يا ريت النصيحة في ميجان 2005

[ah-gawad]

يا ريت يا وحوش الميجان رايكم بصراحة في الميجان 2005 هل فعلا فيها مشاكل عن باقي الموديلات اللي بعدها و لا لأ و لو فيها مشاكل هل يمكن التغلب عليها بتغيير حاجة و لا دي مشاكل مزمنة في الموديل ده . لاني معروض عليا ميجان 2005 اوتوماتيك بانوراما ماشية 60000 كم و كل صيانتها في التوكيل و رشه جانبين بس و استعمال سيده و انا شايفها عربية ممتازة بس كتير خوفوني من الموديل ده بالذات مش عارف الكلام ده صح و لا لا .
و يا ريت حاجة اخيرة بالنسبة للسعرالعادل كام لان صاحبتها طالبة 58000 و الناس بتقولي سعرها لا يتعدي 52000 ارجو الافادة و اسف علي الاطالة و شكرا

[ahmed_oth]

اكشف عليها كمبيوتر
اعمل حسابك فى 4 الاف تغيير فتيس عشان بيتم تغييره مع اغلبيه الميجان
اهم حاجه انك تصلح عند مراكز خدمه رينو متخليش اى ميكانيكى يلعب فيها
بالنسبه لسعرها حاول تحركه شويه
وربنا يكرمك

[ah-gawad]

اكشف عليها كمبيوتر
اعمل حسابك فى 4 الاف تغيير فتيس عشان بيتم تغييره مع اغلبيه الميجان
اهم حاجه انك تصلح عند مراكز خدمه رينو متخليش اى ميكانيكى يلعب فيها
بالنسبه لسعرها حاول تحركه شويه
وربنا يكرمك

شكرا لرد حضرتك بس هو تغيير الفتيس في الموديل ده تحديدا و لا بشكل عام في كل الموديلات و ال4000 جنيه ده سعر الجديد و لا الاستعمال

[yalahwy2010]

اكشف عليها كمبيوتر
اعمل حسابك فى 4 الاف تغيير فتيس عشان بيتم تغييره مع اغلبيه الميجان
اهم حاجه انك تصلح عند مراكز خدمه رينو متخليش اى ميكانيكى يلعب فيها
بالنسبه لسعرها حاول تحركه شويه
وربنا يكرمك

مين اللى قال كدة يا جماعة
الفتيس مافيهوش مشاكل تستدعى تغييره...........هو السولونويد فالف اللى ساعات بيتغير .......ومش غالى.....200 :400 جنيه تقريبا
والميجان مش من العربيات اللى تتهان.........لو اتهانت ...تزعل وتقف..........لكن بالعاملة الحسنة....تمشى معاك كويس
هو عيبها ان الحساسات كتير ومربوطة بدوران العربية ومشيانها.....بس بالنسبة للسعر..........اللى يدفع 60 ألف فى عربية زى الميجان.........انا من وجهة نظرى ....يبقى كسبان كتير جدا........لكن السوق المصرى بقى
لكن لو الميجان مثلا ب 80 ألف مستعملة ....زى الاسكودا مثلا.....فا ممكن تقول ان السعر غالى عشان الأعطال والمشاكل وكلام ده كله........لكن لما توفر 20 ألف جنيه........وتشترى عربية بمواصفات الميجان ...,امكانياتها ....وبرستيجها......يبقى تقدر تظبطها بكام ألف.....تمشى معاك بعديها كام سنة من غير ما تشتكى
وبالتوفيق

[ah-gawad]

مين اللى قال كدة يا جماعة
الفتيس مافيهوش مشاكل تستدعى تغييره...........هو السولونويد فالف اللى ساعات بيتغير .......ومش غالى.....200 :400 جنيه تقريبا
والميجان مش من العربيات اللى تتهان.........لو اتهانت ...تزعل وتقف..........لكن بالعاملة الحسنة....تمشى معاك كويس
هو عيبها ان الحساسات كتير ومربوطة بدوران العربية ومشيانها.....بس بالنسبة للسعر..........اللى يدفع 60 ألف فى عربية زى الميجان.........انا من وجهة نظرى ....يبقى كسبان كتير جدا........لكن السوق المصرى بقى
لكن لو الميجان مثلا ب 80 ألف مستعملة ....زى الاسكودا مثلا.....فا ممكن تقول ان السعر غالى عشان الأعطال والمشاكل وكلام ده كله........لكن لما توفر 20 ألف جنيه........وتشترى عربية بمواصفات الميجان ...,امكانياتها ....وبرستيجها......يبقى تقدر تظبطها بكام ألف.....تمشى معاك بعديها كام سنة من غير ما تشتكى
وبالتوفيق

