيته فى الفلوانس
وان شاء الله ربنا يوفقك وتجيب التوب لاين او الهاى لاين
بلاش الفئة الاولى الاوتوماتيك........

[yalahwy2010]

طيب بالنسبة لانتشار العربية وقطع الغيار والوكيل ايه الوضع ؟؟؟؟
خاصة انى انا معايا يابانى الان وشكرا......
بس دى فيها اوبشنز بسم الله ما شاء الله!!!!!!!!
يعنى اتوكل على الله؟؟؟؟؟؟

التوكيل ممتاز جدا جدا جدا
الكماليات اللى فى الفلوانس عالية أوى بالذات الفئة التانية اوتوماتيك وانت طالع
ونصيحة من مالك العربية دى ومجرب ......ومجرب لانسر بومة وسيفك 2009 وفانتازيا (بتاعت الحاج) .....العربية دى سعرها فيها........وما شاء الله جميلة جدا وعفشتها ناعمة اوى ومريحة فى سواقتها والباور بتاعها اكتر من رائع......وفرامل جبارة.....ما شاء الله
وشكلها جميل جدا وواسعة.......من الآخر....لو اشتريت اى عربية تانية وجربتها....وبعدين جربت الفلوانس هتعرف كلامى وتقتنع بيه وممكن تقول أكتر من كدة
لأنى لما اشتريت السيفك.....عرفت ان الأوروبى ركوبة وراحة أعلى كتير من اليابانى
اليابانى ميزته فى السحب أحسن (واحنا فى مصر مش محتاجين السحب خالص).....والتكييف أقوى فى اليابانى
لكن باقى المميزات ..........الفلوانس تكسب
وبالتوفيق

[ashrofa72]

هو تصنيع العربية فين تركيا ولا ايه؟؟؟
ولو خليجى يفرق فى التكييف والاوبشنز؟؟

[yalahwy2010]

هو تصنيع العربية فين تركيا ولا ايه؟؟؟
ولو خليجى يفرق فى التكييف والاوبشنز؟؟

التجميع فى تركيا
الخليجى الفتيس cvt ....ويعتبر من أحسن الفتيسات اللى موجودة
والخليجى تكيفها نيسان........أحسن برضه
بس شبكة الخلييجى اللى قدام شكلها مش حلو....الوكيل شكلها أحسن
ومتهيألى الأوبشنز اللى فى الوكيل أعلى من الخليجى
يعنى مرايات الضم مش موجودة فى الخلييجى (بس مش أكيد).......ممكن ملاك الخليجى يفيدوك أكتر

[وائل مختار]

انا راكب حاليا ميجان 2 وان شاء الله لو فكرت اغير مش هاجيب غير الفلوانس

[mmmi_2005]

انا كمان بفكر في الرينو الفلونس الخليجي, انا معايا لانسر ياباني خليجي هي كويسه بس احساسي ان الفلونس أفضل من حيث الكماليات.

و كنت عايز أعرف هل هي موجوده جديدة في مصر ولا لأ