انضميت الي فائمه مالكي الميجان ولي استفسار

[osamaos20022]

الحمد لله انضميت الي قائمه مالكي الميجان2 بعد ما استفدت من تجاريكم
اشتريت ميجان 2006 بس زيرو ماشيه 5 الاف كيلو مواحد معرفه
هي كامله ماعدا قتحه السقف ومتبت السرعه
هو التكيف ليه فتحات ورا؟
لو ملوش الي في الفائم الخلقي دي هتحات ايه؟
لو لي تشتغا ازاي
شكرا

[Ahmed Selim]

ألف مبروك يا باشا
ربنا يديك خيرها ويكفيك شرها

بص حسب معلوماتى التكييف ليه فتحات ورا بس أنا عمرى ما قعدت ورا عشان أتأكد أن الفتحات اللى فى القوايم بتطلع هوا ولا لأ

[osamaos20022]

شكرا
وياريت من عنده معلومات اكتر يفيدنا

[Ramy_Tantawi]

ألف مبروك استاذ اسامه العربيه وربنا يباركلك فيها ويكفيك شرها ان شاء الله

بالنسبه للفتحات اللي في القايمين ورا هي مش فتحات تكيف ولكن بسؤالي لمهندسين التوكيل فهمت ان دي فتحات تهويه الغرض منها تكسير الهوا ........وكان سؤالي المعقب على الاجابه اللي ما فمهتش منها حاجه دي يعني ايه تكسير الهوا قالولي دي عشان لو انت ماشي على طريق صحراوي وفاتح الشباكين الاماميين الهوا طبيعي خط السير هايكون من خلال الشبابيك الاماميه ويخبط بكامل قوته في الزجاج الخلفي هنا دور الفتحتين دول ان الهوا اول ما يصطدم بالزجاج الخلفي يتم تكسيره او تشتيته عن طريق فتحتي التهويه في الخلف ................وده توفير للبنزين لئنه قلل مقاومة الهوا الداخل للعربيه وهاتكون قوه دافعه معاكسه لاتجاه سير العربيه وبالتالي استهلاك اقل للبنزين واستابيلتي اعلى خصوصا وانت فاتح الشباك.

للأمانه انا عمري ما جربت الامكانيه دي ولا استفدت منها لئن معظم سفرياتي باكون قافل الزجاج لكن حبيت بس اجاوب حضرتك ومبروك مره اخرى اخي الكريم.

[bassam nagy]

الف مبروك وربنا يباركلك فيها

[osamaos20022]

الله يبارك فيكم وشكرا للاجابه

[Abo_Lina]

الف مبروك و مرحب بيك في الاسرة الرينوية الفرع الميجاناوي الجواني