الف شكر لرد حضرتك و يا ريت استفسار كمان هو لو صاحبها علي افتراض انه مغيرش السوفت وير للجيربوكس لحد دلوقتي ايه هي اقصي مشكلة ممكن تحصل في الجيربوكس و هل ينفع اني اغير السوفت وير دلوقتي و يتكلف كام تقريبا و شكرا

[MohammedAladel]

قرأت مواضيع كتير وقليل عنها ومسمعتش غن حد غير الفتيس !!!!!!!!!!! كله قال إنه عمل السوفت وير والعربية اتظبطت والعربية لسعرها وحالتها ومش ماشية كتير كمان فوق الممتاز رخيصة والله

[ahmed_oth]

حتى مع تغيير السوفت وير برده بتفضل مشكله النتشه فى الفتيس زى مهيا

[ahmed_oth]

وطول عمر الميجان مشهوره بمشكله الفتيس بالذات موديلات 2001 الى 2006

[MohammedAladel]

مش مشكلة ولا حاجة كل الميجان 2005 ماشية زى الفل وبعدين عربية ماشية 60 ألف كيلو بالسعر دا إنت عارف العربية خسرانة 100 ألف جنيه يا باشا والله لو مكان صاحب الموضوع هشتريها على طول

[Ahmed Selim]

وطول عمر الميجان مشهوره بمشكله الفتيس بالذات موديلات 2001 الى 2006

معاش اسمحلي اختلف معاك

اولا موديلات ما قبل 2005 موديل مختلف تماماً عن ما بعد 2005 شكلاً و مضموناً

موديلات 2005 و 2006 كان فيها مشكلة النتشة بتاعة الفتيس ما بين الاول و التاني تحديداً و دى زي ما الأخوة وضحوا بتقل بعمل أبديت للسوفت وير و عن تجربة

المشكلة التانية هي سولونيد الفتيس و دى بصراحة سمعت انها حصلت مع ناس كتير بس محصلتش مع حد اعرفه كويس
و بيتغير بحوالي 400 جم

و لصاحب الموضوع
اولا لو صاحب العربية مواظب على الصيانات في التوكيل هتلاقي السوفت وير اتغير
و حتى لو مكنش اتغير اقصي حاجة انك هتحس بنتشة بسيطة بين النقلات

نصيحتي ليك بس لو انت ناوي تشتري يبقي تكشف على العربية فى التوكيل او احد مراكز الخدمة المعتمدة علشان تكون مطمئن

و بالنسبة للسعر اعتقد انه كويس جداً لو العربية طلعت سليمة بعد الكشف و ماشية 60 الف بس

[wael2sh]

سعرها كويس بس طبعا لو قدرت تاخدها باقل من كده هيكون أحسن على فكرة موضوع الناتشا ده موجود في معظم السيارة الأوروبية ونسبة الناس الغيره فيتس قليلين و العربية حضرتك بتقول إن حالتها كويسة ,, توكل على الله مش هتعرف تركب عربية بالامكانيات دي بنفس السعر أنا رأي إنت الكسبان والبائع هو الخسران

[MohammedAladel]

سعرها كويس بس طبعا لو قدرت تاخدها باقل من كده هيكون أحسن على فكرة موضوع الناتشا ده موجود في معظم السيارة الأوروبية ونسبة الناس الغيره فيتس قليلين و العربية حضرتك بتقول إن حالتها كويسة ,, توكل على الله مش هتعرف تركب عربية بالامكانيات دي بنفس السعر أنا رأي إنت الكسبان والبائع هو الخسران

ولا تَبْخَسُوا النَّاسَ أَشْيَاءهُمْ }

[yaya toure]

لو سمحتواا ايه حوار السوفت وير ده في الميجان لاني بفكر اشتريها و معرفش عنها حاجه و الفتيس كمان فيه
مشكله ولا ايه و هل في مقارنه بينها وبين السيفيك 92و93 و الاوبل استراا ومين احسن فيهم افيدوني افادكم الله